احببته رغم ظلمه

بارت 6

# بارت 6
# احببته رغم ظلمه
# الكاتبه ابرار التميمي

موش إحنا ياهو الچان يفهم حچينا
إحنــا الضحـك مــــرات رمــز لبچينا

( قناة التلي AH2024HA) انضموا بيها فقط للبنات..
~~~~~~~~~~~~~~~~~~~~~~~~~~~~~~~~
حره.. بعد ما اخذوني و اني طول الطريق ابجي و هذا امبين شخص جبير بالعمر يحاول يسكتني المهم كثر ما بجيت نمت بس ما اعرف شكد سمعتهم كالو وصلنه فتحت الباب و نزلت باوعت بيت كلش جبير و 3 طوابق ماخذ طول و عرض ضليت فاكه حلكي

ابو حسن.. يله بنتي تعالي ويانه حرس انتو نزلو الغراض و دخلوهن تفضلي بنتي

حره.. رحت امشي وراهم و اني الخوف كاتلني هذول يمكن اذا كتلوني عادي عدهم امبينين من البيت ملتهم باوعت الحديقه كلش جبيره هذول شنو جنهم ماخذين نص ارض البصره المهم وصلنه يم الباب و هذا ما اعرف منهو يمكن ابوهم صاح و اجتي وحده كالت تفضل شيخ بيش تأمر شفته اعتقد هاي خدامه كاللهه هذي دخليهه جوه بعد شويه انصيحلهه

الخادمه.. حاضر شيخنه يله تعالي وياي

حره.. دخلت جوه ضليت مصدومه من الاثاث و الترتيب

الخادمه.. تفضلي هنا اكعدي

حره.. رحت كعدت ضليت اباوع بعدين كلت هسه الي يشوفني شيكول ضليت مدنكه و سمعت صوت

سحر.. هي انتي الفصيله موو

حره.. انقهرت من كالت هيج كتلهه اي خاله اني الفصيله

سحر.. و خلخاله عابتلج صيحيلي شيخه لان اني مرت الشيخ

حره.. حاضر شيخه ردت اكوم املخه و ع شنو نافخه نفسج انوب اجت بنيه تقريبا بعمري

فاتن.. لج هاا يلفصيله شعندج كاعده هناا

حره.. عفوا بس اني بعدني ما اندل

سحر.. كومي لج اني اعرف وين اوديج

حره.. اجت عليه ضربتني و سحلتني و اني لابسه عبايه كوه امشي بيهه و اعثر فدوه بس ع كيفج وياي و كمت ابجي شفت بنات 2 طلعن و باوعن عليه ما اجني عليه يمكن يخافن سحلتني و شمرتني

سحر.. اسمعي يلفصيله مكانج هناا بالمخزن حالج حال الخدم و من باجر دكومين تشتغلين مو للظهر تكعدين عبالج عروس انتي كلج خلك فصيله فهمتي لو افهمج بطريقتي

حره.. ابجي و اشهك مفهوم مفهوم راحن و ركعن الباب وراهن ضليت ابجي و اناغش هاي توني اجيت و هيج سون لعد باجر الي وراهه شراح يصير بيه فجاه انفتح الباب و اجني هذني البنات الي شفتهن اجني مثل الخايفات و يباوعن وراهن و اجن يمي

هدى.. مرحبا شلونج اني هدى

ندى.. و اني ندى انتي شسمج

حره.. اني اسمي حره بس منو انتن ما اعرفجن