ما جت بالساهل ولا جت بالحظ مافيه فَرحه ما دفعت ثمنهاا.

البارت _24

لا اله ألا الله محمد رسول الله ....
.

.
الكل في حاله استغراب كبير من اختفاءه المفاجآ واغلب الوجوه بانت عليها القلق والخوف ...
نطق الجد عبدالله: أقول يا علي وراهم العيال تحيروا كذا
علي: أصبر يبه ادق عليهم
الجد عبدالله: ايه ايه دق شوف وين ذلفوا ذول من ساعه
دق علي عليهم ورد عليه ولده بس اجابته كانت تنفي وجودهم لفارس ..
نزل جواله وناظر ابوه: يبه يقولون ما لقوه
الجد عبدالله رفع نظره للساعه المعلقه على الجدار ودق قلبه بخوف من اختفاء فارس لثلاث ساعات وما أحد يدري شصار عليه فجاه يغادرهم دون يكلم أحد ....
عند عهد ...
ام راشد: طيب ما قالك وين بيروح أو سمعتيه يكلم أحد بالجوال
عهد مسكت راسها بضيق : يمه اقولك واكرر كلامي ماقال شيي ما قاال افهمي طلع كذا دون يقولي وين رايح
ام راشد بقلق: يارب تحفظه اخاف صار عليه شي
دخلت ام فارس والشحوب يظهر على وجهها : عهد تكفين يبنيتي ما علمك وين راح ما نطق بشي قدامك
عهد تحجرت الدموع بعيونها: والله ما قال شي شفيكم كذا والله ما ادري وينه وما ادري شصارله
رجعت ام فارس للغرفه الي فيها البنات الي الحش واصل عندهم أعلى مستوياته ..منهن من تقول ان عهد يمكن ما عجبته ..أو انها قالت له شي يعصبه ويطلع ...أو انه طلع له شي ضروري ..والخ.....
عند العيال ..
ناصر : اخاف خطفه جني
محمد : ولد تعوذ من ابليس
ناصر : اعوذ بالله من الشيطان الرجيم
همام (ولد علي): غريبه والله يختفي كذا ثلاث ساعات ولا شفنا له أثر حتى جواله ما يرد عليه
محمد : حتى سيارته موب موجوده
رفع راشد راسه لهم بعد شروده ونطق: تهقى صار شي بالرياض
محمد رفع حاجبه: مثل وش
راشد : ما ادري بس أكيد شي ضروري
همام طلع جواله من جيب ثوبه وناظر العيال : شباب خلونا نرجع الشيبان شكلهم جد قلقوا كثير
ناصر : بس لا أحد يقول ما لقيناه بنقول دقينا عليه وقال انه معه شي ضروري بالرياض ما قدر ياجله فاطر يرجع بسرعه
محمد هز راسه بتاييد : ايه يلا انتو روحوا أنا برجع البيت وبحاول ادق عليه من هناك
هزو راسهم كلهم بايجاب ورجعوا كلهم لبيت راشد ...

عند فارس الي وقف سيارته قدام العماره الي تقبع فيها شقتهم وذلف يمشي لها بس استوقفه صوت ماجد الطالع من شقته...
ماجد : فارس
ناظره فارس لبرهه وأخذ نفس وابتسم له وهو يتقدم منه ويصافحه ..
ماجد : شلونك وين الغيبه أنت والشباب
فارس : الحمد لله رحنا زياره للديره بنقعد الاجازه ونرجع
ماجد سكت لثواني وكانه يرتب الكلام الي بيقوله وبعد ثواني ناظر لفارس بنظره جديه ونطق : فارس ممكن تتفضل معي للشقه أبي اكلمك بموضوع
فارس :ااءء ما يتاجل والله راسي صار يعورني من الصداع
ماجد : لا ما يتاجل
فارس حس على جديته واشر عليه يدخل شقته وهو يتبعه دخلوا اثتينهم وأخذ كل واحد مكان يجلس على الكنب...
ماجد : فارس الـ........* صح من حائل ، اربعه اخوان وثلاث خوات وكلهم متزوجين وابوك وامك منفصلين كلامي صح
ناظره يناظر عليه بدهشه بانه يعرف كل عائلته وعددهم ...
ماجد : لا تستغرب هاذ الشي من ضابط برتبه ملازم ثاني
فتح عيونه بصدمه: أنت ضابط شرطه
اوم ماجد له بايجاب ورجع بظهره للوراء: طيب الحين نبي الخلاصه عشان لا تصدع أكثر ...ورجع بظهره للامام وشبك اصابعه ببعض : فارس أنت متهم بجريمه تهريب المخدرات وبيعها بس أنا أعرف انك ببدايه الطريق معهم لهاذا ما تخاف عندي لك عرض اذا تبي تسقط عنك التهمه ...
فارس الي انخطف وجهه من بدايه كلامه وكانه مو مستوعب الي يسمعه قدامه ...
ماجد : أنا جيت هنا استاجر مو حب للمكان بس جيت اراقبك وأراقب تحركاتك أنت وجماعتك لاجل اعرف وين مخابكم واماكن تواجدكم بس للأسف افلتم منا بعد تسريب معلومات من خائن انه بيتم اقتحام مكان اجتماع تبادلا البضايع..أخذ نفس وزفره ورجع يناظر وجهه الشاحب والمنصدم واردف ..اذا تبي تسقط عنك التهمه ساعدنا ساعد بلدك ضد الخونه الي يبون يدمرون دينها وشبابها ..
فارس بعد استيعاب نطق : بوش اساعدكم
ابتسم ماجد  : سمعني زين أبي مكان تبادل البضايع واماكن تجمعات روؤسائهم ابيهم خلال اسبوع فقط وقتها تسقط التهمه عنك
فارس نزل راسه ومسكه وغمض عيونه بقوه وتمتم بكلمات سمعها ماجد : ورطني وراح الله يرحمه.. الله يرحمه
ماجد : هااه شقلت
وقف فارس الي شوي ويفقد وعيه من المصائب الي توالبت عليه ووقف ماجد معه يحتري اجابته...
فارس : طيب موافق بس واذا عرفوا اني جاسوس
ماجد ابتسم ومسك على كتفه: أهم شي لا تخاف نفذ الي قلت لك عليه والباقي علينا أهم شي يكون تعاملك معهم مثل تعاملك معهم قبل ودون تثير الشك فيهم
اوم براسه له وطلع من العماره دون يلفت لشقته وتحرك يسوق سيارته دون هدف محدد لوين وده يروح متشتت ضايع ما يعرف هو بوش غلط كل هاذ عشان يتعاقب بهالشكل الي دمر تفكيره ولاحق يدمر مستقبله...
رن جواله للمره الالف واخيرا ناظره ورد عليه...
منيره بفرحه دمعت عيونها : فارس
فارس رجع يتكي على كرسي السيارة وغمض عيونه: عيون فارس
منيره : ماني عيونك وأنت اقلقتنا كذا حرام عليك تسوي كذا والله حرام
فارس : صارت معي شغله ضروريه واضطريت أروح لها
منيره مسحت دموعها: لحظه أروح لامي ترا والله انحرق قلبها وهي تبكي عليك
نغزه قلبه من قالت كذا وانبه ضميره بقوه .. دقائق وامه تكلمه: فارس يمه حبيبي أنت بخير وينك يمه خوفتني عليك
فارس : يمااه يا حبيبتي ليه تبكين صارت معي شغله ضروريه وهاذني راجع لكم لا تبكين يالغاليه تكفين
امه: انحرق قلبي عليك تروح دون تكلمني دورنا عليك بكل مكان خفت صار معك شي تكفى ارجع بسرعه أبي اشوفك
فارس : زين اجيك الحين بس لا تبكين يلا
امه: استودعك الله مع السلامه
قفل جواله وتنهد بضيق ودار بالدريسكون لديرته راجع لها لها ووصل قريب العشاء..
دخل وشاف امه بين خالاته وحريم اخواله الي تغطوا منه بعد ما وصى أحد البزران يعلمهم بدخوله قامت امه بعد ما شافته وحضنته بقوه ..
فارس : يمه يمه وش بلاك تبكين والله عيب يقولون بزر امه تخاف عليه
امه بعدت شوي منه: قلب الأم يا فارس خرجت دون تكلمني ولا تفتح على اتصالنا وش صار ليه طلعت دون تعلمنا
فارس يبي يغير السالفه: يلاا عاد نفتح ملف تحقيق الحين خلص هاذني قدامك بسك بكى
امه: ياويلك تعيدها مره ثانيه خفت صارلك شي لا سمح الله
فارس طلع الضحكه بالغصب : ولا يهمك يالغاليه أهم شي كفكفي دموعك الي صايره نهر هالايام .. والرخمه منيره وينها مسويه الخايفه علي
وفاء : أفاا يا فارس جاحد خواتك ولا كان تشوف غير منيره
ناظرها فارس وناظر بطنها الي يتقدمها وواضح انها بشهرها الأخير تقدم منها ورفع ايديه يحضنها ...
فارس: هلا والله منوره يام ماهر
وفاء : بنورك يالغالي شلونك عساك بخير
فارس: الحمد لله انتي شلونك شلون حملك
قطعت عليهم غاليه اخته الكبيرة :  أشوف مالنا من الطيب نصيب
ابتسم لها وتقدم يحتضنها وبعد كم سالفه طلع من عند الحريم مشى خطواته للديون ودخل وشاف عيال اخواله الموجودين بس ...
راشد : يا رجال وين طسيت أنت
فارس: ليه بزر ثلاث سنين تدورين علي وبعدين كلها ثلاث ساعات
راشد : ندري بس اختفاك المفاجى هو سبب الفوضى
همام:  والله لفينا الدنيا لف عليك ولا لقيناك كان جني خطفك
محمد بحده: أقول تعوذ كم مره اقولك
همام: اعوذ بالله اعوذ بالله
صد محمد عنه وناظرو كلهم فارس الي جلس دون ينطق بشي ..
راشد : يا ولد شفيك انخرست وش الشغله الي طلعت عليك فجاه
فارس : بعدين اكلمك.. وين جدي وابوي وين؟
محمد بسخريه: ابوك من دخلت داخل طلع من الديون
راشد : جدي واعمامي راحوا المسجد وحنا بعد خلونا نلحق على الاقامه ..
طلعوا كلهم للمسجد يصلون العشاء وبعد الصلاة فارس الي جده استلمه تحقيق والباقي ردو لبيوتهم ..

من بكره...

همس : ايه والله جدي يقول.. اييييي وربي متحمسه
منايا: وأنا بعدد يمه اخاف أموت لبكره
همس : ههههه الله لا يقول نبي ننبسط ونفرح موب نقلبها عزاء
منايا: اوك بسكر الحين بروح اكلم امي
همس : وأنا بكلم البنات
منايا : تمام سيوووو
همس: سيوو

راشد : شدعوه لها الطلعه ترانا بنص البرد اخاف ازكم وابرد وتصير فيني حمى وبعدين تصير سوالف وصياح و...
قاطعته امه بعصبيه: قلب الله فالك وش قاعد تفول على روحك قووم جهز عمرك وشوف عذب وينها
راشد بحلطمه: اوووه يمااه جيت ارتاح أنا ولا ادور وراء بنت العوقاء
عهود بلقافه: قول من البدايه انك ما تبي تروح لأن جدي بيستقعد لكم بسالفته ويا صاحبه حق الجن وتخاف تنام بالبر ويجيك جني اعوذ بالله من الشيطان الرجيم
راشد يقلدها : اننننننننن شوفي بالاول نفسك تخاف من حشره قد رمش عيني وتقول عللي اأنا الرجال اخاف من قصص جدي
عهود: واضح من الي يجيب اعذار
راشد : اسكتي بس وقومي شوفي عذب وينها
عهود: والله ما أروح قالت لك أمي أنت بالاول
راشد : اخوك الكبير ما تسمعين كلامي ياذبه
عهود : والله ما أروح ليه عهد تقعد بالبيت وأنا دائما اطلع اسوي الي تبونه
راشد : لأنك بعدك بزر دائما نقولك روحي جي بس دعيده صارت كبيره ومالها طلعه من البيت وبعدين الحين هي صارت بالشرع متزوجه يعني خلص انسيها باي شغله بالبيت
عهود : لا والله اسوي كل شي وهي تقعد والله ما يصير وأنا بعد أبي أتزوج واسوي مثل عهد
راشد فطس ضحك من تفكير اخته الطفولي وقام يدور على عذب بعد ما راحت عهود لغرفتها جكاره فيها ما تنفذ طلبه...

الجد عبدالله: وليه ما تبي تروح البر يا راشد
راشد : ااء اسمع يالشايب جد أنا مابي أروح تدرون من زمان ما أحب الكشته
همام: ولد ولا تسوي فيها أي لايك أي نوت لايك ندري على وش ما تبي تروح
ناصر: شبح سندباد...ودخلو بضحكه هستريه اثنينهم
الجد عبدالله: اص أنت وياه وقوموا حق اهلكم ساعدوهم بدل الهرج الفاضي وأنت يا راشد قوم صب القهوة لي
راشد بقله حيله: ابشر ابشر