احببته رغم ظلمه

بارت 15

# بارت 15
# احببته رغم ظلمه
# الكاتبة ابرار التميمي

_ڪل الصدف تقفُ عاجزةً امامَ لقائِنا .

- الفـَࢪص مَتاحه لـڪن الـࢪغبه انتهت .

~~~~~~~~~~~~~~~~~~~~~~~~~~~~~~~~
حره.. ابتسمت رحت كعدت يمه و اباوع ويا شويه و سمعنه سحر عاطت التفتنه اثنينه اجت ادك و تلطم

مجتبى.. شبيج شكو اصاير ع شنو تلطمين

سحر.. ولك راحن فريخاتي راحن راح تعبي وين الكاهن

مجتبى.. غير اعرف شنو

سحر.. ولك فريخاتي ولك البطات راحن راحن

حره.. اباوع عليه كوه لازمه ضحكتي و مجتبى يغمزلي

مجتبى.. يمعوده خاف هناا دوريهن وين يروحن

سحر.. لا لا ماكو اني دورت ما لكيتهن

حره.. يماا كوه متحمله ما اضحك و مجتبى يلوم بيهه و هيه ازيد شويه و دخل حسن

حسن.. هاي شكو شبيكم شنو هل الهوسه

سحر.. ولك يماا راحن فريخاتي راحن ولك تعبي هذا

حسن.. ليش وين راحن يعني

سحر.. ما ادري ما ادري

مجتبى.. غير تنتبهين و اسدين الباب زين

سحر.. لا لا اني سديته بأيدي

حسن.. هسه عوفيهن اني اجيبلج غيرهن

سحر.. اني اني اعرف منو باكهن ماكو غير هاي الحيه الصفره هيه اخذتهن

حره.. عززه عمه اني شعليه بيهن غير هنه ملاتج

مجتبى.. هسه شبيج هنه فروخ قحط

حره.. اني و مجتبى واحد يباوع ع الثاني لتفتت شفت حسن يباوع علينه بسرعه نزلت راسي

حسن.. يمه كافي اني اصرف خليهه عليه

حره.. راحت سحر تمشي و تدعي و اجه عليه حسن تقرب و يباوع ع مجتبى

حسن.. اذا عرفت بيكم الكم ايد بهذا الشي احسب الله ما خلقكم

حره.. يماا كلبي وكع جان كشفنه

مجتبى.. يمعوده ما يكدر يسوي شي

حره.. تمام راح مجتبى و اجت سحر تهلهل

سحر.. يله لجج كبل ع المطبخ سون عشه لا اطلع قهري بيج

حره.. غلست و رحت لازم نشتغل احنه و ساكتين كملنه تحضير العشه اذن صلو و صبينه العشه و كعدنه ناكل اغلس ما اباوع ع سحر حتى ما تطردني كملنه عشه و سوينه جاي و شربو شويه و دك التليفون

ابو حسن.. الوو هلاا ابو فتون.... الحمدلله انتو شلونكم.... اي موجود... كل الهلا بيكم نورتونه... مع السلامه الله وياك...،،، بويه راح يجون بيت ابو فتون زياره علينه جهزو الضيافه