مستشفى القلوب (محطة القدر)

المَحطة الثانـي عشر

ريت العمر مشوار تكضي أيامه وتعدي

ولو أدري الوكت دولاب ياخذ بينه ويودي

جا ما شمت الشمات بيه ولا خنت ودي

ولاخليت دمعي يسيل تيزاب وحرك خدي

مو انته الكلت أعوفك واخلف بوعدي أشو

نص الدرب يفلان وتبريت من عندي لحيمي

ودج عليه الريش وجناحك كوه بجبدي كل

هذه التعب والطيب ضيعته وصرت ضدي

صدك ينسى الفكر والضيم من يستغنى لمجدي

بعد وردة شبابي تفوح ما طاحت بمرض معدي

بعد حملي عدل ما مال ليش تعوفني لوحدي

تدرين خشب وبنار بفركاك رماد وابدي كل

جرح يألم يطيب بس جرحك جرح يضل يدي

بعد شتريد من عندي شضحيلك بعد

شفدي ولو أدري النهاية بهاي ما جنت بهواك أبدي

꧁꧁꧁꧁꧂꧂꧂꧂
لَيـاࢪ ~ ٱخخخخخخخ ...

ࢪَهـف ~ شنو شبيچ شنوو صار ؟؟

لَيـاࢪ _ و أنا داقلي الفنگر وگع دهن علىٰ أيدي رُوحـي فرفحت و من صحت بسبب الألم أمي صاحت :-

سَعـدية _ و سم شبيچ تصيحيـن نززتيني و خربتـي عليـه المسلسل يلا كملي العشاء بسـرعة الفاهيـة ..

لَيـاࢪ _ رَهـف سمعت كل شي أحتاࢪيت شلون أتلافىٰ المـوقف الي نحطيت بي الغصة صاࢪت ببلعـومي بلعتها و أࢪدفت , آاا حبيبتـي ما بيه شي بس طَفر عليـه قطرات دهن و أمي تصيحلي أستأذن منچ..

ࢪَهـف ~ سمعت أمها شنو گالت و كلش أنقهࢪت وين أكوا هيـچ أم تگول لبنتها هيچ كلام فوگ ما محترقة تگولها خربتي عليه المسلسل بدل مَتخاف عليها ؟!! , ما حبيت أحࢪجها بهذا الموقف و واضحة غصتها بصوتها فگلت
؛ ؏ُــمـࢪي الصـوت يقطع ما سمعت شي كنتي تحچين ويايـه؟

لَيـاࢪ ~ألف الحَمدلله ما سمعت شي ، لا يࢪُوحـي ما حچيت شي بـس گتلچ أمي تصيحلي لازم أࢪوح لذلك أستأذن منچ..

ࢪَهـف _ أخذي ࢪاحتچ ؏ُــمـࢪي فـي حفـظ الࢪحمـن ، ودعنـه بعـض و سديتـه طلعت بࢪىٰ المُستشفىٰ حتىٰ آخذ تاكسي و أنا واگفـه أنتظࢪ وگفت گدامي سيـاࢪة عࢪفتها سيـاࢪة لَيـث نزل الجامـة و گال :-

لَيـث _ صعـدي ࢪَهـف ماكو سياࢪة أجࢪة بهـذا الوقت..

ࢪَهـف _ لا شكراً أنتظࢪ تتعدىٰ سيـاࢪة و أصعد بيها..

لَيـث _ شوفي ࢪَهـف خلينـه متفقيـن علىٰ شي و الي هو أنتِ أمانـة ؏ـندي من قبل الكل يَعني من قبل أهلچ و أهلي فأنا الي آخذچ و أنا الي أوصلچ و أي نقاش أو ࢪفض ممنـو؏ يلا صعدي؟