إستقرار إجباري

" 31 "

لقي فونو بيرن بِرقم ريناد ، فتح عليها وقال : إنتي فين يا ريناد قلبت عليكي الحفله ومش لاقيكي
ردت ريناد وقالت : داغر إلحقني أنا..
جالو صوت بيقول : أظن اللعبه خلصت وأنا كدا أخدت اللي يخصني منك
إتكلم داغر بِتحذير : مُعتز الكلب لو قربت منها صدقني مش هرحمك
عيطت ريناد وقالت : إنجدني يا داغر منو
زعق فيها مُعتز وقال : شششش إخرسي يا بت إنتي مع عمك
إتكلم داغر بِغضب وقال : لو لمست شعره منها يا مُعتز مش هسيبك عايش ، أقسم بالله ما هسيبك عايش وريناد ترجع يا مُعتز
ضحك مُعتز وقال : باي يا حبيبها
ضغط داغر علي الفون جامد وقال بِصوت عاليي : رينااااااااااااد
عمّ السكون المكان و الكل بصولو بإستغراب
قرب منو علاء وقال : فيه إيه يا داغر
داغر قال بِصوت عالي : يا حُرااس
قربو منو كذا واحد وفضلو واقفين
قال داغر وهو بيزعق : إقلبو الدنيا علي مراتي ، مفيش جفن ينام ليكم غير لما تلاقوها
إتكلم علاء وهو بيحاول يهدي داغر وقال : إهدا يا داغر الناس كلها لاحظت
لف داغر ليه وإنفعل جامد وقال بِصوت عالي : أهدا إيه أنا مراتي إتخطفت وتقولي إهدي والناس ؟ ، ملعون أبو الناس
بص للناس وقال : الحفله خلصت وشكراً
بدأت الناس تمشي وهي بتتكلم
إتحركو الحُراس وبدأو يدورو في كل مكان
بص داغر لِعلاء وقالو : عايز أشوف الكاميرات
جاب مدير الأمن وقال : فرغلي كل الكاميرات
رد المدير وقال : أسف داغر بيه بس الكاميرات فيها عُطل ومكانتش شغاله
مسكو داغر من هدومو وقال : يعني إيه فيها عُطل ، الكاميرات جاي يحصلها عُطل في اليوم اللي فيه الحفله
شال علاء إيد داغر من علي مدير الأمن وقال : إهدا يا داغر مفيش حاجة هتتحل بالإسلوب دا ، لازم نفكر ونعقل شوية مينفعش كدة
حط داغر إيديه علي شعرو وقال : مراتي إتخطفت ، إزاي تتخطف
إفتكر حاجة وبص لِعلاء وقال : مين من أهل بيتي يعملها فيا
بصلو علاء وسكت ، مسكو داغر من كتافو وهز فيه وقال : إنطق يا علاء أنا مراتي بتروح مني

" في مكان ما "
ريناد كانت قاعدة مربوطة في كرسي وهي بتعيط وبتقول : حرام عليك إنت عايز مني إيه
كان مُعتز قاعد قُصادها علي الكرسي وحاطت رجل علي رجل وبيضحك بِصوت عالي وبيقول : مش عيب لما تقولي كلمة عايز مني إيه ؟
قالت وهي بتبصلو بِقرف : مجدي اللي كان عايزني مش إنت
بصلها بإبتسامة باردة وقال : تؤتؤ مجدي كنت بشهيه بيكي علشان لما يقدر يجيبك أقدر أنا أخدك
قرب منها ومسك خُصله من شعرها وقال : بس عارفه ؟ ، أنا مش عايزك علشان اللي كان مجدي عايزك علشانو دا وبس ، أنا عايزك أنتقم
بلعت ريقها بِخوف وقالت : أنا معملتلكش حاجة علشان تنتقم مني
زعق فيها وقال : بس أمك عملت
إفتكر كل اللي حصل وقام لطش ريناد بالقلم وقال : اللي مقدرتش أعملو في حبيبه هعملو فيكي
شفايفها إتعورت من شدة القلم بس قالت وهي بتبصلو بِقرف : أمي دي أحسن منكم كلكم وهتفضل أحسن منكم حتي بعد ما ماتت
مسكها من شعرها وقال بِغل : أحسن مننا أه ، أحسن مننا علشان كدة سابتني وراحت إتجوزت أبوكي
بصتلو بإستغراب وقالت : سابتك ؟
ساب شعرها وراح قعد علي الكرسي وقال : أنا كنت بحب أمك من بدري ، من قبل ما أبوكي يقابلها في طريقو ولا يشوفها وكنت بفضل أراقبها من بعيد لحد ما عرفت أبوكي وراح إتقدم وروحت وقفت في طريقها وقولتلها إن بحبها ، ساعتها قالتلي أنا مبحبكش وعيب تقولي كدا أنا هبقا مرات أخوك حاولت أخدها بالقوة لطشتني بالقلم وقالتلي إن لو حاولت أقرب لِطريقها تاني هتروح تعرف أبويا كل حاجة وأبويا كان شديد خوفت وسكت بس من جوايا كان نفسي أنتقم
بصتلو ريناد بِرفعة حاجب وقالت بِشماته : أقسم بالله كوين ، مكدبتش لما قولت إن أمي أحسن منكم كلكم فعلاً ، وإنت مش تستاهل قلم واحد إنت تستاهل 30 قلم علي وشك
إتعصب مُعتز وقام مسكها من شعرها وفضل يضربها علي وشها لحد ما مناخيرها وبوقها جابو دم وإتعورت
تفت الدم من بوقها وقالت : فاكرني كدا هخاف يعني ؟ ، مش بنت إبراهيم عبدالله ولا مرات داغر الدويري اللي تخاف أبداً
قرب منها وقال : مش لو لقاكي يا حلوة
قعد قُصادها وهو بيمشي إيدو علي جسمها وهي بتحرك في جسمها علشان يشيل إيدو ، قال مُعتز : مكملتش ليكي بقيت القصة ، أنا هنتقم فيكي ليه بقا ؟ ، علشان إنتي شبه أمك أوي وكنتي دلوعة أبوكي
بص علي جسمها بِخبث وقال : وكمان نفس جسمها وأعتقد إن مش هيكون فيه فرق ، فَ نجرب ونشوف بقا
زعقت ريناد وقالت : إبعد إيدك الوسخه دي عني
مسك مُعتز راسها بين إيديه وقرب وباسها بِعنف
بعد عنها مُعتز وبصتلو ريناد بِقرف وتفت في الأرض جمبها وقالت : أنا بكرهك
إبتسم ببرود وقال : مطلبتش إنك تحبيني ، ولازم أكسرك زي ما إتكسرت من سنين فاتو ، لازم أطفي النار اللي جوايا