ما جت بالساهل ولا جت بالحظ مافيه فَرحه ما دفعت ثمنهاا.

البارت _21

لا اله ألا الله وحده لا شريك له.

طلع من الجامعه وتعتلي محيياه ابتسامه عريضه
محمد : يا ولد خف وارحم خدودك من الصبح وأنت  شاددهم شد
راشد بابتسامته: اخخ يبو كحله اخخخ مو مصدق خلصت
محمد : يا كافي هاذ وأنت مخلص ترم واحد عاد لو خلصت الجامعه بكبرها عز الله بنروح فيها
راشد : والله افخم شعور يا رب أكتب العمر الطويل
لف محمد منه وعفس وجهه من ضوء الشمس وحط يده فوق راسه يمنع وصولها لعيونه : شف شف فارس جاء
راشد لف يناظر سيارة فارس الي وقفت قدامهم تقدم منها وضرب مقدمتها بقوه : اررررحببببب يا ولدد العمه
فارس نزل بعصبيه وبصراخ: الله يطق راسك يا حيووان وخرر يدك
راشد بعناد طقها بقوه اكثر وهرب يركض من فارس الي يركض وراه ومعصب ويسب فيه ...
محمد الي استغل انشغالهم بالهواش وركب السيارة ودار فيها وهج منهم بسرعه ..
وقف فارس وراشد الي كل واحد ماسك الثاني سمعوا صوت التفحيط وطالعوا محمد الي هج بالسياره وتاركهم فك كل واحد منهم الثاني وركضوا وراء السيارة يصارخون بس محمد كان أسرع منهم وراح ..
فارس بوعيد : والله لوريه الكلب على باله سيارة ابوه هيييت هييين يبو كحله
راشد : دق عليه خله يرجع
فارس : وأنا من وين ادق عليه وجوالي بالسيارة دق عليه أنت
راشد ناظره دون يرد عليه..
فارس : انتت شفيك تطالعني كذا دقق أشوف
راشد : ماني داق عليه
فارس : هيي انخبلت أنت تبي تحرقنا بالشمس اقول دق عليه قبل ادق راسك
راشد : تعقب
فارس: لحولل هات هات أنا بتصل فيه ...تقدم من بنطلونه  يسحب جواله بس راشد كان أسرع وهرب منه استنكر فارس حركته ووقف يناظره بستغراب اشر له بيده بمعنى " انجنيت" بس مارد عليه وهو واقف بعيد منه
فارس : اسمع والله ماني راد البيت ألا بسيارتي وأنت اذلف حتى بحمار
راشد بابتسامة: رجلي برجلك
فارس: بيجي غصب عليه مو بكيفه ياخذها ويهرب
راشد ضحك عليه من تحلطمه وتوعده بـ محمد
ما استوعب فارس وش الي قاعد يصير ألا بعد ما جاء محمد بعد ربع ساعه وشافه ينزل وينزل معه شنط سفر...
فارس فتح عيونه بصدمه: وش ذا
محمد بابتسامة: شنط سفر
تقدم منهم راشد بابتسامة: الحمد لله كذا بتعدي قلنا بنسوي لك سبرايز
فارس بعدم فهم: مو فاهم ليه جايب الشنط لا..لا يكون مسافرين عشان العطلة
راشد : عليك نووووور
فارس اعتلته ابتسامه: وين ..وين نسافر والله انها افضل مفاجه بحياتي
محمد : للديره
فارس بهتت ابتسامته: وش الديره
راشد بضحكه: مسكين عباله رايحين شرم الشيخ هههههههههههه
محمد : احلام الظهر قال شرم الشيخ امش امش لا يكثر
فارس : صدق انكم وجهه فقر
مشوا مع بعض للسيارة وتجهوا لديرتهم بطقطقه راشد وعصبية فارس وصبر محمد الي يسوق بعد ما حلف انه يسوق هو لأنه خايف من عصبيه فارس توديهم بداهيه ماهم بغنى عنها ...

عند وسن ونور ....
نور بحماس: والله حماس اطلعي معي
وسن بخوف : نور والله ما اقدر ومعاذ موب موجود
نور : ي شيخه ترا الرجال طالع وزوجته يتمشون ويغيرون جوء وانتي هني دافنه روحك ما كانك بعمر الشباب لازم تعيشين حياتك وبتنبسطين صايره مثل العجايز وربي
وسن : طيب طيب وين نروح
نور ابتسمت بحماس: نروح لكافيه أو لمول أو حديقه أي مكان  أهم شي يصلح للتصوير
وسن : تمام بس لا نتاخر
نور : ايه ايه يلااا بسرعة قومي نتجهز
وسن مستنكره كلامها: وش نتجهز
نور : يا بنت الله يرضالي عليك أمشي معي بس
مشت ورائها ودخلت غرفه هدى وقعدت قدام مرايتها وبدأت ترسم ايلاينر ومكياج لعيونها ووسن تناظرها بستغراب رفعت نور راسها لها : هااه كيف ذا احسه أكبر شوي صح ...ولفت وجهه للجهه الثانيه تاشر لها على عينها
وسن : شدعوه تسوين كذا ماب نحن رايحين زواج
نور : حبيبتي مو ضروري بالاعراس نلبس ونكشخ ترا بعدنا ببدايه حياتنا ليه التعقيد
وسن ابتسمت : أنا بعد بسوي مثلك
نور وهي تحط مكياج : اوك حياتو اقعدي لين اخلص
قعدت جنبها وسن تناظرها باعجاب وشلون تحط المكياج بكل براعه ويسر بعد م خلصت من تجهيز نفسها انتقلت لوسن وضبطتها وطلعوا سوى لكافيه بعيده شوي من بيتهم...
دخلوا الكافيه ووسن التصقت بـ نور بخوف مو متعوده تطلع بروحها أو الاماكن المزدحمه استغربت جرائه نور وثقتها وهي تمشي بين الرجال وتخطاهم دون خوف أو قلق طلبت آكل لهم وقعدو على الطاواه وبدت جلسة التصويريه الي انهلكت وسن منها وهي ترتب الاكل على وضعيات مختلفة حسب اوامر نور بعد جلسة التصوير قعدو ياكلين ويسولفين بهدوء
: هااي نونيي
رفعت نور راسها لمصدر الصوت ونطقت: هاايات بيبي
..وقفت من مكانها وسلمت على البنت بالخدود من وراء النقاب انتقلت انظارهم لوسن ...
نور : جوانا هاذي وسن الي علمتك عنها
جوانا تقدمت من وسن وسلمت عليها: شخبارك وسن
وسن بارتباك : الحمد لله وأنتِ
جوانا : طيبه حياتو ...لفت تسولف ويا نور ووسن تتابعهم بصمت وتسمع سواليفهم الغريبه عليهم وتصويرهم كل دقيقه مع بعض...