قَيدارْ

هجائياًّ

يبعد اسمي وبعد كل سالفه بروحي ✨🕊.

...

"شاهين.. حبيبي"

حجه بهدوء وهو يهز كتف النايم بعمق

"كوم ابويه كافي نوم"

رجع كمل وهو يكعد الثاني متأمل وجهه الي مايمل من شوفته والابتسامه انرسمت على شفايفه.

"يلا عيوني خلي اسبحك وادهن جروحك وارجع نام"

كال أَصْهب وهو يمسح على راسه  ، فتح الثاني عيونه بنعاس بعدها رجع غلقهن من الضوه القوي

"ما أريد"

حجه الاصغر وهو يدور وجهه للجهه الثانية

"شنو ما تريد مو بكيفك زين مني وخليتك نايم ماكعدتك بنص الليل اسبحك بالبرد"

رد عليه أَصْهب بسرعه وهو يشيله تحت رفسات الثاني وانينه، دخله للحمام وبده يغسله من بعد عركات بيناتهم.

طلعوا بعد ماخلصوا

"نام على بطنك"

امر الاكبر لينفذ الثاني بسرعه، جاب أَصْهب مرهم وصار يدهن الجروح الي على ظهره واكتافه

"راح تروح؟"

سأل الاصغر بأستفهام رغم يعرف الاجابه بس يحب يسولف وي الثاني

"اي عندي اليوم شغل لراسي"

جاوبه أَصْهب بهدوء بعد ماخلص شغله وراح للكنتور يلبس ملابسه العسكريه

"رهّب شوكت يجي؟"

سأل شاهين و وباله مو وياه يريد يعرف ليش الاكبر فجأة راح بدون مايكلهم صار عنده فضول بهالموضوع.

"هواي تسأل عليه؟"

جاوبه أَصْهب بسؤال ثاني خله الاصغر يدفن وجهه بالمخدة اخذ هواي وقت بالسكوت

"اضوج منه "

جاوبه بعد تفكير طويل بالاجابه، تنهد أَصْهب وراح قريب على الثاني

"باوعلي مثل ماتحبني تحبه اخوي هذا فهمت"

هز الاصغر راسه بتفهم ليبتسم أَصْهب بهدوء

"جيد رايح اني "

كالها الاكبر ليتقدم ويبوس راس الثاني و يطلع

...

"ها قيدار مو كلتلك اليوم استراحه لاتجي"

كال شَهم وهو يتقرب على الثاني بعد ما لمحة من بعيد

"اي بس اضوج بالبيت كلت شعندي كاعد اجي هنا تعودت على الولد"