احببته رغم ظلمه

بارت 45

# بارت 45
# احببته رغم ظلمه
# الكاتبة ابرار التميمي

هي طفلتي وانا لها اباً وحبيب
She's my child and I'm a father and a lover to her
~~~~~~~~~~~~~~~~~~~~~~~~~~~~~~~~
الدكتوره.. ابتسمت مبروك جنس الجنين هو بنيه
هذا شكلها شوفو يله معافايه ان شاءلله

حسن.. شوفتنه بالاشعه جانت صغيره كلش
ما اعرف شلون اوصف فرحتي

حره.. يمااا من كالتلي هيج ردت اطير كمت اصفك
اباوع ع حسن نفس وكفته مبتسم و عيونه تلمع
هههه حسن راح تجينه بنوته صغيره

حسن.. حسيت كلبي دك سريع جنت متأكد راح تجيني بنيه

حره.. هلكد ما فرحانه كمت ابجي هههه شنو
شعورك و راح تجيك بنيه

حسن.. رحت يمها مسحت دموعها والله شعور
ما اعرف اوصفه بس الي متاكد منه انو اني فرحان

حره.. كولش متحمسه اشوفها اووف ما مصدكه

حسن.. الله كريم المهم تجي بخير يله نمشي

حره.. طلعنه و اني طايره ودي اضل اركص صعدنه
بالسياره صدوك شنو حسميها

حسن.. خلي تجي و هو يجي الاسم وياها

حره.. خاف ضجت لان راح تجي بنيه

حسن.. لا بالعكس كلش فرحت جنت اعرف راح
تجي بنيه هيج كلبي حسني

حره.. ما اعرف بس ع حسب علمي تفضلون الولد
ع البنيه لان يشيل اسمكم

حسن.. صح كلامج بس انحب البنات اكثر هسه
موش مشكله اذا ولد او بنيه اهم شي اتمام الخلقه

حره.. الله حسن تخيل تجي دبدوب و كوه تمشي
و اصيح ماما بابا الله والله تنكرط

حسن.. هههه ان شاءلله بس خلي تجي بخير وسلامه

حره.. ان شاءلله شويه مشه وكف السياره راح شويه
و رجع جايب علاكه متروسه حلويات الله ههههه

حسن.. ادري بيج تحبين هاي السوالف و هم حتى
تطلع بنتي حلوه

حره.. لوش عيني امها مو حلوه

حسن.. لا عمي انتي تخبلين

حره.. هاا عبالي صدوك شوكت هيه تجي