احببته رغم ظلمه

بارت 18

# بارت 18
# احببته رغم ظلمه
# الكاتبة ابرار التميمي

انه صـح احترك بس عندي صبر مثل
دخان الجكاير حوبتي بـتالي العمـر

~~~~~~~~~~~~~~~~~~~~~~~~~~~~~~~~
حسن.. يله جاي بس مسافه الطريج

الشيخ.. هاا يجدي شمالك ياهو الخابرك

ابو حسن.. كول بويه خير

حسن.. بويه ايهاب صحه كعد من الغيبوبه

حره.. بس كال هيج اشتغلت الهلاهيل و كلهه انخبصت ركبو سياراتهم و راحو رحت للمطبخ اشوف البنات يحضرن الضيافه و يرتبن و الي راحت للديوان تنظف اكول ميسون هاي شكو منو هذا الي صحه

ميسون.. خيه هذا ايهاب ابن عمهم الي دعمه ابن عمج الحمدلله اليوم كعد

حره.. اهاا شويه و الناس كامت تجي دكول نمل هو بعده بالمستشفى و ما جاي شكو جايين من هسه كمنه انحضر بالضيافه و ناس تردم بناس من الاستعجال سمع كالو باجر الصبح يطلعونه و جابو الذبايح و كامو يطبخون و احنه واكفين بالمطبخ تكسرنه 

هدى.. ولجن يمه فحطت متت عطش

ندى.. احس نفسي دبكت شوكت يرحون

ميسون.. بنات كومن بعدين ارتاحن

حرو.. بنات جابو المواعين تعالن ساعدني

ام حسن.. يله يمه تعالن خفن اديجن

حره.. رحنه ودينه المواعين وره البيت حتى نغسلهن براحتنه كعدنه نغسلهن اني و البنات ناس تغسل و ناس تشطف و عمتي و ميسون واكفات ع الجاي و سحر و بنتهه يستقبلن النسوان متنه يله كملناهن للعصر جابو بعد ذبايح للعشه و لباجر و هم سوو عشه للناس و احنه واكفين ع تك رجل لل 11 بليل يله خفت الناس و راحو اجو الولد هم و ولد عمهم كل واحد اخذ زاويه تمدد راحت ميسون سوتلهم جاي و انطتهم شربو بقو شويه سولفو و كل واحد راح لبيته و لغرفته حسن اشرلي اصعد صعدت و هو اجه وراي

حسن.. حضريلي ملابسي حتى اسبح

حره.. تمام رحت حضرت ملابسه صار عندي الم خفيف اسفل بطني ضليت افرك بيهه شويه و طلع حسن باوعلي

حسن.. شبيج

حره.. لا ما بيه شي

حسن.. چاا عليش مطنكره

حره.. ماكو شي بس لان تعبت اليوم

حسن.. خوش باجر تحضري راح يصير شغل اكثر

حره.. تنهدت تمام اني هم اخذت ملابسي و دخلت اسبح لان ريحتي صارت تكتل كله دهن و زفر شويه و طلعت عفت شعري ينكط ماي شفت حسن بعده كاعد جاي يدخن و يكلب بالجهاز عفته و نمت بالجهه الثانيه

حسن.. لججج هاي ليش هيج

حره.. شنو شكو شبيك

حسن.. هاي ليش تخلينه ينكط ماي هسه تتمرضين