استمتعوا يحلوين
تجاهلوا الاخطاء الاملائية
...................
أقرب قريب الروح تهواك
والله ربي ما اردك
..................
وقفت السياره وناظرت اخوها اللي تنهد :- شوف سعود حركات تضغط على أسر مابيها ولا بطردك ترا
ابتسم سعود وفتح الباب ونزل بهدوء يحس بشويه الالم ويده فوق جرح بطنه
مشى للبيت وهو مستند على خلود اللي تمشي معه تساعده
دخلوا وناظروا سدن وريم اللي يسولفون ولما شافوا ابوهم ركضوا يسلمون عليه
حضنهم وابتسم لما سمع صراخ عمر اللي نزل لهم ركض ونط على ابوه اللي نزل نفسه شوي وحضنه :- يابعد روحي اشتقت لبابا
ابتعد عمر لما شاله سدن عشان ما يتعب ابوه :- ايوه بابا اشتقت لك كثير حتى أسري كان يبكي بغرفته يبيك
توسعت ابتسامه سعود وناظر خلود :- بروح اشوفه وما بسوي شي
هزت راسها وجلست معهم تسمع سوالف عمر المتحمس اللي صار يلخبط بكلامه ويضحكون عليه
صعد الدرج قرب من جناح التؤام ودق الباب
ما سمع رد توقعه نايم او لابس سماعته مو منتبه له
فتح الباب وناظر سريره الفاضي ودولابه المفتوح ونص ملابسه بالارض
عقد حواجبه باستغراب وقرب من باب الحمام ودقه :- أسر يبوي انا جيت
تنهد وبدا يعد من واحد لعشره وفتح الباب بس ما فيه احد
خرج من الجناح بخطوات شبه سريعه ناسي المه ونزل لتحت
قرب منهم وناظر سدن :- اخوك وينه أسر رايح مكان ؟
وقف سدن وناظر ريم :- لا بابا كان نايم لما نزلت قبل ربع ساعه
تنهد واخذ جواله واتصل على رقمه بس كان مقفل
رجع لغرفته يتفقد دولابه والتفت لسدن اللي رفع لابوه ورقه
قرب وسحبها منه وجلس على سرير أسر وفتحها
بلع ريقه وناظر خلود وكمل يقرا بصوت شبه مسموع لهم وبدا يضحك بشكل هستيري :- هرب مني انا ابوه
سدن جلس بالارض وغطى فمه يمنع شهقاته وناظر ريما اللي تناظرهم بصدمه
قربت خلود وسحبت الورقه تقراها والتفت لسدن :- تعرف احد من اصحابه ؟
