احببته رغم ظلمه

بارت 31

# بارت 31
# احببته رغم ظلمه
# الكاتبة ابرار التميمي

حريمة تعيش
وي إنسان ما يندل شكو بروحك

ياعذاب جروحنه
يفت الگلب والصد كتلنه
ياحزن يعگوب      
ربع الربع مايلگاش منه

~~~~~~~~~~~~~~~~~~~~~~~~~~~~~~~~
حره.. عمه هسه فهميني حسن ابنج لو لا

ام حسن.. اي ابني

حره.. لعد اشو يصيح ل سحر يمه و احسه
يحبها و يحترمها كولشي ما فهمت

ام حسن.. راح افهمج شلون صار هيج

حره.. تمام سولفيلي

ام حسن.. اني جنت هناا اشتغل بكاع الشيخ
اني و اهلي و جانت سحر مزوجه ابو حسن

حره.. يعني سحر اول وحده

ام حسن.. اي اول وحده

حره.. لعد شون حسن اكبر من عمر ما فهمت

ام حسن.. اني اكلج شلون مره چنه نزرع فه دائما
جان يجي ابو حسن يفتر ع كل الفلاحين يشوفهم
و يسأل ع احوالهم و شغلهم مره جنت اني و اهلي
نزرع جانو اهلي شويه بعيدين عني اجه ابو حسن
سلم و هاي ما كدر يروح بعيد ع اهلي حتى يسألهم
فه سألني اني جان كلام عادي شافتنه سحر واكفين
عبالها بيناتنه شي وره فتره وكعتني بمشكله و طعن
بالعرض و اهلي رادو يذبحوني فه ابو حسن اجه
و انقذني كاللهم اني ازوجها و استر عليها هو فرحوا
لان راح يناسبون الشيخ سحر فشلت خطتها و صارت
مشكله بينهم بس اخر شي وافقت بس بشرط
اول طفل يصير عندي تاخذه الها فه وافقنه اني ردت
بس اخلص من المشكله فه صار عندي حسن و اخذته
هيه و ربته ع ايدها و هذا حسن شوفي كدامج

حره.. اهاا هسه فهمت و اني اكول لوش صادق
و امير و مجتبى شويه مرحين مو مثل حسن

ام حسن.. اي صح بعد تربايه سحر

حره.. اي صدوك و اني اكول لوش متعجرف هيج
طلع الافندي طالع ع السعلوه 

ام حسن.. هاهيه ما بيدي شي

حره.. بس شعجب ما صار عدها اطفال اول شي

ام حسن.. ما ادري جانت ما تخلف وره ما اخذت
حسن ب 10 سنوات هيج يله صار عدها حمل

حره.. طبعا ما يصير عدها هلكد ما خبيثه

ام حسن.. الله بعد هو الاعرف

حره.. عمه هسه شحنسوي ويه حرو

ام حسن.. اووف يا يمه ما ادري

حره.. انتو لوش ما زوجتوهم احسن

ام حسن.. هو جدج و حسن معارضين

حره.. سيف مو غريب حتى يرفضون شهل العقول

ام حسن.. ما ادري بعد بقت يم الله

الشيخه.. طريقهم صعب بس قربه النهايه السعيده