احببته رغم ظلمه

بارت 23

# بارت 23
# احببته رغم ظلمه
# الكاتبة ابرار التميمي

أمس
الهواجس خذن مشحوف روحي بدجن
ما دگّن بهاجسك

يواهس ماي
تره كلشي احترگ بيه

~~~~~~~~~~~~~~~~~~~~~~~~~~~~~~~~
حره.. فزيت ع صوت جانت الغرفه ظلمه و ضوه خافت حسيت اكو حركه بس ما اشوف باوعت
ع البلكونه شفت خيال شخص فتحت عيني بصدمه
كمت من الفراش وين اروح هسه خاف افتح الباب
و يلزمني كمت يادوب اشوف مشيت ع روس اصابعي و ختلت بين الميز و الكنتور هو فتح البلكونه بس شون فتحه اني ما افتحه اجه يتمشه
ع كيفه كلما يتقرب ازيد دكات كلبي
و حبست انفاسي

مجهول.. خرب وينها هاي الوو... يمعوده ماكو
.... شمدريني ماكو بفراشها... شوفيها خاف
يم وحده من البنات... يله خوش.. خلي ادورها زين
... اي يله شويه و اجي... باي

حره.. يمااا كلبي خلص من الخوف منو هذا و شيريد
مني ويامن جاي يحجي تكسرت من الكعده و هو هم
يمكن مل راح للبلكونه ما ادري و تحركت و طلعت
صوت بالكاشي هو بسرعه رجع

مجهول.. منو هناا اكيد بعدج موجوده

حره.. هاي اسويت اني شفته طلع سجين و رجع
يتقدم

مجهول.. ما اسويلج شي طلعي يله يحلوه

حره.. يا ربي ساعدني شون بيه هسه يكتلني
و محد يدري بيه

مجهول.. طلعي لو اموتج و اشمرج للجلاب

حره.. يمااا كلبي احس انكطع نفسي ما اكدر اتنفس
خاف يسمعني شويه و فتح ضوه تلفونه

مجهول.. و هسه انشوف شلون ما تطلعين

حره.. كام يدور بالغرفه و بالزاوايه و اني بمكاني
ما اكدر اتحرك و بس دموعي تجري

مجهول.. راح احسب ل 3 اذا ما طلعتي
اليوم موتج ع ايدي

حره.. ما ضل عندي حيل جسمي كله يرجف

مجهول.. بكل الغرفه دورتج بقه مكان واحد
راح احسب.. واحد

حره.. يتقدم و يحجي

مجهول.. اثنين

حره.. دخيلك ياا ربي

مجهول.. ثلاثه 

حره.. فجأه و بدون ما احس صار كبالي

مجهول.. هههه طلعي يحلوه

حره.. فدوه عوفني شتريد مني

مجهول.. اشش حرف واحد ما اسمع منج

حره.. ابجي و احجي والله ما سويت شي

مجهول.. انجبي بنت الكلب صفكتها راجدي

حره.. ااا لا تضربني

مجهول.. اضربج و اكسر راسج

حره.. صم حلكي و نام فوكايه و اني ارفس جوا