احببته رغم ظلمه

بارت 26

# بارت 26
# احببته رغم ظلمه
# الكاتبة ابرار التميمي

شراعك من فلت
لتكول ذنب الريح
ماظبيت حبلك ونفلت شدك

‏شوف ضلعك
مثل عود العنب يابس وايست منه وطويته

~~~~~~~~~~~~~~~~~~~~~~~~~~~~~~~~
بعد مرور اسبوع....

حره.. كعدت اصبح كلش تعبانه بسبب الحمل
و نفسي دوم تلعب و كولشي ما اشتهي غير الحلويات
نزلت جوه شفت البنات ينظفن و سحر واكفه فوك
روسهن و بنتها الخاتون كاعده و ساكته

سحر.. هم زين كعتي يالمسعده يله امشي ع شغلج

حره.. عفيه عمه عوفيني مالي خلك

سحر.. ليش عيني شنو بس انتي حبلتي تره
كلنه حبلنه و جبنه و انشتغل ليل و نهار اشو
كلشي ما صار بينه لو هاي عياره

حره.. بكلبي والله لو بيه هسه اكتلج اي عمه
هسه ارتاح و اكوم

سحر.. خوش خلي انشوف

حره.. رحت كعدت يم جديتي صباحو جده

الشيخه.. هلا بهل الصباح بعد كلبي

حره.. جده تعبانه كولش

الشيخه.. تعالي نامي خلي اقره عليج

حره.. مددت ع رجلها و بدت تقره صوتها كولش حلو
من تقره و ترتل بكل سهوله مرت 10 دقايق
و كملت الله جده والله ايدج عافيه كولش ارتاحيت

الشيخه.. فدوه لوجهج هاهيه الحمدلله ع نعمه الله

حره.. دخلت للمطبخ صبحت عليهن و سويت لفه و كوب جاي و كعدت اكل كملت و  رحت نظفت ويه البنات و صعدت للغرفه
فتحت الباب شفتها وصخه رحت فتحت الشبابيك
حتى تتهوه الغرفه طلعت الملابس الوصخه و خليتها
بالغساله و شغلتها رحت طلعت ملابسه و كويتهن

حسن.. حرره ووينج

حره.. هاا هياتني

حسن.. شسوين

حره.. دانظف الغرفه

حسن.. خوش حضريلي ملابس اريد اسبح
عندي طلعه يله

حره.. تمام حضرتهن ع جهه و اني كملت كوي و رجعتهن لمكانهن شلت شعري سويته كبايه
و رفعت البجامه رفعت ارداني حتى اشتغل براحتي
و كمت اغني حتى ما افكر بالتعب

اروح للمله علي
و اكله يا مله علي
شايب و انا بنيه
و انطوني فصليه
اوكع و ابوس ايده
حسباله انا اريده

حره.. درت وجهي و شفته منتجي ع الكنتور يباوعلي بنضرات ما اعرف افسرهن هاا

حسن.. وجعاا

حره.. تريد شي

حسن.. ليش وكفتي

حره.. لا هيج