استمتعوا يحلوين
تجاهلوا الاخطاء الاملائية
..............
بيجي لك يوم ودّك بي .. ولا تدري أنا ويني
...............
......
الساعه 8:40 مساء
خرج من مكتبه وقفل الباب وراه ، التفت يناظر افنان اللي حاطه يدها تحت خدها وتتفرج بجوالها
قرب منها وضرب الطاوله بخفه يجذب انتباها :- افنان وينه باسل النكبه ؟
ضحكت لما تذكر كيف شرح لها اللي صار له :- راح لبيته يتجهز بيرجع بعد ساعه عنده مناوبه
همهم وناظرها بطرف عينه :- قال لك شي؟
هزت راسها وابتسم لها و ودعها وخرج بخطوات سريعه
قرب من سياره عزيز وركب وناظره متكتف ويناظره بطرف عينه ، ضحك سند على شكله :- لا تطالعني كذا قلت لك بتاخر شويه
همهم عزيز وشغل سيارته وحركها لكوفي ياخذون لهم شي بعدها يروحون للبحر :- زين ما قلت شي بس طولت وشذا
تنحنح سند والتفت معدل جلسته يتربع ويناظر عزيز :- ما قلت لي شصار ؟
تنهد عزيز وقلب عيونه :- لا تخليني اسوي حادث اذا وصلنا بقول لك ليش مستعجل
تأفف سند وانتبه ليد عزيز اللي ترجف :- اي صح ليش تهاوشت مع سعود؟
ناظره عزيز بكرهه :- الكلب اشتكى لك ؟
ضحك سند وضرب كتف عزيز بخفه :- لا اللواء المزيون حقك قال لي
ابتسم عزيز بسخريه وتنهد وهو يوقف قدام الكوفي الطايحين فيه هالفتره :- علمت سعودك مكانته بس الكلب كلب مارح يتعدل
كتم ضحكته سند وفتح باب السياره وناظره :- طيب ياحلو انت بجيب لنا قهوه لا تنزل تفجر فيهم
ابتسم عزيز وقلب عيونه لما سمع ضحكت سند اللي قفل الباب وخطى بسرعه لداخل
تنهد يعرف ان سند متضايق وبخاطره شي ولا مستحيل سند يضحك هالكثر يعني صح يطقطق بس يضحك بدون سبب اكيد فيه شي
بعد عشر دقايق
فتح الباب ومد الطلبات لعزيز اللي تركها ورا وتاكد انه مثبتها ، عدل جلسته وناظر سند اللي وجهه متغير
عقد حواجبه وقبل يتكلم لاحظ اللي خرج من الكوفي ، ناظره بكرهه لما لمحه يناظرهم
