..................
حقي من الشوق والله لاخذه
..................
الساعه 11:40 مساء
انتهى وقت دوامه وخرج من مكتبه وهو يحس بتعب وهذا لسه اول يوم له
ناظر المكان الفاضي والهدوء وصوت خطوات بعيده عنه ، نزل نظارته عن عيونه وحطها بجيبه واتجه للمصعد وهو يدلك جبينه يحس بصداع مميت
دخل وضغط الزر مرت اقل من دقيقه و انفتح المصعد
خرج وقرب من باب الطوارئ وناظر المناوبين اليوم ومن بينهم افنان ، قرب منها وابتسم لها لما لمحته وابتسمت بدورها :- عندك مناوبه ليه ما قلتي لي كنت ما بتعبك معي
ضحكت افنان بخجل وهي تناظر البنات اللي معها وشربت من قهوتها شوي :- معليه دكتور هذا واجبي وشغلي لازم اتعب عشان راحه المرضى
ابتسم سند برضى وناظر الموجودين ورجع يناظرها :- طيب بكره لا تجين بدري روحي لبيتك وارتاحي متى ما صحيتي تعالي بكرف معي باسل
ضحكت افنان وهو اكتفى بكلامه هذا وخرج بعد ما ودعهم
قرب من سيارته وطلع المفتاح من جيبه وركبها وحرك لمكان شقته القريب
بعد 20 دقيقه وصل ودخل العماره الفخمه والجديده بتصميمها والاثاث الجميل
ناظر المصعد والتفت يناظر السلالم واخر شي قرر يتجه للسلالم دام شقته اصلا بالدور الثاني مو بعيده
فتح الباب ودخل الدور ومشى لحد ما وصل لشقته 18
دخلها وقفل الباب وراه مرتين بالمفتاح وتركه معلق ، رمى اغراضه على الكنبه وتوجه لغرفته
فصخ ملابسه و رماها بالسله ودخل الحمام بسرعه وقف قريب من الدش وشغله وهو ينتظر المويه تصير دافيه
وقف تحته وبلل شعره وسحب شامبو صحي وبدا يغسل شعره وجسمه بما انه مافيه وقت الصبح يتروش قرر يتروش الان وينام واذا صحى يتوجه لشغله
خلص وخرج وهو يلف منشفته حلو خصره واتجه للصاله وسحب جواله ونظارته ورجع لغرفته
انسدح بسريره بدون ما يلبس شي ، شبك جواله بالشاحن وتاكد انه حط منبه
غمض عيونه ثواني وسمع جواله يرن تنهد وسحبه يشوف رقم سعود اللي سجله من اول ما استلم ملف سدن بس تجاهله وهو يشغل وضع الطيران ويرجع يغمض
