مستشفى القلوب (محطة القدر)

المَحطة السادس عشر

غصن مڪسور أجيتك
مثل ڪل مَرة
شارد من ادين الناس
تحضني و أرد شجرة
و أڪلك يا دوّه جروحي
چَنك دجلة تاخذني و ترد روحي
عَجيب شڪد إلك بيّه
أثر للا أثر
'غيمة اعلى گاع فياي'
العُمر صَحرة
و شفت يمك براد الماي ..
-♥️
_________________________________________

آلـن _ ما طولت ثواني وفقدت وعيي و أنا فاقد الوعي حسيت شخص دايكسر الباب و يدفعه حيـل و أنا متمدد علىٰ عتبة البـاب سمعته يگول ، وخࢪ عن الباب خلي أكسره لا تتأذه ، بعدت عن البـاب و سحلت نفسي سحل حتىٰ اگدر أبتعد لأن ما عندي لا حيل و لا طاقة

هو دفࢪ الباب أكثر من مࢪة ما گدر يكسࢪه لأن قوي أختفىٰ الصوت فجأة دقيقة و ࢪجع يضرب بقفل الباب بحديدة يمكن و 3 دقائق و فتحه هو كان مبين طفل بنفس عمـࢪي و أنا عبالي رجال كبير علىٰ هيبته و صوته و قوته و بالي سواه ثبت أنُ الولد يصيࢪ زلمة من هو

طفل ، شافني و باوعلي بنظࢪة سريعة حسيته انقهر علىٰ حالي بس باوعلي بنظرات فخر مو شفقة مثل ما الكل يباوعلي مدلي إيده و شالني علىٰ كتفه و حط حملي كله عليه و مشاني ويا و طلعني بࢪىٰ البيت و أتوجه لبيت قريب علىٰ بيتنه أنا كنت هوايه أخاف و ما عندي ثقة حتىٰ بنفسي فخفت يريد يأذيني باوعتله و گلت ؛ وين ماخذني تࢪيد تأذيني مو؟

: هو گال ؛ إذا اريد أذيك ليش أنقذتك؟
؛ أنا گلتله ، ما أعرف أنتَ جاوب وين ماخذني؟
: لا تخاف أنتَ صرت بأمان و محد راح يگدر يأذيك طول ما أنا وياك..

آلـن _ أنا ما أثق حتىٰ بنفسي شلون راح أثق بيك؟
: الأيام تثبتلك مصداقيتي و إذا گد الثقة أو لا..

آلـن _ ما كان عندي حل ثاني گلت هو أنا بكل الأحوال ࢪاح أموت ناقص عُمـࢪ خلي يصير الي يصير ما عاد يهمني شي ، مشيت ويا و أخذني لبيت و گعدني علىٰ الكࢪويته و جابلي أكل هوايه و مـي بالأول عزت عليه نفسي آكل فظليت بس أباو؏ للأكل..

: شبيك ليش ما تاكل؟
آلـن _ ما أريد ، هو أخذ الخاشوگه و أكل من الأكل حتىٰ يثبت أنُ ما بي شي و حتىٰ يطمني بهذي الحركة ، أكل و أبتسم بوجهي حسيت أبتسامته و أهتمامه ࢪجعني للحياة و أول مرة أحس بنفسي عايش.... ، صحيت علىٰ نفسي و نزلت دموعي علىٰ الي تذكرته و عشته بالماضي و ظل يتردد الكلام بأذني هوايه و الي هو :-

راح تࢪكع شكࢪ لله بدموعك و أنا ࢪاح أكون وياك بوقتها و أگلك شفت أجـه هذا اليوم يا آلـن و ࢪبنا عوضك اضعاف السعادة بدل حزنك و ࢪاح تكون بوقتها أنسان ناجح و فخوࢪ بنفسك و أهم شي أنسان صالح و قࢪيب من ﷲ ، نزلت دمعـة شاࢪدة من ؏ـيوني و فعلاً ࢪب العالميـن عوضني و ما زال يعوضني ركعت ركعة الشكࢪ و ࢪددت ألف الحَمدلله و الشكࢪ هوايه لحد ما أندگ الباب..

د. عامـࢪ _ أجيت لآلـن حتىٰ اسأله علىٰ لَيـاࢪ شفته يصلي گلتله ، تقبـل ﷲ أبني ࢪبي يثبتك..