استمتعوا يحلوين
اتمنى يعجبكم البارت ، طبعا لتوضيح فقط هالروايه مو اكشن او كوميديا كثر ما انها دراما اك لا تتوقعون الكثير
وبخصوص الشخصيات اتوقع واضح لكم انهم مو كثير وما يحتاج اقول انه هالروايه بتكون قصيره مثل باقي رواياتي وما بتعدد 15 ، 20 بارت
............................
بديت أطييييب .. بديت أحس بك عادي
- ماجد المهندس.
..............................
الساعه 8:33 صباحاً
دخل المستشفى وبيده قهوه مسويها عزيز له وجايبه راسه ، من زمان ما صحى بروقان كذا واكل وشرب كوبين قهوه
ناظر باسل اللي قرب منه وبدا يمشي جنبه قبل ما يتكلم بسرعه :- صباح الخير دكتور عندك حاله مستعجله واتصلت عليك بس جوالك مقفل وبالاخير خليته ينتظر وصار له خمس دقايق ومعصب والحين دخلته لمكتبك و افنان تحاول تهدي فيه وبعدها مدير المستشفى يبيك بمكتبه اتوقع معصب منك او بيمدحك لان وجهه جامد مافهمت نيته وشسمه بعد اللواء مسوي عزيمه ب بيته عشان ولده سدن وعازمك انت و طاقم العمليه و حرص يذكر اسمك
تنهد باسل وابتسم وهو يناظر سند اللي واقف يناظره قبل ما يمسك راسه اللي صدع :- باسل واللي يرحم والديك قول منجد المواضيع هذي بس بهدوء عشان افهم و وشفيه سعود ذا ؟
دخلوا المصعد وبدا باسل يقوله كلامه بسرعه معقوله ولما انفتح المصعد خرجوا وسند ماسك راسه لانه صدع اكثر لما فهم كلام باسل
قرب من مكتبه وناظر الواقف وراه :- ماعندك شي صح ؟ جيب لي قهوتك اللي سويتها ذاك اليوم وبنفس الكوب بالله صدعت بسببك
ابتسم باسل باحراج وركض يسوي له قهوه بينما سند تنحنح ودخل وهو يفصخ جاكيته ويعلقه وعيونه تناظر افنان و الجالس قدامه :- سلام عليكم
ردت افنان وقربت منه وهي توقف جنبه بعد ما لبس البالطو حقه ، جلس وناظر الورقه اللي مدتها افنان لوجهه
اخذها وبدا يقراها بتركيز قبل ما ينزلها ويبتسم للجالس :- وش تشتكي منه حضرت اللواء بادي ؟
عدل جلسته بادي و عيونه بعيون سند وابتسم بخفه :- المذكور قدامك حضرت الدكتور سند
ابتسم سند وتنحنح وهو يأشر بعيونه لـ افنان تطلع وفعلا طلعت و بقى لوحده معه ، لبس نظارته اللي كانت مرميه قدامه ورجع ظهره لكرسيه :- الواضح لي حضرتك ان السرطان بمرحله متأخره هل اكتشفت متاخر ؟ وكيف ورم بالدماغ ما ينتبه له احد بسرعه بمراحله الاولى ؟
