ما جت بالساهل ولا جت بالحظ مافيه فَرحه ما دفعت ثمنهاا.

البارت _23

يا حي يا قيوم برحمتك استغيث اصلح لي شاني كله ولا تكلني الى نفسي طرفه عين '

معاذ بعصبيه : ليه تطلعين دون علمي وين عايشين حنا  تسرحين وتمرحين بكيفك ولا كان عندك أخ تستاذنينه ههاااه
ما ردت عليه وسن وهي تبكي وجسمها كله يرجف من عصبيه اخوها ...
هدى: معاذ حبيبي هدي شوي ترا ما صار شي طلعت مع اختي تغير جوء وهاذ هي رجعت بخير
معاذ : اسكتي انتي ولا تتدخلين كله من وراء اختك الداشـ ..سكت بدون يكمل كلمته ويغلط بحق اخت زوجته ناظرها تناظره بحده مسح وجهه بعصبيه ومشى متجاهل وسن الي تبكي ...
هدى ناظرتها : اخوك عصبي شوي فمره ثانيه استاذني قبل تطلعين
صدت عنها وسن وهي تمسح دموعها وقامت لغرفتها تطلق العنان لدموعها أما هدى كل دفاعها عن اختها هو بس ما تبي تلصق المشكله فيها فاطرت تسكت لأنه مو من صالحه تهاوشها ....

بالاستراحه ...
ريان : رد عليك الافندي
منصور : قراء الرساله بس ما رد
نايف : تهقى يجي
منصور نفث سجارته وناظره بنظره تخوف : غصب عنه يجي
ريان : واذا سحب عليك
منصور ابتسم على جنب: بنتصرف تصرف اخر معه
نايف : مشعل تأخر أحد يدري وينه
ريان : عنده ظروفه
منصور : اتصل عليه خله يجيني
ريان : بس يا منصور الرجال ابوه تعبان ما يقدر يجيك
منصور بصرامه وحده : اتصل بدون نقاش
اتصل عليه ريان وبعد ثواني قفل جواله ونطق : الله يسامحك الحين بيجي
منصور : زين
ناظرو بعض بضيق من اوامر منصور الي مو عاجبتهم وتعامله السيء معهم ....

من بكره يوم الملكه.....
ام فارس : أنا امك امك ما تخبرني يا فارس هاذي جزاتي يوم تعبت وربيتك بالنهاية تخطب وتملك دون علمي
فارس الي مل من نحيب امه الي من ساعه وهي على هالوضع تعاتبه
فارس : يمه الله يخليك قلت لك كل شي صار بسرعه ولا انتي كنتي أول من يعلم
امه : دام قلت كذا ليه علمت ابوك بالاول
فارس بضيق وقف وباس راسه : يالغاليه تكفين ماني ناقص اوجاع هاذني علمتك وانتي الي ودك ياه اسويه لاجلك قولي
امه زمت شفايفها بزعل وصدت عنه تنهد فارس ومشى لأنه جد تعب من كل شي قاعد يصير حوله وامه مصيرها ترضى وتفرح فيه ...

عهد : ليه قلتي له ي منيره لييه حرام فضحتيني قدامه هئئئى بمووت والله بموووت انتهيت هئئئىى
منيره : احمدي ربك وافق دون يسوي طوشه ويعلم الناس انتي استدهي بالله وان شاء الله كل شي ينحل
عهد عضت على شفتها وعيونها جفت من الدموع : ليه ي منيره خنتيني ليه رخصتيني قدامه ..غطت وجها بايدها ودخلت بنوبه بكى
قربت منها منيره وطبطبت عليها وهي تبكي معها ....
دخلت عليهم ام راشد ومعها عهود : يلا عهد قومي لبسي بسرعه الرجال صارو  بالديون
رفعت راسها لامها ومسحت دموعها : يمه
ام راشد: يا بنت هي ملكه ليه تبكين قومي ذبحتينا من أمس تنوحين يلاا قومي البسي
عهود: يمه خليها تلبس الفستان الاحمر والله بيطلع حلو عليها
ام راشد: انهبلتي تبين تفضحنا قدام الرجال بلبس فاضح طلعي لها ثوب ساتر بسرعة قبل يدخل
عهد : يمه ليه يدخل تكفين مابيه يدخل
منيره : اهدي حبيبتي كل هاذ طبيعي يدخل وبعدين تبين تطلعين لحريم اخوالي كذا بيضحكون عليك
هزت راسها برفض ورجعت تسحب لحافها تتلحف عليه ...
تقدمت امها منها بس اعترضتها منيره : خالتي تكفين روحي انتي وأنا بساعدها تلبس مو وقت الهواش الحين
ام راشد ناظرته ورجعت تناظر عهد ونطقت : اقنعيها ترا والله تعبت  وأنا أحوال تخرج من عزلتها
منيره بابتسامة تطمنها : ما عليه خالتي ومثل ما قلت لك اكتئاب مراهقه وان شاء الله تطلع منها
هزت راسها ام راشد : والله مو مقتنعه حنا كبرنا وتزوجنا وخلفنا وعمرنا ما صار لنا من هاذ الي تقوليه لأكن يلا أهم شي لا تفشلنا جهزيها عدل طيب هففف الله يهدي راشد الي وافق بهالسرعه كان عطانا يومين على الاقل نجهز روحنا يلا يلا بسرعه تتاخرين
منيره : طيب طيب وانتي عهود روحي مع امك ساعديها
طلعوا برا الغرفة وبدأت منيره تجهز عهد الي تعبتها بتجهيزها...