لولا الأحبّة.. ماطّابت الأيُام والّليالي

البارت الثالث

سبحان الله ✨
✨الحمدلله✨
✨الله اكبر ✨
لا استبيح القراءة بدون لايك
ــــــــــــــــــــــــــــــــــــــــــــــــــ
ابتسمت بأرتباك وجات تبعد الا أنه سحبها ، من جديد لـ حضنه قالت بـ همس: عبد العزيز
رفع نظره لاول مره يحط عينه بـ عينها: سمـيّ
تُـوق: معاد تشوفني ، بعد اليوم
هز راسه بـ زين وتركها ابعدت عنه ، بهدوء.
«عند البنات»
ضحكت البندري بـ انتصار
وضحى بـ استغراب: سلامات يابوي؟
البندري وهي تصفق: خليت تُـوق تروح عند عبد العزيز
غاليه: ياويلس ويلاه منها
ضحكت وضحى بـخّبث: تتوقعون شصار عليها؟
اماني: اذا جتس وجها احمر اعرفي انها طاحت عليه
اريج بـ حماس: ليتني شفتها
ضربتها ساره: انتي خليس في العالم الموازي
اريج: يزينه من عالم موازي
الـكل رفع نظره على قُـوس تطلعهم بحُـنق
دخلت تُـوق وجها احمر  ، ميلت شفايفها بعدم اعجاب  ، من شافت  ، قُـوس تطلعه بحُـنق
البندري: تُـوق
رفعت نظرها لها: هـلا؟
البندري بـضحك: شصار بينس انتي وعبد العزيز
صرخت تُـوق صرخه مكُتومه: كنتي تعرفين
هزت بـ راسها بـ ايه ضربتها تُـوق بـ الكوب وهربت ولحقتها البندري  ، شافت عبد العزيز طالع من المقلط
عبد العزيز: بـشّويش
وتخبت وراه: شف بتضربني
البندري: طلعها لي سرعه
عبد العزيز هز بـ راسه بـ بلا
البندري: طلعها
تُـوق: انا بـ وجهكك !
عبد العزيز: هي بـ وجهي وشنبي
رجع يدينه خلف ظهره وتمسكت تُـوق بيدينه وشافت فرق  ، الحجم بينهم
لف عبد العزيز لها: وش مسّـويه؟
أبتسمت ابتسامه عريضه حتى بانت غمازاتها ثنتين: علوم حريم
كشر غصب عنه وهو يفرك حواجبه: اجل مالي دخل فيس
ابتسمت بتوتر من نظرات البندري: لالا
عبد العزيز: وش؟
اشرت له اقرب بـ همس في اذنه: هي قالت لي رحي المقلط وانّـت كنت فيه
رفع حواجبه: واذّا كنّـت فيه مالي زوجس
ابتسمت بطفوله: لا انا بسوي لوك جديد راح يعجبكم
عقد حواجبه: وشنهو لوك؟
ضحكت: لوك يعني اغير شكلي
البندري: عبد العزيز طلعها لي
هربت تُـوق ابتسم بهدوء ومشى رايح للعيال
شافه رعد وابتسم من ابتسامته: ارحب فـ ذمتي ارحب
عبد العزيز وهو يرفع ثوبه يربطه على خصره: البقى يولد العم
سهم بنغزه: شفيها الابتسامه شاقه وجهك؟
توسعت ابتسامته من تذكر شكلها: ولاشي
مطلق: امحق والله انك شايف لك شوفه على كيف كيفك
فيصل وهو يصفق: يلا نوم العرس قرب وحنا باقي
ابتسم مطلق من نغزه سهم بجنبه وفهمه علطول  ،
وطلعو الباقي متفرقين لـ بـيتهم  ، طلعت وهي تلحق رعد  ، وسرعان مطلع لها عبد العزيز
تُـوق بُرعب: اللهم سكنهم بـ مساكنهم
عبد العزيز بسخريه: شايفه لس جني؟
تُـوق: تستهبل صح؟
عبد العزيز: لا
تُـوق: طالع بـ وجهي وتقول شايفه لس جني
طلعت  ، تلحق رعد اللي وصل ، البيت اسرعت علشان تجي جنبه: توديني لـ المشغل بكره.؟
رعد هو يطالع جواله: كم عندي تُـوق من عيوني
تُـوق: وحده وتسلم عيونك
«بيت ابو عبد العزيز»
جهزت وضحى لهم جلسه برا بما ان امها وابوها نامو فـ بتجلس مع اخوانه برا
فيصل: اييي يـ ريحت شاي
عبد العزيز: اشهد انك صاز
البندري: يلا تعالو وين مطلق
فيصل: مطلق مع السهم في البر
تقدم عبد العزيز وسّحب وضحى بـ حضنه وقعد يلعب بـ شعرها
قعدو يكملون السهره
جات وضحى رساله من السناب لـ تُـوق وكانت مرسله مقطع
نزل عبد العزيز نظره لـ جوال وضحى فتحت المقطع وكانت تُـوق ترقص رقص جرائي ، ابتسمت وضحى بـخّبث ورفعت نظرها ، لـ عبد العزيز اللي بدا وجهه يصير احمر وكانت لابسه لبس شفاف فوقه شورت ومشد بس حفظت المقطع بسرعه  ، وارسلته ردت
تُـوق: سلامات تحفظين ؟
وضحى بـخّبث: أبداً اخوي شافها وقال ارسليها لي !
تُـوق بخجل: امانه شافها ؟
وضحى: اي والله شافس !
تُـوق وهي تغيير الموضوع: بكره بيروح !
وضحى: وين طاسه؟
تُـوق: للمشغل تروحين معنا؟
وضحى: بشوف ابوي وامي
تُـوق: تم باي بنام !
وضحى: تصبحين على خير
تُـوق: وانتي من اهله
«الصـبـاح الفـجر»
قامت بـ استعجال تلحق على ابوها ، علشان تروح مع تُـوق شافت ابوها يصحي العيال لصلاه
وضحى: ابوي
ابو عبد العزيز: شتبين ي وضحى؟
وضحى: بروح مع تُـوق للمشغل بتسوي نيو لوك؟
ابو عبد العزيز: وشنهو نيدو لوك؟
انفجرت وضحى ضحك: يابيه اسمه نيو لوك مو نيدو يعني الله يحفظك لنا ، تصبغ وتقص اطراف شعرها تسوي ،  بدكير مناكير ، تنظف بشرتها
هز بـ راسه بـ زين: طيب !
نطت بـ فرحه: يس باقي امـيّ
دخلت المطبخ وقالت وضحى: اهـلاّ بـ امــيّ الجمـيله
صغرت ام عبد العزيز عيونها: شعندس هاتي؟
وضحى: بروح مع تُـوق لـ المشغل
ام عبد العزيز: قلتي لـ ابوس؟
وضحى وهي تضرب صدرها: افا عليس م تشوفين اني قايمه بدري؟
ام عبد العزيز: والله اني قد دريت بس رحي معها !
مشت تنقز بـ فرحه وطلع عبد العزيز من المقلط وشافه تنط
عبدالعزيز: مخبـولـه؟
وضحى بعبط: لا مجنـونـه !
عبد العزيز بحده: بنّـت
وضحى: سـم.
عبد العزيز: تعدلي لا اعدلس
وضحى بغباء: كيـف تعدلني؟
عبد العزيز: وضحى
وضحى: سم وربي م عاد اقول شي
راحت لـ غرفتها تكمل نومتها لين الظهر  ، وتروح مع رفيـقة عمرهّـا تُـوق
«قـبل ساعاتّ في البر»
مطلق: قل يارفيقي
سهم: وش اقول وش اخلي؟
مطلق: افا يبن عمي
سهم: ونعم ب ابن عمي
مطلق: تصدق
سهم: وش؟
مطلق: احب القمر يكون مكتمل والشاي يكون  ، تحـتّ القمريه ذي
سهم: اي والله انك صاز وانا اشتقت للخيل
مطلق: يولدد حنا بعدنا عن البـيـوتّ وانتّ تبي خيلك
سهم: وربي م تحس ب عافيتك لين تركب خيلك
مطلق: وانـتّ صاز
سهم: وش رايك نمشي احس تاخرنا وابوي يقفل الباب
مطلق: اذا لقيت الباب مقفل ادخلك معنا في مقلط
سهم بحده: اعقي وانا ولد ابوي تبيني ارقد في المقلط عند خواتك؟
انفجر مطلق ضحك: وانـتّ يـ تيس صدقت ادخلك عندي في المقلط؟
سهم: والله اني صدقتك !
مطلق: اقول قم
وقف سهم  ، ينظف ثوبه من ورا ومشو
نرجع لـ صباح
ابو عبد العزيز: قم لا بارك الله فيك
فيصل: يبه البارح سامر مع سهم
ابو عبد العزيز: سهم ذا م عنده بيـت
فز مطلق من ضربه اللي في نص ظهر
مطلق بالم: بشّـويش
قام بسرعه
ــــــــــــــــــــــــــ
عند تُـوق ووضحى
وضحى: وربي تهبلين خلاص
تُـوق: بروح لـ مشغل فيه ناس؟
وضحى: عادي
تُـوق: م احـب
خلصت ونزلت هي وضحى ، ودعت امها وركبت مع رعد  ، وتجهوا لـ المشغل  ، رعد: تبون شي؟
تُـوق: انا لا بس وضحى مدري؟
وضحى: لا م ابغى شي
رعد: زين
عند عبد العزيز
نزل من سيارته شد حزام بنطلونه ، ورجع سلاحه لـ خصره  ،  تقدم ودخل المبنى
صالح: سلام عليكم
عبد العزيز: وعليكم السلام
صالح: حضره رقيب فيه ملفات في المكتب رجاء توقيعه الفريق اول يبغها
عبد العزيز: خلاص رح
طلع صالح تقدم وجلس ع الكرسي رجع ظهره لـ الـخلّـف غمض عيونه وسرعان م فز من تذكر تُـوق
اخذ جوالـه  ، ودق على وضحى
وضحى: عيوني؟
عبد العزيز بـ ابتسامه: تسلم عيونس وينس؟
وضحى وهي تشددت انظاره لـ المكان: ابد فـي المشغل
عبد العزيز متصنع بغباء: ليش؟
وضحى: شفيك انـتّ؟
عبد العزيز: ليه
وضحى: رحت مع تُـوق بتسوي نيو لوك
عبد العزيز بـ همس: قولي تم؟
وضحى: والله انه تم
عبد العزيز: اذا خلصـت تُـوق نيو لوك  ، على قولتس صوريها لي بدون  ، م تدري
وضحى بعبط: كم تعطيني؟
عبد العزيز: اللي ودس
وضحى: تم
«بـيت ابو سهم»
قُـوس قاعده تفكر على شي  ،  يخرب حياة تُـوق
دخلت ساره: شفيس؟
قُـوس: اكره تُـوق
شهقة سارة: بسم لله عليها شفيها؟
قُـوس: بتتزوج عبد العزيز وانا احبه
ساره رفعت نفسها من سرير ونطقت بـ عصبيّة: لو سمحتي انتيّ اختي على العين وراس بس انس تخربين بينهم حرام عليس اتقي الله في نفسس
قُـوس بخيـّبه: احبـه
ساره جلست جنب قُـوس: ادري والقلب وما يعشق بس خلاص رجال باقي على زواجه ثلاث ايام
غمضت عيونها بحسرة: خلاص اطلعي
قامت ساره: فكري بـ الموضوع حرام. انس تخربين بينهم
قُـوس: تمام بفـكر !
«في المشغل»
دق جوالها استغربت من الرقم اللي يتصل عليها  ، ردت عليه وقالت اللي قاعده تستشوار شعرها: وقفي دقايق وقفت الاستشوار وردت
دانه صديقه تُـوق: الوو
تُـوق: هلا مين معي؟
دانه: افا ي تُـوق م عرفتيني؟
تُـوق: اسمحيلي م عرفتس؟
دانه: دانه!
صرخت بـ فرحه: يمه دانتيي وين اختفيتي
دانه بـ ابتسامه: وربي اشغال كيفس وكيف وضحى
تُـوق: ابشرس انن كلنا بخير ازيدس من شعر بيت زواجي باقي عليه ثلاث ايام
دانه: يمه صدز
تُـوق: اي والله تكفينن تعالي م تكتمل فرحتي اللي بوجودس
دانه: تم والله انه تم
قامت تعلب بـ شعرها قدام المرايه  ، وتشوف اذا ضبط او لا  ، ابتسمت وضحى بـ انتصار وراسلتها على عبد العزيز
كتبّـت وضحى: كـيف؟
ابتسم من شاف المقطع: تعـجبـيني !
وضحى: وينك
عبد العزيز: بدوام
استغربت وكتبت: م جتك اجازه؟
عبد العزيز: اللي بس قلت اول يوم زواج اخذها !
وضحى: زين
عبد العزيز: افا عليس اعجبس وانا ولد تركي
وضحى: كفو يـا ولد تُركـي
عبد العزيز: كفوس الطيب
«بـيـت ام خالد»
رجع من دوامه تعبان امس م نام ليلا  ، كان سامر مع خواته ، دوام مواصل ، دخل الغرفه ورمى تشيرت البدله حقته ورمى نفـسّه على سرير ونام بعد صلاة العصر  ، صدق ان نوم العصر مهو زين للانسان بس
مواصل يوم كامل  ، وتعبان من الكرف اللي جاه اليوم  ، الظهر ترتيب المدربين وتدريبهم اللي توهم جدد  ،  تدرب خمـس دفعات بنفس اليوم وكل دفعه فيها  ، الاف وخمس ميه عسّكـري
دخلت اماني الغرفه: لـ متى تقعد تسّـوي كذا يـ خالد؟
نطق بصوته الرجُولي ببحه من نوم: اطلعـّي واقفلي البـاب
اماني: رتـب غرفتك لا تنسى امـيّ مهي كل شوي ترتب لك؟
خالد: مالس دخل اطلعي !
طلعت وقفلت الباب وراها بقوه
خالد: كسر يكسر يدس ان شا الله
رجع راسه يكُمـل نومته
«بـيت ابو عبد العزيز»
صحـتّ وهي قرفانه من نفسّـها ومن الحـّر الرياض
بنفـس الوقت زعلت على وضحى ، لان م قالت لها أنه بتروح ، مع تُـوق لـ المشغل ، على الأقل تعطيها خبـرً
زفرت بظـيق وقامت تغسـلً وتروح  ، تسوي اكل او شي تاكله دخل مطلق المطبخ: مساء الخير
البندري: مساء النور شتبي؟
مطلق هو يـاكل خياره: هو يعني اذا قلت مساء الخير عندي شي !
البندري: ينخاف منكم كلكم سحـبتو ! علي
م قدرت تـمسّك نفسها وبكت انفجع مطلق هو اللي ، توقف عن الحركه: ش.. شفيس تبكين؟
البندري: ابعد عني
دخل فيصل و عبد العزيز
عبد العزيز: اوب يـابنـتّ علامس
هز كتوفه بعدم معرفة: ابد ياخوك مسيت عليها وبكت تقول  ، ينـخاف منكم كلكم سحبتو علي !
عبد العزيز تقدم يضمها: يابنتي شفيس حنا اخوانس؟
البندري ببكاء: م تعرف وش فيني !
مسح على ظهرها: لا بنطلعها  ، ايش ورانا !
فيصل بـ مزح: شفف خشمها كانه مهرج  ، الكل ضحكوا والبندري معهم
مطلق: بالله تتكلم عن خشمها وانـتّ م شفت خشمك تقول خشبه
خبط عبد العزيز على ظهرها: شفيس
البندري بأحراج: اقول
الكل: قولي؟
البندري: دوره الشّـهرية
الكل صارت واجيهم حمر من الخجل  ، اللي طغاهم
لفت لهم وابتسـمت بطفوليه: يازينكم وانتم خدودكم  ، حمر تجننون
دخلت وضحى: سلامي يمهه بسم لله وش فيهم؟
البندري: بكيت الا غصب يعرفون ، وش فيني وقلت الدوره الشّـهرية معـيً
غطت وضحى وجها وقالت: يويلي ويلاه ! احـد يوقل كلام ذا للعيال.
حكت راسها بغباء: عادي؟
وضحى: لا مو عادي يعهههه يلا اطلعو
وجاء بيطلعون الا تالين داخله وهي تتثاوب وشعرها منفوش  ، فز عبد العزيز والعيال مطلق بـُرعب: الله يخرشسس
تسمك في ثوب فيصل الا جمد  ، مكانه ولا قادر يتحرك ويأشر بـ سبابته: يمهعععههه
طاحوا البنات ضحك وعبد العزيز يـمثُل الثقل هو اكثر واحد انخرش
وضحى بضحك: بمـوت شكل عبد العزيز يمثل الثقل صحصح !
البندري: اشكالكم تحفهه
تالين بتثاوب: سويتي واكل؟
ضربها عبد العزيز ع راسها: وانتي بس هامس الاكل بس ودي واكلي
شهقة تالين بدراما: انا تضربني قد الحركه
عبد العزيز وهو يرفع حواجبه: اي قدها في شي؟
تالين بصراخ: انا تضربني وابوي وامي عايشين تعقب وانا بنت تركي وبنت دلال
دخل ابو عبد العزيز المطبخ: وش فيه؟ ولف نظره لـ تالين اللهم سكنهم بـ مساكنهم اعوذ بالله ورايس قايله كذا  ، يابـنّـت تقول جنيه
والكل بدون استثناء ماتو ضحك
حكت راسها: لدرجه كلكم خفتو؟
ام عبد العزيز: وراس م مشطتي شعرس
تالين: شميت ريحت الاكل وقلت باكل بعدين اسويه
تخصرت وضحى: بس هاذا اللي هامس اكل وغيره خلف الله عليه !
البندري وهي تناظر امها وابوها طلعو من المطبخ: بقول لـكم شي !
الكل:وش؟
البندري: بنروح لـ للخيول اللي عندنا
عبد العزيز هز بـ راسه بـ بلا: لا
فيصل: مع نفسس
مطلق: سلامات تحرمونها لليل م فيه احد
فيصل: حتى لو م فيها
رفعت البندري كتوفه: انا مالي دخل تُـوق هي اللي قالت لي نروح
رفع حواجبه عبدالعزيز: تُـوق م عندها زوج تستشيره؟
البندري: لا لا لاحد يفهم غلط هي قالت وش رايس نروح بس كل وحده تقول ل اخوانها او ابوها او زوجها ! وانا قلت م عندي زوج عندي اخوي بقول له وبس حرام تدخلون نيتها.
جاه اشعار سناب ورفع جواله وكانت تُـوق كاتبه له
: سلام كيفك بيغيت استشيرك في ، موضوع
ابغاء اروح للخيول علشان القمريه مكتمله لأجل العب للخيل
فكر عبد العزيز: شرط
تُـوق بفرحه: تامر
عبد العزيز: اجي معاكم
تُـوق: تم
نجي لـ سبـب موافقت عبد العزيز لـ تُـوق هي قالت م عاد تـشوفني وهي استغل الفرصه لأجل يشوفها
رفع راسه لـ اخوانها  ،  مطلق يقول تروح وفيصل يقول والله م تروح عبد العزيز: اشش خلاص بتروح معي
البندري طلع لسانها: احسن علشان ثاني مره م ترفض لي.
تالين: عبالي عندكم اكل
وضحى وهي تقلب عيونها: يليل هاذي من اول وهي تتكلم عن الاكل طلعوها  ، قبل لا اذبحها جننتيني انتي
تالين تخصرت: سلامات ماكله من حلالس كله من فلوس ابـوي الله يحفظه ويطول بعمره ان شاء الله !
ـــــــــــــــــــــــــــــــــــــــــــ
«بعـد صلاة العشاء»
ابتسمت بأعجاب لـ نفسها ونُطقت: والله اني حلوه
لبست بنطلون رصاصي مع بدي علاقـي  ، واخذت بلوفر اذا جاها برد تلبسه  ، وحطت مسكرا وبلشر
دخلت غاليه: وين رايحه
همهمت له وتحط روج على شفايـفها: هممم لـ عبد العزيز
شهقت غاليه: شسوين عنده؟
لفت لها تُـوق: مع البندري
غاليه: اي زين لا تطولين! تمام
تُـوق: تمام
تعطرت ولبست وطلعت لـ عبد العزيز والبندري برا
ركبت بهدوء: سلام
الكل: وعليكم السلام
عبد العزيز: نمشي؟
تُـوق: يب ! تنتظر احد انت؟
هز بـ راسه بـ بلا: لا
البندري: اجل امش
مشى لـ للخيول اللي تبعد عن البّيـوت دقيقتين  ، شتددت انظارها لـ الطريق وتأمل القمرية
لفت تُـوق لـ عبد العزيز: عادي طلب
عبد العزيز: وش عندس؟.
تُـوق: شغل لنا فلاح المسردي احبه !
فتح عيونه بقوه: سلامات ترا انا زوجس خلي فلاح عنس
ضربت جبهتها بخفـيف: نسيت انك م تفهم بسرعه فلاح لـ شيلات مغني ترا
عبد العزيز: عبالس م عارفه
تُـوق: مدري عنـّك
اتجهو للخيول ، دخلت اسطبل الهـبـوب ربي تعلـبً بشعرها الـجمـيل اما عبد العزيز مكان موجود كان عند سيارته نزلت عبايتها ، لبست سماعتها وهي و البندري وكانو يتحدون ، وشغلت على اصاله مغنيتها المفـضلة ومو تُـوق وبـس كلنا نحبهـا فتحت يدينها بدون م تمسك ، حبال الخيل جاهله نظرات الصدمة على وجهه م توقع انها تعرف للخـيل ، نزل نظره لـ خصرها اللي جايب راسه وشعرها اللي يلـعب مع الهـبـوب كانت مستانسه وبـقوه واللي خلاها تسرع اكثر البندري اللي قالت لها نشوف من يفوز يـابنّـت
طلال واخّـت الرعد ومحمـد ولاكانـت تدري عن عبد العزيز اللي كان باقي شوي وياكلها بـ نظراته ، وصلت عند البارت اللي تحبه وتعشقه لما قالـت اصاله تـتمأيل كـانها القـمره وغنتها  ، بصـوت عاليً ابتسم من شاف البندري طلعت لـ الحمامات م كانت البندري صدق تبي الحمام بينما شافت نظرات  ، عبد العزيز لـ تُـوق اللي شوي وتأكلها راحت علشان يخذون راحتهـم دخلت الحمام وهي تعض اصابعها بـ حياء: الله يصلحس ي البندري وش وصلت عند متزوجين
اتصـلت على وضحى تقول لها  ، وضحى م سكتت من الضحك عليها طقطقه وضحى وضحكها
ـــــــــــــــــــــــــ
عند عبد العزيز و تُـوق
ابتسمت له من أشر لها تنزل من الخيل نزلت منه ودخلته بـ مكانه المخصص  ، ابتسمت من جاء لـ جهتها حاوط خصرها يشده له حطت يدينها على صدره تبعد عنه الا انه سحبها من جديـد لـ حضنه
عبد العزيز: اليـوم صاروخ
ابتسمت بـ خجل يطغي ملامحها: شكرا  ، بس م كانا تاخرنا وراي زواج بعـد يومين
مد يده قدمها وقال: تفضلي ونادي البندري لي بـ الحمامات لـبست عبايتها وطلعت تنادي البندري
جاهله نظرات الـخبث على شخـص يكره عبد العزيز وكان هاذا شخص عدو لـ عبد العزيز في المعسكر استغل نقطة ضعف عبد العزيز يـ انه يلعـب بشرف خواتها او زوجته وقرر يحـرقُ عبد العزيز بـ تُـوق
ركب سيارة وانتظر لين ركبت تُـوق والبندري
وصلت البيت ورمت عبايتها فتحت شعرها وانسدح كله على ظهرها غيرت ورمت نفسها ع سرير بتعب
«صلاة الفجر»
قامت قبل امها وابوها واخوانها دخلت غرفة تُـوق
تتأفت بضيق من شافت برودت تـكـيف بارد تقدمت تنـزل درجة من تكـيف جلست جنبها وغطت فـي نومتها بحضن تُـوق ، صحت بـأنزعاج من الحراره وتحس في احد بـ جنبها بس مهي قادره تفتح عيونها زين مـن الـنوم تعوذت من الشيطان لأجل تصحصح شوي على الاقل ، ابعدت بهدوء وسرعان م ابتسمت من شافت غاليه بـ حضنها نزلت تبوس راسها وقامت توضي وتصلي وتقوم غاليه تصلي وتنام  صلت وفتحت القـران الكـريم تقرأ صفحتـين من سورة البـقرة خلصت وشالت القرآن قامت تصحي غاليه نسدحت ع سرير وقالت بهدوء: غاليه
همهمت لها غاليه: هاه
تُـوق: يلا قومي صلي
غاليه: لاحول ولاقوة الابالله العلي العظيم استغفرالله
قامت تصلي تعدلت ولفت ع جنب تنام اما عن غاليه طلعت لـ غرفتها تنام
ـــــــــــــــــــــــــــــــــــ
بيت ابو عبد العزيز
كـل العاده يضرب عيـاله لأجل الصلاة فـي المسجد ويكون احسن انك تعلم عيـالك ، على صلاة بـالمسجد
علشان عيالهم لما يكبرون ، يصلون مثلهم بـ المسجد
وكما قال رسول الله صل الله عليه وسلم علموهم على سبع واضربهم على عشر ابو عبد العزيز يحاول قد م يقـدر عيـاله يصلون مـعه بـ المسجد
قام عبد العزيز وهو يالله يمشي من كثـر نوم  ، اما فيصل شوي يموت من ضرب اللي جاه ومطلق مو إقل منه اما عبد العزيز غـير عند ابـوه يحبـه
ام عبد العزيز: يمه عبد العزيز صحصح شوي مطلق وفيصل يلا صحصحو زين صلو وارجعو نامو الصلاه عمود الدين يمه!
عبد العزيز وهو يتعوذ من الشيطان: امـري يـا الغاليه !
مطلق: ابشري
اما فيصل مو مركز مع احد
ابو عبد العزيز بصراخ: اعقب انت ويها
فز فيصل بخرشه: ابشر
صلو ورجعو لـ بـيتهم يكملون النـوم لين الظهـر
ــــــــــــــــــــــــــــــــــــــــ
بيت ابو سهم
فز مـنّ المـويه اللي انكبت عليه ولـف وشاف ساره معصبه عليه: سلامات لي ساعه اصحي فيك كانك جثه ميته؟
سهم بحده: واذا م صحيت تكبين المويه علي؟
ساره: وش رايك تضربني بعد قوم صـل وارجع نـام !
سهم: شدخلس فيني؟
ساره: انا م عاد اتحمل بتقوم والا بكيفك هاذي صلاة ربي
طلعت لـ غرفة ضيدان تصحيه ، جلست بهدوء على طرف السرير
نُطقت بصوت خافت: ضيدان حبيبي قوم صـل
ضيدان هو يـجلس: ابشري !
ساره: ليت سـهم مثلك
باس خدها وهو يقوم للـحمام(يكرم القارئ)
ــــــــــــــــــــــــــــــــــــ
بيت ابو خالد
صحت ام خالد تصحى زوجها وعيالها لصلاة
دخلت غرفة لؤي لأجل الـصلاة الفجـر ، بـ المسجد
وقربت منه وسحبت شرشف منه: لؤي أمـيّ قوم صل
لؤي وهو يتمغط أثار النومـه: طيب
خبطت على ظهره وطلعت من الغرفة تصحى خالد بعدها سعـد لأن نومته ثقيله والـبنًات صحو قبلهم
ام خالد: خالد يمه يلا قوم لاتفوت صلاة الجماعه
خالد: ان شاء الله
ام خالد بـ ابتسامه: الله يرضى عليك
قام باس راسها واتجـه لـحمام(يكرم القارئ)
ام خالد جمعـت كفوفه ببعض وقالت: يالله يعيني على سعد ذا  وراحت تصحيه م سلمت من منقرته وصراخه اللي كان يصرخ يبي نوم ، وام خالد تصحى وبعد معانه طويلـه كثيره ، على ام خالد صحى
سعد وهي رجعت تنام  ، لين الظهر ويصحون لأن زواج عبد العزيز بـكره
ـــــــــــــــــــــــــــــــــــــــــ
الصلاة الجمعه بيت ابو رعد
صـحت بأستعجال عندها اختبـار عن بعـد ولازم تختبره ، علشان ينتهي الفصل الاولى ويدخلو الفصل الثاني الدراسي صرخت من م لقت ايبادهـا وهي توتر كثير اذا كان فيـه شي قوي بنسبه لها واخيرا لقته على الطاوله اخذت عبايتها وانطلقت لـ وضحى بيت عمها ابو عبد العزيز

احبكم ولاتنسون نجمه حبايبي ❤❤❤