مستشفى القلوب (محطة القدر)

المَحطة السابع عشر

عِيش وحدَك
لا صديج يطيل عُمرك
ولا وِلف ينطيك حَيلة
عِيش وحدَك
أنتَ تدري الناس
مابيهُم عِرف
يندَل عذابك
لملِم شمَا بقى
برُوحك وانعزل
شوفلَك دِنية على گدَك
عِيش وحدَك
عِيش وحدَك لو شفت
ناسَك بعيدة
أُبقى غالي
المايريدَك لا تريدَة
_________________________________________

لَيـث _ ࢪديتلها الأبتسامـة و گلتلها ؛ تَمام ؏ـيوني ، خجلت و راحت بسࢪعة تشوف الشاي ، ࢪحت گعدت علىٰ الكࢪسي بعد ما حضࢪنه الطاولة و بعد ثواني جابوا البنـات الشاي و قدموا و گعدوا ، و نحنـا ناكـل بابـا گال :-

د. عامـࢪ _ لَيـث و آلـن أࢪيدكم اليـوم أطلعون البنـات و تغيࢪولهم جو لأن تعبانات و نفسيتهم محتاجـة هالشي و بعد وࢪاهم تعب التحضيࢪات و ألف شي فلازم يكونون مستعدين صحياً و نفسياً و ما أࢪيد أي أعتراض تطلعون كلهم و تتونسون سويه ماشي؟

نَجـوان _ بس عامـࢪ مثل ما گلت وࢪاهم تحضيࢪات هوايه و هُمَ تعبانات و يحتاجون ࢪاحة مو يطلعون؟

لَيـث _ لا مامـا كلام بابـا صحيـح محتاجين يࢪفهون عن نفسهم..

آلـن _ أصلاً أنا و لَيـث متفقين اليوم نطلع نغيࢪ جو سويه بـس ما دام البنـات ࢪاح يجون ويانه نفرهم بغـداد كلها و نونسهم..

لَيـث _ بالضبط خويي عنـدي أماكن شفتها جديدة تمووت كلش ࢪاح تعجبكم بنـات..

ࢪَهـف _ العفـو بـس ما أگدر أطلع بابـا طلع للشغل من الصبـح و العصࢪ راح يࢪجع و أخوتي بالمدࢪسة شلون أتࢪكهم و أطلع؟

نَجـوان _ فدوة شلون تفكࢪ بيهم و تحسب الهم ألف حساب و ما تحسب لنفسها حساب واحد ، طلعي و غيࢪي جو حَبيبتي والدچ أكيد يࢪجع هنا و ࢪاح ياخذه عامـࢪ و أخوتچ أنا أديࢪ بالي و أنتبه عليهم و لا يهمچ أمي..

لَيـث _ سحبت أيدها و قبلتها و أࢪدفت ؛ أࢪوحلچ فدووة يا أجمل و أحن أم ، خلص هاي هي متفقين ࢪَهـف No أعتࢪاض رجاءاً..

ࢪَهـف _ ماشي شكراً جَزيلاً الكم ..

لَيـث _ الشكࢪ لله و بابـا الي أقتࢪح هالفكࢪة ما سوينه شي نحنا ..

لَيـاࢪ _ لو سمحتوا مُمكـن تطلعون بدوني ما الي خلگ أطلع لمكان صࢪاحة و يكفي مستضيفيني عدكم و متفضلين عليه..

د. عامـࢪ _ شنو هالكلام بويـه الفضل لله و هذا واجبنـه أنتِ خطيبـة أبني بعد و حتىٰ لو ما كنتي خطيبته أحطچ علىٰ ࢪاسي مو بس ببيتي..

لَيـاࢪ _ سالم ࢪاسك و ﷲ يحفظك و يكثࢪ من أمثالك يا ࢪب..

آلـن _ ماكو ما الي خلگ و ما أࢪيد أطلع الكل يطلع بدون أي حجة و عـذࢪ و الكل يتجهز الساعـة بـ 4 نطلع متفقيين؟

لَيـاࢪ _ يباوعلي و يحچي آخࢪ كلمة أكد عليها گلنه انا و ࢪَهـف ، متفقين..

لَيـث _ حلو ࢪايح أختاࢪ الأماكن الي ࢪاح نࢪوحلها و أجهز ملابسي و بالنسبـة للغداء لا أتعبون نفسكم طلبت منـدي دجـاج و مقبـلات..