استمتعوا يحلويني
تجاهلوا الاخطاء الاملائية
..........................
كبيَر شعور ما أتبع المقفين
..........................
.................
( فلاش باك )
خرج بعد اسبوعين من المستشفى
توجهوا لشقه سدن بسياره تاكسي والهدوء مسيطر على المكان
دخلوا وسدن يدف كرسي اخوه المتحرك متوجه لغرفته
فتح الباب وقرب من السرير وشال سند وحطه على السرير وغطاه كويس
مشى لشباك الغرفه وقفله وناظر سند :- بسوي لك احلى شوربه تصحصح منها
خطى لخارج الغرفه بس رجع لما ناده سند
قرب منه وهو يحاول يبتسم وجلس جنبه :- عيون سدن وشو حبيبي ؟
بلع ريقه سند وهو يحاول يطلع صوته بسبب حنجرته اللي تألمه من الصراخ والبكاء :- متى ترجع لسعوديه ؟
عقد حواجبه سدن باستغراب :- ما برجع بظل هنا لين تتعالج حبيبي
تنهد سند وأشر لورقه وقلم فوق المكتب الصغير اللي بزاويه الغرفه
وقف سدن وجابها له ، اخذها سند وبدا يكتب ومدها لسدن ، اخذها وقراها وغمض عيونه منزل الورقه وابتسم بوجه اخوه :- سند يبوي انت اصبر اول شي تتعالج بعدها وعد برجع على الاقل يومين طيب ؟
تنهد سند وهز راسه وصد عن سدن اللي قرب منه وباس جبينه وهو يحس برعشه اخوه
خرج و توجه للمطبخ وتسند بيدينه على الطاوله وهو يناظر الجدار بغضب
مسح وجهه و دموعه وبدا يسوي لسند اكله
دقايق وانتهى واخذ صينيه فيها طبق شوربه و كوب عصير
دق الباب ودخل ، رفع عيونه يناظر سند اللي يناظر الجدار بملامح مصدومه
عقد حواجبه ونزل الصينيه فوق الطاوله وقبل يسحبها يقربها له نرل عيونه ليدين سند
قرب بسرعه ولمسها وهو يحس برودتها و رجفته
رفع الغطاء يناظر جسد سند اللي يرجف بشكل غريب
جلس جنبه ورفعه لحضنه وهو مو عارف وش يسوي من الخوف وضمه لصدره
يمسح على راس اخوه وبدا يبكي من الخوف :- سند سند حبيبي اهدا طلبتك اهدا تكفى لا تفجعني فيك تكفى اسمعني والله لو يلاقي سعاده الدنيا كلها باخذها منه بس اهدا وعد علي بيندم وعد
