*آمن روعاتهم، واستر عوراتهم، ونجّهم من الخوف والفزَع ومن الجوع والجزَع واجزهم ، عن مشقّة الحياة الفانية بما صبروا جنّةً وحريرا ، اللـهم غزة *
عند راشد ومحمد...
راشد بابتسامة: والله حببيت المكان
محمد : ايه وصفه لي ماهر من قبل
راشد : والله مطعم يجيب الكيف
وقف محمد وناظر للمكان ونطق: قوم يلا
راشد : وين
محمد : أمشي بس مليت
راشد: لحظه لحظه باخذ الاكل الباقي حرام يروح هدر
محمد : وجع تبي تفضحنا وش تبي فيه
راشد : يوجعك وش من فضيحه خلني آخذها ادري فيني بندم عليه وقت اجوع
محمد ناظر لطاولات القريبه وما شاف أحد مركز معهم ولف لراشد الي حط الاكل كله بكيس : من وين جبت هالكيس
راشد : اخوك يدبر نفسه ويلا نروح
محمد: يلا يلا بسرعه لا ننفضح من وراك
راشد : مادري ليه تقولون عنها فضيحه تراها نعمه
محمد : ندري انها نعمه وأنت نغمه من الله
طلعوا لموقف السيارات يبون يقوفون تاكسي بس ...
: عفوا أنت محمد عبدالمجيد
لف محمد له وعقد حواجبه : نعم خير
: تفضل معنا لمركز الشرطة تم تقديم شكوى عليك
راشد بصدمه: عفوا يمكن غلطانين
الشرطي: مو غلطانين ولو سمحت تفضل معنا دون نضطر للعنف
محمد ببرود: طيب بروح
راشد لف له بصدمه: وشش سويت
محمد: بشوف وش سويت ....ابتسم له وهم يمسكوه من كتفه ويركبوه سيارة الشرطه ....
راشد كان بحاله صدمه وعدم تصديق وقف يوقف تاكسي وتوجهه لمركز الشرطة وراهم .....
عند فارس الي وصلوا للمول وتجهوا لاحدى المحلات ودخلوا ...
وسن بهمس لاخوها: قول لخوياك كم مقاس خالته
مساعد : زين ...اهه فارس
فارس ناظره بتشتت : هلا
مساعد : شفيك مو على بعضك
فارس: لا ولا شي
مساعد : المهم مقاس خالتك كم
فارس بدون تركيز: خالتي مين
مساعد: لحولل شفيك مقاس خالتك سمينه نحيفه طويله قصيره شفيك فهيت ...وبصوت خافت... اقصد مقاس اختك
فارس الي انتبه اخيرا : هااااه ايه ايه بمقاس اختك
مساعد ناظره بنظره حاده : فاارس شفيك قاعد تعلب معاي
فارس : شفيك عصبت قلت لك مقاس خالتي اشوفه نفس مقاس اختك
مساعد: احلف وأنت شعرفك
فارس بتسليك: أنت فاهم غلط يعني مقاس صغير بعدها صغيره افهم
مساعد بانزاعاج : خلص طيب ...لف لاخته وعطاها الخبر مشت وسن بابتسامة وهي تدور على الفساتين وتختار بفرحه مع انها داخلها مكسور .....
مساعد : فارس
فارس ناظر له يكمل كلامه ...
مساعد : تخاويني
فارس عقد حواجبه: الحين
مساعد : لا بكره بعد الجامعه بطلع الدمام
فارس: وش عندك هناك
مساعد: عندي طلبيه وابي اوصلها
فارس ناظره بعدم فهم: ما فهمت أي طلبيه
مساعد : شغلي توصيل طلبيات
فارس رفع حواجبه: والله
مساعد : ايه والراتب يرفع الرأس
فارس بابتسامة: حلو الله يوفقك
مساعد : شرايك تشتغل معاي
فارس: في وظائف شاغره
مساعد بابتسامة عريضه: ايييه
فارس:والرتب كم
مساعد: على حسب الطلبيه
فارس: امم بشوف وبرد لك جواب
مساعد : ان شاء الله
لف يناظر للمحل وقلبه مبسوط لأن أخيرا مساعد صارت عنده وظيفه ويقدر يعيل فيها اسرته ويلبي طلباتهم ...
بعد ساعه ونص طلعوا من المحل وتوجهوا للسياره....
فارس: اا دقيقه بدق على اختي أخذ رايها باللون
مساعد : خذ راحتك
مشى عنهم فارس ومساعد ووسن ركبوا السيارة يحترونه يخلص مكالمته( وبالاصح مكالمته الوهميه )
فارس الي ابتعد شوي عنهم وهو مايدري شيسوي واطرافه صارت بارده وهو يتعرق من هالموقف الي عمره ما صار معه رفع جواله لاذنه وبداء يحرك شفايفه وبداخله خوف وكميه من الضحك والفرحه المخطلته بعد كم دقائق رجع لمساعد وقالب وجهه بعصبيه ....
مساعد : خير شفيك معصب
فارس مسح على وجهه وهو وده يضحك من قلبه : اختي الله يهداها تقول مقاسها XXL وحنا مشترين لها مقاس XL
مساعد :طيب سهله نغير المقاسات وبس
فارس: بس يمكن ما عندهم مقاسات
مساعد: خلنا نروح ونشوف
رجعوا للمحل وفارس مقبض يده بقوه ....
مساعد : سلام عليكم
صاحب المحل: وعليكم السلام
مساعد : لو سمحت قبل شوي شرينا منك هالفستان نبي تغير مقاسه لاصغر ممكن
صاحب المحل ناظر للفستان وباسئ: للأسف ما عندنا مقاسات لهاذا النوع
مساعد ناظر لفارس:والحل
فارس هز اكتافه بمادري
مساعد : طيب فينا نغير غيره
صاحب المحل: لا يمكن أي بضاعه تطلع من المحل لا يمكن ترجع
مساعد: خير مالنا دقائق طالعين من عندك تقول مافينا نردها
صاحب المحل: هاذي قوانين المحل وأنا عامل ما اقدر اسوي شي
فارس: خلص مشكور
لف مساعد له: على كيف كيفك مشكور وش بتسوي الحين مو تقول المقاس صغير
فارس ضم شفايفه باستسلام: والله عينك تشوف وش نسوي خلص واختي تستاهل ما وصت ملابسها ألا من هنا خلها هي الخاسره
مساعد تكتف: يعني راضي
فارس: بربك شسوي أروح اقاتل عشان قطعه قماش
مساعد : طيب وش بتسوي فيه
فارس : مدري
مساعد : طيب ما عندك اخت أو بنت عم عطها ياه
فارس: ناقص اهدي بنات اعمامي واختي الصغيرة تقول حامل م تقدر تلبس لبس ضيق
مساعد : مشكله
فارس بتمثيل البرود: ولا مشكله ولا شي اعطه اختك دام هي الي تعبت معنا وطلعناها من راحتها
مساعد : لااا وش اختي اعطه أي أحد من قريبينك ينفع هديه
فارس: ياخيي خلص دام اختي م تبيه خذه لاختك دام هي اخترته أكيد عاجبها وما بترده واعتبره مقابل تعبها معنا
مساعد انقلب وجهه: زين زين خلنا نمشي لها ....
مشوا جنب بعض وكل واحد يحمل شعور غير عن الثاني فارس الي يحس بفرحه مع انه مو مستوعب الي سواه ومساعد الي م حب تصرف فارس بأن يهدي اخته وهو ما يحب أحد يتصدق عليهم حتى من باب الهديه ....
ركبوا السيارة وانطلقوا لبيت مساعد ....
مركز الشرطه ...
محمد دخل المركز وما انصدم من انهم هم رافيعين عليه دعوه ....
دخلوا كلهم لغرفه الضابط للاستجواب ...
الضابط : محمد تم رفع دعوه ابتزاز عليك من قبل الخوات هيفاء واشجان وانك مهددهن بنشر صورهم اذا ما لبوا طلبك
محمد دون يناظر للبنات: اسمع يا حضره الضابط أنا اعترف باني هددتهن بصورهن لأكن احلف لك بالله تصدقني اذا قلت اني ما شفت صورهم أو لمحه منهم
هيفاء باندفاع: يكذب والله يكذب كل يوم وهو يهددني هئئئئ
الضابط: لو سمحتي حنا استمعنا لشكواك والحين نبي نسمع رده على دعوتك والحين كمل يا محمد
محمد بابتسامة: والله ياخوي أنا ما سويت هالشي ألا لمصلحت هالخوات وأنا مالي بهالسوالف من خلقت بس والله ان قلبي حرقني وأنا أشوف بنات مسلمات متححبات يحطين رقمهن على طاوله شباب بدون دين ودون حياء بهالطريقه والله اني استحيت اكثر منهن شيقولون الناس عنهن وهن يلطخين سمعت اهلهن بالعار وقبل كذا م يخافين الله
الضابط لف للبنات: الي يقوله صدق انتن مرقمينه
اشجان بغنج: تراه يكذب حنا ما سوينا شي واعع ارقم هالاشكال ....نخزتها هيفاء : اشجان بس
الضابط: يعني معترفه انكن ترقمين وبالاخير ترفعين دعوه ابتزاز وأنت جايبات البلاء بايدكن
هيفاء ببكى: يكذب والله ما سوينا شي يكذب ياضابط
محمد : اي صح ما رقمتيني أنا بس رقمتن خوياي وأنا أخذت الرقم منهم لأني مابي خوياي يغلطون أو يدخلون بشي الله مو راضي عنه وهذا جوالي يالضابط فتشه وشوف وش بتلقى
أنت تقرأ
ما جت بالساهل ولا جت بالحظ مافيه فَرحه ما دفعت ثمنهاا.
Mystery / Thriller"أسهر طوال الليل مع ضيقه البال اشكي على نفسي ونفسي كتومه„
