احببته رغم ظلمه

البارت 5

# البارت 5
# احببته رغم ظلمه
# الكاتبه ابرار التميمي

خَذوك بلا تعَب چنك ورث مَيتين .🙂🤎

( قناة التلي AH2024HA) انضموا بيها فقط للبنات..
~~~~~~~~~~~~~~~~~~~~~~~~~~~~~~~~
حره.. صار الليل و صارت الكعده و بده نقاش حاد بينهم الاهل يردون فصل و واحد كام و حجه بصوت عالي كال انريد بالدم بعدين واحد منهم حجه و كال اريد فصل ويا فصيله لان اني ابو الولد بعدين صار هدوء و كام مرتضى احنه ما ننطي فصيله اخواتي ما انطيهن و بعد حوار دام 3 ساعات عمي كاللهم الله كريم يصير خير و راحو و دخلو ابوي و عمي و ولد عمي و اخواني

ام مرتضى.. هاا ابو مرتضى شتفقتو احجيلي اصار

ابو مرتضى.. والله ما اعرف شكلج هاي مصيبه وكعت ع راسي يردون فصل ويا فصيله

ام مرتضى.. دكت صدرهه يمه اصخام الصخمني شلون انطي بناتي لا لا ما انطيهن لو ع كصت اركبتي

مرتضى.. يابه اني هم ما انطي اخواتي خلي يكتلوني اني و ما انطيهن

مصطفى.. لا يابه اني المسؤول عن الي صار و اني اتحمل المسؤوليه خلص خلي يكتلوني ما اريد اخواتي يتعذبن و يروحن فصيلات

حره.. اباوع عليهم حايرين و ما يعرفون شلون يصرفون و منين يجيبون فصيله فكرت و كلت لازم اساعدهم وكفت و حجيت بصوت من رخصتكم كلهه باوعت عليه اريد اكول شي

ابو مرتضى.. تفضلي بنتي كولي

حره.. عموو اني راح اروح فصيله كلهم انصدمو بكلامي

ام علي.. وولج وين تولين يمعزايه

ابو علي.. بابا اجاي تحجين انتي شبيج

ابو مرتضى.. لا لا بنتي مستحيل انطيج

ام مرتضى.. لا يمه انتي ما عليج لا تخربين مستقبلج

مرتضى.. ووولج حررره انتي تفتهمين اجاي تخربطين مستحيل اخليج ترحين

علي.. لا لا حره كطنه و شيليهه من اذنج

عمار.. حره اسكتي شبيج انتي تعرفين شنو يعني فصيله انتي

مصطفى.. خلص حره انسي ما اخليج ترحين راح اسلم نفسي الهم شسوي

حره.. لا اني اخذت قراري اني راح اروح انتو ليش ما تفتهمون نور راح تنخطب و زينب صغيره يعني منهي تروح هو كله كم سنه و ارجع بعدين ارجع ع دراستي خلص خلي ياخذوني هذا اخره كلام عندي ضلو يحجون عليه و اني جنت مصره انو اروح و حلفت اله اشوفهم انجوم الظهر و بعد عنا قبلو و امي ضلت تبجي و عمي و مرت عمي و مصطفى ضلو يعتذرون مني

مصطفى.. اعذريني حره

حره.. خلص مصطفى فدوه الك وره شويه عمي اتصل عليهم و كاللهم شوكت تردون الفلوس و الفصيله و كالو بعد اسبوعين اريدهم و امي ضلت حاضنتني و تبجي و كلهم يمي و يوصوني والى اخره......