استمتعوا يحلوين
تجاهلوا الاخطاء الاملائية
..........................
عذبني ياحلو منك العذاب
ياحلو تجريح قلبي والنواه
.........................
.........،.........
الساعه 6:55 صباح
دخل سند المستشفى وهو لابس جاكيت ثقيل وانفه احمر و وجهه شاحب
شرب من كوب الهوت شوكلت اللي مسويه له عزيز
ناظر باسل اللي قرب منه ودخل معه المصعد :- صباح الخير دكتور سند سلامات تعبان ؟ تدري اليوم بيطلعون سعود اقصد اللواء سعود هذاك المهم عندك عمليه بكره اللي مفروض تكون بعد اسبوع بس صارت مضاعفات للمريض
ناظره سند وهو عاقد حواجبه وانفتح المصعد وخرج متجه لمكتبه و وراه باسل
دخل وفصخ جاكيته ولبس البالطو وناظر باسل وهو يحس بالصداع يزيد عليه :- ايوه تعبان وسعود بيطلع اليوم اعرف والعمليه اعرف بعد وقتها واذا مافيه شي مهم تقدر تتفضل وياليت تجيب لي مسكن الم
هز راسه باسل بايجاب وخرج من المكتب مقفل الباب وراه
ناظر افنان وقرب منها وهو لحد الان مستغرب
تنهدت افنان وناظرته :- وش سويت له اكيد صدعته بسوالفك
جلس باسل وبدا يدور بدرج مكتبه واخذ المسكن وتنهد :- الحُب يتعب كذا ؟ الدكتور تعبان مره مدري كيف بيسوي العملية بكره ومصدع بس ما عصب علي تخيلي ؟
توسعت عيون افنان بصدمه ومدت علبه مويه لباسل اللي وقف :- طيب لا تسولف له انت عطه وتعال لي بسرعه
هز راسه ودخل لمكتب سند بدون ما يدق الباب وقرب منه يمد له المسكن والمويه بس نزلها على الطاوله لما عطس سند وابتعد عنه
ابتسم سند وأشر لباسل يفتح الدولاب الموجود بزاويه المكتب وهمس له بصوت مبحوح :- عطني كمامه وانت البس بعد كنت جنبي
لبس باسل ومد وحده لسند بطرف اصبعه وخرج ركض من المكتب وسمع ضحكة سند الضعيفه
جلس جنب افنان اللي تناظره ورجع تنهد :- تعبان مره وعطس بس ما احبه لما يتعب يصير كذا منطفي
همهمت افنان بتأيد وناظرت اللواء بادي اللي توجه لغرفه سعود وناظرت باسل اللي وقف بغيض :- لا يكون يبي ياخذ سعود من سند يخسي والله هذا الباقي
