The Great Pretender's Obsession

Chapter 10

Hinawakan ko ang buhok ni Kavius at marahang sinuklay. Nakatungo ito at tulog paharap sa 'kin. Ang sabi ko naman ay hindi na niya kailangan pang sumama sa 'kin dahil alam kong pagod siya sa trabaho pero sumama pa rin.

Birthday ni Papa sa susunod na linggo at ngayon ay nagpe-prepare kami ng mga kapatid ko para sa birthday niya. I want it simple but meaningful and unique. Hindi sa bahay ang venue kaya nagpa-reserve na agad kami for next week. Inabot na ng gabi ang usapan namin ng may-ari dahil sa dami ng listahan ng mga lulutuin. It will be intimate, exclusive for our family and close friends only.

Galing pa sa trabaho si Kavius at nang malaman na nandito ako ay dito na dumiretso. Ang sabi ko ay mauna na siya para makapagpahinga pero ayaw. Ngayon, bagsak siya sa tabi ko.

"Pagod na pagod lang talaga ang asawa ko, pasensya na," hinging paumanhin ko habang hinahaplos ang gwapong mukha nito.

Pagod ang kaniyang mukha at humihilik pa. Now I don't even know how to wake him up to go home.

"Halata nga po," ngiti ng may-ari.

"That would be the final foods for the party."

"Buong araw po naming ic-close ang restaurant next week para makapaghanda sa gabi. Rest assured na kami na ang bahala sa lahat."

"Maraming salamat."

"Maiwan ko muna kayo para masabihan ko ang mga cook at staff."

Tumango ako at hinayaan itong umalis. Pinakatitigan ko ang humihilik na mukha ng asawa ko. Nakalagay sa mesa ang ulo at nakaharap sa 'kin. Dinampian ko ng halik ang ulo niya at marahan siyang niyugyog.

"Kavius, uuwi na tayo. Kavius."

He groaned and opened his eyes. Makailang ulit pa itong kumurap-kurap at napahikab. Tinignan nito ang oras sa relo bago sa 'kin.

"Ang sabi ko naman kasi sa 'yo mauna ka na umuwi, e. Ayan tuloy at dito ka nakatulog," kastigo ko.

"You mad?" paos na tanong niya.

"Hindi. Nag-aalala lang. Alam kong pagod na pagod ka sa trabaho."

"I'm okay, wife. Let's go?"

Nauna siyang tumayo at inalalayan ako. He took my hand bag and held my hand. Si Von na naghihintay sa amin sa kabilang table ay tumayo na rin at pinagbuksan kami.

He opened the back seat and let me in first.

"Careful, wife."

Sumunod agad siya sa 'kin at inayos ang sarili sa pag-upo. Von went inside the driver's seat and started the engine. I guided Kavius' head to my shoulder to rest.

"Mahapdi ba ang mga mata mo?" tanong ko.

"Hm. A little."

"You rest for a bit. Gigisingin na lang ulit kita kapag dumating na tayo."

Kavius snaked his arms around me and rested in the middle of my breast. Well, he looks comfortable so I'll let him be.

"Von, drive thru tayo. Para kung sakaling gutumin si Kavius ay may makain siya agad," ani ko.

"Yes, Miss."

We stopped at the nearest drive thru. Ni hindi man lang nagising si Kavius at talagang tulog na tulog. Pagdating sa bahay ay ginising ko na si Kavius. Humikab pa ito bago ako pinatakan ng halik sa panga.

"Nakikiliti ako, Kavius."

"What? I thought you like me with my beard."

"Assuming ka na naman. Wala akong sinabing gano'n."