يـرفاقِ :
- لا أعلم ما تخفيه صدوركم من الأحزان ولا أعلم ماتريدون من دعوات، ولكن اسأل اللّٰه لي ولكم راحة تسع الكون ومافيه يآرب......
مر الاسبوعين وجاء يوم الزياره...
فارس وهو يربط حذيانه: راشد سكرت الغاز
راشد: والله انك تذكرني بـ امي ما تطلع من البيت قبل تسكر الغاز
فارس : الحذر واجب يا خبل روح تاكد يلاا
راشد: زين زين رايح
طلع متجهه للمطبخ بس اصطدم بـ محمد النايم بالصاله...
راشد : هاذا يبي يجنني ياربي من وين يجيب هالنوم ....مشى للمطبخ وأخذ كوب ماء بارد وطلع لمحمد وهو يضحك بشر كب المويه عليه وهج للغرفه بسرعة
محمد اللي شهق بفزعه ومسك على قلبه بخوف لمح طيف راشد يهج وبسرعة قام يركض وراه ....
محمد بعصبيه: رااااشد سكككتت لكك كثييرا بس لهنا وبسس...أخذ عقاله وهي ناوي عليه نيه
راشد الي متخبي وراء فارس ويضحك: فروسي طلبتك افزع لي من هالوحش أحد ينام هو شوي وبيسافر
فارس : ياخي أبعدددد تستاهل ما يجيك منه شوف كيف بهذلته
محمد والشرر يطلع من عيونه: فارس اببعددد منه مااااني بمسؤال ان عورتك
فارس : أبو كحله خلص امسحها بوجهي
محمد بعصبيه: على بلاطط وخرررر اقووول
راشد الي متمسك بفارس بقوه: بليييز فارس لا تفكني له والله ليتعشاني اليوم
فارس عصب وبصراخ: ياخييي ابعدد وش فيكم مخابيل مو وقت هواشكم الحين ورانا سفر طويلل يلاااا كل واحد يجهز نفسه بسرعة
محمد: والله ما اطلع قبل أخذ حقي منه
راشد بتوود: حمودي وأنا اخوك احلفك انها آخر مرة
فارس بجديه: محمد خلص مو وقته بنتاخر
محمد مسح وجهه وبتهديد: لا تحسب بعديها لك يا راشد والله لرجعها لك بالضعف
ابتسم راشد له وببلاهه ارسل له بوسه بالهواء وضحك
محمد بقرف ناظره وطلع وهو ياخذ شنتطه وطلعوا كلهم وراه...
طلعوا تكسي متجهه لحائل وكل واحد عنده هم بقلبه خاصه فارس الي أبد ما كان وده يجي بس بعد اتصال امه والحاحها عليه يجيها ووافق ...
وبعد ساعات وصلوا لديرتهم الي جد اشتاقوا لها دخلوا وهم يشوفون الأرض رطبه والهواء منعش بعد ليلة طويلة ممطره، وريحه القهوة والنعناع الي معبيه المكان واصله لاخر الديره واسواق الديره الي كانت تملاها الحيويه والنشاط ...
راشد : يالله شكثر اشتقت لهالجوء
محمد : صادق جوها يفرق عن الرياض بالف مره
فارس : يلا شباب عن اذنكم بروح أشوف امي
ودعوه الشباب وكل أحد اتجهه لبيته ويسلمون على الي يمرون فيهم وهم يرحبون فيهم..
راشد بعد ما وصل لقدام بيته قرر انه يفاجاء امه وخواته بجيته لف لوراء البيت وطلع من جدار الحوش الخلفي نزل بشويش وهو يمشي بحذر طل بوجهه على الباب وهو يشوف امه وخواته قاعدين بالمشب ابتسم بخبث ونط قدامهم..
راشد بصوت عالي: سبببررررررراييززززز
خواته من الخرعه كل واحد قامت تصيح وتبي تهرب وتصدم بالثانيه كان شكلهم مره يضحك اما امه وقفت بخرعه وهي تسمي وتكبر استوعبوا اخيرا انه راشد وتهلهل وجه امه وخواته بفرحه....
أنت تقرأ
ما جت بالساهل ولا جت بالحظ مافيه فَرحه ما دفعت ثمنهاا.
Mystery / Thriller"أسهر طوال الليل مع ضيقه البال اشكي على نفسي ونفسي كتومه„
