# بارت 32
# احببته رغم ظلمه
# الكاتبة ابرار التميمي
يرگضني الزمان بمرگض الخيل
وعگب ماطيح سأل خوما متعوب
حلم حتى من اريد احجيك
ما اوصفك مثل ما شافتك عيني
~~~~~~~~~~~~~~~~~~~~~~~~~~~~~~~~
حره.. فزيت ع صوت طكطكه بالغرفه فتحت عيوني
و شفت حسن واكف يم راسي شدتسوي
حسن.. هذا مرهم من تكعدين خلي منه
حره.. ما اخلي
حسن.. ليش
حره.. لوش يهمك يعني
حسن.. استغفرالله حره بلا حجي زايد
حره.. تره انته الي ضربتني و هسه تريدني اخلي
حسن.. موش بس اضربج اكسر راسج هم
حره.. ما يفيد بيك انته درت وجهي و رجعت نمت
هو ضل يحوس بالغرفه شويه و اندكت الباب
سحر.. هاا يمه صباح الخير
حسن.. هلا يمه صباح النور
سحر.. شني ما ناويه تتستر هاي الصفره
حسن.. لا ان شاءلله تتعلم
سحر.. چاا ما تخليها دكوم تشتغل لو تاكل و تنام
حسن.. هسه هيه دكوم تشتغل
سحر.. هاي ما يفيد بيها غير الطك
حسن.. اذا ع الطك سهلا
سحر.. اي خلي نستفاد منها شي
حره.. شكد خبيثه تحرضه عليه دفرت الغطه و تربعت باوعتله بضوجه
حسن.. خير يا ستار
حره.. هم عوزك تضربني انوب
حسن.. و اكسر عظامج
حره.. لعد ما تضرب الجلبه الثانيه اختك
حسن.. فتحت عيني بصدمه شنو كلتي
حره.. استوعبت شنو حجيت هاا لا هيج
طفرت للحمام و قفلت الباب
حسن.. وين تشردين مني اليوم
حره.. بكلبي قابل جذب تره صدك جلبه انتضرته
يطلع حتى اروح فتحت الباب شويه شفته ماكو
هم زين طلع رحت غسلت و نزلت يم البنات
شفت هدى تغسل هدوم و ندى تنظف بالبيت
دخلت بالمطبخ صباح الخير
ميسون.. هلا بيج صباح النور
حره.. اريد ريوك
ميسون.. ادللي رحت حضرتلها الريوك و انطيتها
حره.. شكرا كلبي جاي اتعبج وياي
ميسون.. لا يمعوده صدك جذب
حره.. كعدت اكل شويه و كملت الولد بالشغل موو
ميسون.. اي بالشغل
حره.. لعد عمتي وين
ميسون.. جاي تخبز وره البيت
أنت تقرأ
احببته رغم ظلمه
Science Fictionتحكى هذه القصه عن فتاة تذهب فصيله بسبب ابن عمها، كيف ستكون حياتها؟ هل سوف تتأقلم مع اهل زوجها؟ هل سوف يحبونها ام يكرهونها تابع القصه لكي نتعرف ماذا سوف يحدث.......
