قَيدارْ

ظَلامِـ

والعَزيِز اليْبتعد تِكثر مَعزتة.

...

"فدوة فدوة ابوس رجلك لا تسلمني الهم والله يكتلوني والله ما اعيدها بعد"

حجت بصراخ وهي مدنكه وتبوس برجله بس للاسف مالكت اي رد فعل منه غير انه يدفعها بكل قوته.

"طلكني طلكني ورجعني لأهلي بس لا تحرمني من جهالي"

كملت وهي ترجع تلزم رجله وتبجي بحركه غير عن صوتها الي انبح من الصياح، لزمها من شعرها و وكفها على حيلها باوع بعيونها بكل حقد.

"اطلكج؟ وبعدين يعايروني بالقرية لان ماكدرت اغسل عاري"

جاوبها بكل برود وهو يصك على سنونه بقوة وعيونه تجدح من الشرار

"انت الي جبتني اني واولادي هنا انت الي ذليتنا انت الي وصلتنا لهاي اللحظه"

كالت والدموع تارسه وجهها وتلزم ايده الي لازمه شعرها.

"اني؟ اني الي كتلج روحي خونيني وي كواد ها بشنو قصرت وياج معيشج ملكة هنا شحده الي يحاجيج بكلمه رغم هذا دستي عليه وعلى كرامتي وصاحبتي واحد نذل"

حجه بصياح بصوت عالي وهي يضرب راسها بالحايط الي تحول لونه للاحمر بكل قوته راد يطلعها برا البيت وين ما ابوه وعمامه ينتظرونه حتى يغسل عار زوجته الي خانته وي صديق عمره.

"اوكف اوكف بداعه العشرة الي بيناتنا بس اتركني اشوف اولادي قبل ما اموت"

كالت بتوسل وهي تبجي جانت متأكده ماراح يخليها بس ما ادري شلون گلبه حن وترك شعرها، ركضت بسرعه لغرفة ابنها الي جان يبجي وهو يسمع صرخات امه.

"قيدار قيدار حبيبي امي اسمعني"

حجت بهستيريا وهي تلزم وجهه وتمسح دموعه ماجان منه غير ان يحضنها بكل قوته ويبجي بصوت عالي.

"اسمعني ماما تدير بالك على اختك مريم كلش زين تمام وماتعوف ايدها ابد حتى لو غلطت صحح غلطها من تصير عندك فرصه اخذ اختك واشرد منا و لا تصير مجرم مثل ابوك"

رجعت كملت حجيها وبجيها يزداد اكثر تقربت من بنتها وحضنتها بقوة قاطع لحظة وداعهم دخول الاب الي جانت دخلته مثل العاصفه.

جرها من ايدها واخذها تحت صرخات اولادها الي ماجاي يعوفوها دفعهم بكل قوته وطلع من البيت وسد الباب.

شمرها بنص الزلم بدون حجاب وبملابس البيت دنكت راسها من الذل الي جاي تعيشه،