احببته رغم ظلمه

بارت 33

# بارت 33
# احببته رغم ظلمه
# الكاتبة ابرار التميمي

وجع وحشه وظما ايفتت
أناشغ والدموع اتكت
شاورني الجرح عوفه وكَلتله اسكت

~~~~~~~~~~~~~~~~~~~~~~~~~~~~~~~~
حره.. فتحت عيوني شفت حسن يمسح ع خدودي
هاي شدتسوي كعدتني

حسن.. باوعي خدودج اصاير بيهن

حره.. لوش شبيهن

حسن.. البك بادع بيهن ماكلهن

حره.. ياا صدوك

حسن.. والله كومي غسلي كافي نوم و نزلي

حره.. تمام هسه شويه و اكوم

حسن.. حره موش ارجع و هم امي اضل تحجي
تره اطكج خاف دكولين

حره.. لا لا راح اكوم خلص هو طلع شويه و سمعت صوت هلاهل هاي شكو اكو احد معرس و ما ادري
طلعت ملابسي و دخلت للحمام كملت و طلعت
اول ما نزلت كامت الهلاهل بقيت صافنه هاي شكو

ام حسن.. يمه صباحيه اباركه عليكم

حره.. لوش شكو اجت عليه هدى شاورتني فكيت
عيوني عزه شكد عيب كلها عرفت عفيه عمه
سكتي فدوه اباوع ع سحر و فاتن يردن ياكلني
عفتهن و رحت شافتني هدى و ضحكت

ندى.. لجج هاا ابين الامور زينه

حره.. عفيه استحي اكولج هم نزل ضايج حسن

ندى.. هههه لا والله نزل مكيف و الضحكه شاكه
حلكه و تلكته عمتي بالصلوات و الهلاهيل

حره.. عزه انفضحنه

هدى.. ولج مجتبى شافه و ضل يصنف عليه
شبعنه ضحك عليه

حره.. شكد عيب هم عصب شي

ندى.. لا بالبداية جان خجلان بعدين كام يضحك
كاله يجيك الدور

هدى.. بنات باوعن ركبتها شلون مطكعه هههه

ميسون.. اظاهر جان حامي اني اكول حسن تغير موش مثل اول مره

ندى.. اي والله صدك بنات كلش تغير

حره.. تغير شويه مو هواي تره لحد الان كلما
يشوفني يصرخ عليه

ندى.. اي حقه انتي ما شايفه نفسج

ميسون.. خيه غير بس اطفرين ما تركدين

ندى.. والله زين متحملج تره لان حامل هو ساكت

حره.. اي انتن فازعله عفتهن و طلعت
بعد مرور شهر علاقتي بحسن تحسنت شويه
و حرو بدت  امتحاناتها الوزاريه شويه تحسنت
علاقتها بحسن و اخوانها يساعدونها بالدراسه و الحمدلله كملت ع خير و الولد نفس روتينهم يرحون يشوفون شغلهم و يرجعون للبيت و عمو و جدو دوم طالعين قليل انشوفهم مرات يباتون دايما عدهم كعدات و اني كملت شهر الثاني مكضيتها نفسي تلعب و كل شويه مشتهيه شي و بطني شويه كبرت و سحر دوم تريد توكعني بمشكله بس مجتبى دايما بالمرصاد الحمدلله انو هوه موجود بحياتي جان اني من زمان ارفرف و عمر ما اعرف هذا شبي يطلع اصبح يرجع تالي الليل مدري وين يروح