اللهم صلى وبارك على سيدنا محمد صلى الله عليه وسلم 🌾
الساعة 8:12 المساء.....
مجتمعين حول السفره وياكلون بهدوء ....
كسر الصمت فارس وبتساؤل: محمد وش صار على زوجة ابوك
محمد بسخريه: قصدك الثانيه أو الثالثه أو الرابعه
راشد بضحكه: تعرف لو ان الله محلل عشر كان ابوك تزوجهم كلهم استغفر الله ههههههههههههههههههه
فارس : بتسكت أنت خله يتكلم
محمد : وش صار لها يعني تكفخت من ابوي لين قالت أمين تستاهل هاذي نهايه تواصيل ونشر الكلام
فارس: الله يعينك ويعين ابوك
محمد : أمين وياك
فارس صد بضيق وهو الكل يعرف بمشاكله مع ابوه.....
راشد يبي يغير السالفه: أقول شباب وش رائكم نطلع نغير جوء
محمد بعتراض: والي يرحم والديك اسكت ماني بناقص بهذله مثل الصباح
فارس: ههههههههههههههههههه الرجال تاب من الطلعات معك يا رشووود هههههههههههه
راشد بكشره: وش سويت أنا أنت الي تجيب المشاكل لعمرك
فارس: خلص وش رايكم نطلع استراحة الشباب
محمد : روحه لهنيك ماني برايح أبد
فارس بقطبيه: وليه
محمد: ما ارتحت لهم
راشد : ايه بعدنا أمس عندهم خلنا اليوم نطلع مكان غيره
فارس: خلص راحتكم يلا قوموا وشيلوا المواعين
راشد تخصر: نعم نعم وش شيلوا المواعين وأنت خير ليه ما تشيلهم
محمد قام: الحمد لله أنا بروح أخذ دش قبل نطلع
فارس قام معه: وأنا بروح ادق على الوالده وبجيكم
هجوا كلهم وراشد يصارخ ويسب فيهم ....
أخذ المواعين ودخل للمطبخ ينظفهم واخذه الهاجس لديرته....
يا ديره سكن فيها وليفي وشيبانه
يـا حبني لـ ارضها واللي سكن فيها
فارس بتصفيره دخل عليه: الله الله صح لسانك
راشد طالعه : مو تقول بتدق على اهلك
فارس رفع اكمامه يبي يساعده: ايه بس اتصل يعطيني مشغول أكيد تكلم أحد
راشد : اها مو ناوي تدق على ابوك.....ومد له الصحن يرتبه بالرف
فارس بدون نفس: لا دام طردني أكيد ما يبيني خله يتونس بزوجته
راشد بضيق من حاله: معليه بكره تفرج ان شاء الله
بعد ما خلصوا طلعوا يتمشون في مول.....
راشد: اببك يالمول البطل
محمد: شباب خلص بنقعد بالكافيه مالي نفس أمشي اكثر
فارس بتاييد: ايه ايه خلونا نقعد
وصلوا للكافيه وقعد فيها فارس ومحمد جنب بعض وراشد قدامهم ....
فارس: وش تطلبون
راشد بحماس: كبتشينوووا
محمد : كوفي بس
فارس: وأنا بعد كوفي
جاء الغرسون وأخذ طلبياتهم ....
بطاوله قريبه....
بنت 1: طالعي وراك
بنت 2طالعت: يمممه خقيييت وش هالزين
بنت 1: وربي يخققق تفكرين بالي أفكر فيه
ضحكت عليها ووقفوا متجاهات لطاوله الشباب وحطن ورقه في الطاوله وطلعين ...
محمد أبد ما كان منتبه وكان مركز بالطاوله الي يساره وهو يشوف بزر متعب امها ومدري وش يبي منها
فارس طالع راشد بصدمه وأخذ الورقه وفتحه
راشد بصدمه: استغفر الله وش فيها
فارس طالعه بنفس الصدمه: ارقام
راشد طير عيونه بفارس: لا حول وش هالبنات وش هالجرائه
محمد لف لهم بستغراب: وش فيه أي بنات
فارس : خذ شوف وش قلت الحياء ذي
محمد بابتسامة: مرقمينكم حلو ههههه
راشد بحده: ما عندهن أهل يشوفون عمايلهم
فارس: استغفر الله تسود الوجهه
محمد: ياهو روقنا أنت وياه ما صارت مشكله خلونا نسنعهم ونعلمهم ان الله حق
راشد: وش بتسوي
محمد أخذ الورقه من فارس وسجل الأرقام عنده وهم يطالعوه بصدمه ...
فارس: من جدك
محمد : لا من عمي
راشد: ههههههه قلبك قوي ياخي أنا ما اتجرئ هاذا وأنا رجال
محمد بطرف عين: ليه أنا مو رجال
راشد: لا ما قصدت كذا بس يعني ياخي كذا كذا ضروري ابرر
فارس : هههههههههههههههههه ياحبي لكم وانتم تتهاوشون
محمد: لا أنت من زمان ما غسلت شراعك
فارس بورطه: ياخي امزح
راشد: شباب يلا خلونا نروح نتعشى عازمكم على حسابي
فارس : من متى
راشد : أصبر عاد ما شفت شي بنزل لكم اطنخ فول على وجهه الكره الارضيه
فارس: والله ادري ما يطلع منك خير
راشد : أقول قوموا يلاا على البيت
محمد: مو تقول بتعشينا
راشد بضحكه: هه ايه بس بالبيت
فارس: أقول اذلف أنت والفول تبعك بروح اتعشى بمطعم ابرك لي
محمد: وأنا معك وأنت خلك بفولك
راشد: تجحدونيي يالخوانه هاذا وأنا متعب روحي لجل انكرف عشانكم بالمطبخ
فارس: أبو كحله قوم قوم شفت مطعم بالطابق الثاني شكل اكله حلو
محمد وقف : يلا قدام
راشد: هييين يا فويرس وابو كلحه نهايتكم تردون لفولي
مشوا عنه وهم ضحكون أما هو اضطر يروح معهم ...
بعد ما تعشوا وفرفرو بكم مكان رجعوا للشقه...
محمد الي على طول هج للغرفه ونسدح ونام...
أما راشد طلع يدق على اهله ويطمن عليهم ..
فارس دخل الحمام "اكرمكم الله " وبدل ثيابه ونام ..
رجع راشد لهم بعد ما تتطمن على أحوال اهله وانسدح معهم ونام .....
بعد مرور اسبوعين وهم على نفس الروتين الصباح جامعه والليل يطلعون يتمشون أو يروحون على استراحه منصور بس بدون محمد الي يفضل ينام على انه يروح للاستراحه...
راشد بابتسامة: بقى اسبوعين ونروح للديره ياااه وربي موحشتني
فارس: كل هاذا شوق للديره أوووو ....وغمز له
محمد: الغمزه ما فيه خير قولوا وش وراكم
راشد بعدم مبالاه: مالك منه هالايام صار تفكيره منحرف
فارس : استغفر الله ش هالكلام
محمد: وهو الصادق من تعرفت على مساعد وخوياه صرت متغير حيييل حتى القعده ما تقعد معنا كثر قعدتك معهم
فارس: كل قعداتي معهم بس عشان أغير جوء
راشد: شكلك مو ناوي تزور اهلك نهايه الشهر
فارس: حاليا لا يمكن أغير رائي
محمد: اذا ما زرتها بتكون صدق متهرب من ابوك
راشد: ايه لا تخلي كلام الناس ياثر فيك وبعد زوجة ابوك
فارس بتصريفه: أنا بطلع تبون شي
راشد بستهزاء: ايه هذا الي فالح فيه الهرب
فارس صد عنه وطلع وهو متضايق ....
محمد: والله حالته صعبه
راشد: كله من الحيه زوجة ابوه الله ياخذها
محمد: امين ...
توجه فارس لمساعد الي دق عليه ويقول انه قريب من شقتهم ...
فارس بابتسامة: هلااا والله مساعد
مساعد: هلابك وينك طولت
فارس: لا بس كنت قاعد مع الشباب
مساعد: اها وش اخبارهم
فارس: طيبين
مساعد: اشوفك ضايق وش الي مكدر خاطر اخوي
فارس بابتسامة: ولا شي بس شوي متضايق من زيارتي للديره
مساعد عقد حواجبه: ليه متى ناوي ترجع
فارس زفر بضيق: نهايه الشهر ان شاء الله
مساعد : اها وليه ضايق
فارس: تعرف سالفة ابوي .....طبعاً فارس حكى لمساعد كل قصته مع ابوه'
مساعد: لا تتعب نفسك وان شاء الله ابوك يرد لعقله ويرد لكم
فارس: الله يسمع منك
وقفوا ثواني ساكتين ...
مساعد: احم فارس
فارس : سم
مساعد: سم الله عدوك بس
فارس بستغراب منه:وش بس
مساعد : طلبتك لا تردني
فارس بابتسامة: جاك أنت أامر
مساعد بابتسامة عريضه: تسلم وأنا اخوك بس أبي أوصل معاك غرض لواحد من قريبينا بحائل
فارس بابتسامة: هاذا هو طلبك
مساعد: ايه اذا مافي زود عليك
فارس: أي زود ياخي على خشمي اوصلها لك واعتبره تم
مساعد اعتلت بوجهه الابتسامة :تمت افراحك مشكورر يا فارس
فارس: واجبي ياخوي
أنت تقرأ
ما جت بالساهل ولا جت بالحظ مافيه فَرحه ما دفعت ثمنهاا.
Gizem / Gerilim"أسهر طوال الليل مع ضيقه البال اشكي على نفسي ونفسي كتومه„
