إستقرار إجباري

" 3 "

دخلت ريناد المطبخ وفتحت التلاجة وطلعت إزازة مايه وطلعت كوباية وحطت فيها المايه ولسه هتشرب رقعت بالصوت لما شافت كلب واقف قدام المطبخ ، فضلت ترجع لِورا بِضهرها لِحد ما خبطت في التلاجة
عيونها دمعت وقالت : يارتني ما عطشت
الكلب كان بيقرب عليها صوتت ريناد أكتر وطلعت جريت من المطبخ والكلب بيجري وراها ، فتحت أول باب قابلها في وشها وقفلت الباب وراها علي طول سندت بِضهرها علي الباب وهي بتاخد نفسها بس صوتت تاني بسبب إنها لقِت داغر واقف قدامها لابس بنطلون بس وماسك التيشيرت في إيدو خبت وشها ولفت فتحت الباب ولسه هتخرج لقِت الكلب في وشها قامت جريت جوا المكتب وهي بتعيط لِحد ما إستخبت تحت المكتب
الكلب أول ما دخل قرب علي داغر وفضل يلعب معاه
قعد داغر نص قاعدة وفضل يمسح للكلب علي شعرو وقالو : أقعد
قعد الكلب وهو مطلع لسانو وباصص لِداغر ، داغر إبتسملو وقال : Good Boy
قام داغر وراح ورا المكب ومسكها من دراعها وطلعها من تحت المكتب وقال : إيه اللي جابك هنا ؟
خبت ريناد وشها وقالت : والله كنت في المطبخ و...
قطعها داغر بِزعيق وقال : وإيه نزلك من الأوضة في ساعة زي دي
دموعها نزلت وقالت : عطشت والله كنت نازلة أشرب
لبس داغر التيشيرت وقال : إفتحي عينك خلاص لبستو
فتحت عينيها لقِت الكلب قدامها لسه هتصوت داغر حط إيدو علي بوقها وقال : ششششششش كفاية صويت بقا صدعتيني ، مش هيعملك حاجة دا الكلب بتاعي
ريناد بعدتت إيدو وقالت : طب..طب أنا عايزة أطلع ألحق صلاة الفجر
إتقدم داغر خطوتين ووقف قدام الكلب وقالها : إطلعي
طلعت ريناد جريت من الأوضة اللي هي إكتشفت أصلاً إنها مكتب وطلعت علي الأوضة فوق وقعدت علي السرير تعيط وهي بتقول : أنا مش بحب الإهانة ، بيعاملني كإني شغالة عندو أو واخدة حاجة غالية منو
قامت إتوضت وصلِت الفجر وقرأت في المصحف شوية لِحد ما نامت

- صباح تاني يوم -
صحيت من النوم علي صوت خبط الباب ، قامت فتحت لاقتها الخدامة بتقول : الست هانم مستنياكي تحت علشان الفطار جاهز
هزت راسها وقالت : حاضر
قفلت الباب ودخلت الحمام غسلت وشها وفاقت وغيرت هدومها ونزلت تحت لاقتهم متجمعين علي السُفرة ، قعدت جمب أسماء من الناحية التانية
أسماء قالتلها بإبتسامة : صباح الخير نمتي كويس ؟
هزت ريناد راسها وسكتت ، بصت أسماء علي وش ريناد وقالت بِقلق : إيه دا مال عينيكي ورامه كدة ليه ، إنتي نايمه معيطة ولا إيه ؟
حطت صابعها علي عينيها وقالت : لأ أنا كويسة دا تلاقيه من كتر النوم بس
أسماء مرديتش تكسفها وقالتلها : طب خلاص كلي يلا
بدأت ريناد تاكل بس بِكسوف
خلصو أكل قام داغر وقف وقال : هروح أنا
قرب وباس راس أسماء قامت أسماء قالتلو بإبتسامة : خلي بالك من نفسك
قال داغر وهو ماشي : علي الله بقا
مشي داغر وريناد إفتكرت اللي حصل إمبارح غمضت عينيها بإحراج وقالت : أكيد مش طايقني أكتر ماهو مش طايقني فعلاً
بصتلها أسماء بإستغراب لما سمعتها بتبرطم وقالت : فيه حاجة يا حبيبتي ؟ ، مالك
إتكلمت ريناد وقالت : أ...أصل بصراحة كدة أنا قومت الفجر وكنت عطشانه نزلت علشان أشرب لاقيت كلب في وشي وأنا بخاف منهم فضلت أصوت وجريت ودخلت أول أوضة لاقتها في وشي ك..كانت بتاعة داغر ودخلت يعني و..إستخبيت كدة ، فَ أنا مُحرجة أوي من اللي حصل دا
ضحكت أسماء بِخفة وقالت : متقلقيش يا حبيبتي داغر مش هيتكلم و بعدين دوم مُسالم جداً مش بيعمل حاجة
ريناد بإستغراب : دوم!
هزت أسماء راسها وقالت : أه إسم الكلب
هزت ريناد راسها وسكتت

- بعد عدة ساعات مُتتالية -
كانت ريناد هي وأسماء قاعدين قدام الشاشة بيتفرجو علي فيلم كوميدي وبيضحكو
دخل عليهم داغر وقال : مساء الخير
قرب وباس راس أسماء ، طبطبت أسماء عليه وقالت : إيه يا حبيبي الشغل كان عامل معاك إيه النهاردة
قعد داغر جمبها وقال : الحمدلله كويس ومضيت علي الصفقة الجديدة اللي قولتلك عليها
إبتسمت أسماء وقالت : طب الحمدلله ، إطلع غير هدومك وخدلك شاور كدة علي ما أقولهم يجهزو العشا
قام داغر وقف وقال : في ثواني هكون جاهز لإن واقع من الجوع
مشي داغر وندهت أسماء علي كبير الخدم وقالتلو يجهز العشا
بصِت علي ريناد لاقتها قاعدة سرحانه ودموعها نزلت
طبطب أسماء عليها وقالتلها : إدعيلها بِالرحمة ، هي في مكان أحسن من هنا
خبت ريناد وشها وقالت : وحشتني أوي بجد
أخدتها أسماء في حضنها وفضلت تطبطب عليها وقالتلها : وحشتنا كلنا والله بس الله يرحمها
الأكل جهز وداغر نزل قامو علشان ياكلو وقعدو علي السُفرة ولسه هيبدأو أكل لقو واحد واقف علي باب الأوضة بيقول : حماتي بتعشقني مش كدة
ضحكت أسماء وقالت : تعالي يا مروان دا بتعشقك فعلاً
دخل مروان وقال لِداغر : مش قولتلك رن عليا ولا هي لطاخه
رد عليه داغر ببرود وقال : إعتبرها
قعد جمب داغر وبص علي ريناد وقال : إحم مساء الخير
بص علي أسماء وقال : مين القمر ؟
ضحكت أسماء وقالت : دي ريناد بنت طنط حبيبة
بصلها مروان وقال بِصدمة ممزوجة بِفرحة : وه! ، حب الطفولة
بصتلو ريناد وأسماء بإستغراب وداغر بصلو بِصدمة

يتبع ...
#رودي_عبدالحميد