استمتعوا يحلوين
تجاهلوا الاخطاء الاملائية
....................
وغفرتُ ليس لأن ذنبك يُغفر
وعفوتُ ليس لأن ما اقتَرَفته كفُّكَ هين
..................
الساعه 3:50 فجراً
فز سند من سريره وناظر الساعه وتنهد صار له ساعتين يحاول يرجع ينام من لما صحى بسبب كابوس وهو مو قادر ينام مره ثانيه
وقف وفصخ ملابسه متوجه للحمام يتروش لعله يصحصح ، انتهى بسرعه وتوجه لدولابه يخرج له بنطلون وبلوفر اسود ورفع قبعته على راسه المبلل
خرج وناظر المطبخ وقرب يطل براسه وانتبه لبرواني اللي سواه امس احد مأكل منه
ابتسم و قرب من غرفه عزيز وحاول يتنصت بس ما سمع شي
تنهد وقرب من الخزانه جنب الباب واخرج له شوز وهو يلبسه ناظر الجزمه الرسميه
وكتم ضحكته لما تذكر انه شاف بادي لابسها كذا مره
خرج مقفل الباب وراه وخرج من العماره واخرج مفتاح سياره عزيز من جيبه وتنهد ماله حل ثاني ومافيه نشاط يمشي للمستشفى وعزيز بيوصله بادي اكيد
شغلها وحرك للمستشفى وهو يحاول ما يفكر بشي ثاني ويعكر مزاجه
وصل ونزل وقفل السياره ومشى لداخل المستشفى
ناظر الساعه بجواله وكانت 4:20 فجراً
رفع راسه وناظر المناوبين وهدوء المستشفى
توجه للمصعد وبعده لمكتبه ، دخل ولبس البالطو فوق بلوفره واخذ سماعته الطبيه
خرج وناظر افنان اللي بيدها اكواب قهوه كثيره ومتجهة لمكتبها
قرب منها وابتسم يساعدها واخذ كم كوب :- صباح الخير لا تقولين كلها لك !
ضحكت افنان ونزلت البعض فوق المكتب :- صباح النور دكتور لا لزملائي وجبت لك بعد
همهم سند وناظر القهوه واخذ له بلاك بارد وشرب منه :- تبين مساعده بتوزيعها ؟
هزت راسها وناظرت الممرضه اللي قربت منها :- لا دكتور ما تقصر
ابتسم لها و توجه لدور الخامس وخصوصاً العناية
وقف قدام الزجاج ويناظر سعود النايم بداخل وحوله الاجهزه
تنهد وكمل كوبه بسرعه ودخل عنده مقفل الباب وراه وغطى الزجاج بالستاره
