ما جت بالساهل ولا جت بالحظ مافيه فَرحه ما دفعت ثمنهاا.

البارت_26

سبحان الله وبحمده سبحان الله العظيم "
.

.
فارس : ليه قاعدة لوحدك ، فيك شي ؟
رفعت نظرها له ونزلته فور م التقت عيونها بعيونه واومت براسها بـ لا
ناظر للبعيد ورجع يناظرها : طيب ليه تقعدين بروحك وقاعده بعيده من الخيمة
أخذت نفس بالقوه وهي تحاول تكون قويه وما تخليه يشوف ملامحها وعيونها الي امتلت بالدموع وردت ببحه : أبي أقعد بروحي لو سمحت لا تتدخل فيني كفايه لهنا
احتدت ملامحه وانحنى يمسك معصمها ورفعه له بالقوه ونطق : عيدي شقلتي
عهد : أبي أقعد بروحي
نفض ايدها بقوه وناظرها بتقزز وهي مرميه على الأرض ونطق بوعيد : تدخلين الحين داخل ولا اقسم بمن حل القسم ان ادفنك بهالرمل ان شفتك بروحك قاعده مره ثانيه
بلعت غصتها ووقفت من على الرمل وناظرته : ومن أنت عشان تامريني ، مو لأنك تزوجتني وانك تبي تست**
بحركه سريعه حط يده على فمها قبل تكمل كلامها وبعصبيه ضغط باصابعه على وجهها وهمس بفحيح : تبين اذبحك ، تبين تفضحين نفسك يال ...
ما خلص كلامه ولا وهي تدفه وتختفي من قدامه بسرعه وتدخل للخيمه ...
مشى وارها بسرعة وهي ناوي نيه سوداء عليها كان يبي يتقدم ويدخل الخيمه بس توقف وهو يسمع شهقاته وهي تبكي ، أخذ نفس ورجع يقعد محل م كانت قاعده قعد يفكر بنهايه قصته معها وكيف يتخلص منها بس سرعان م نفض الافكار الي توالت على عقله وقام يمشي للخيمه الي متجمع فيها الرجال والحريم لقاهم م أحد منتبه عليه انه طلع وجلس مستنسي الي صار قبل قليل مع عهد ويرجع يضحك ويسولف مع العيال ...
.

.
ببيت نور ...
نور وهي تقضم اظافرها :يعني مره وحد شفتيه
وسن بمنافخه : ايه كم مره قلت لك
نور : طيب يعني شفتي انه من ذاك النوع يعني ءءاا...
وسن : م اعتقد اذا تفكرين بانه راعي بنات احسه ولد ناس ومو منذاك النوع
نور زمت شفايفها بعد رضى: اوك م بتستفيدي شي دامه كذا
وسن : اخخخ ي نور وربي مو قادر يطلع من راسي احسني كذا ملت له ...'قالتها بخجل '
نور تعدلت بجلستها وبللت شفايفها ونطقت: اسمعي اذا انتي تبينه و.. ويعني يصير حبيب لك ببساطه كلميه
توردت خدود وسن وشتت نظرها بخجل لأنها أول مرة تتكلم بهالشي وتبيه : امم م ادري احس لو بكلمه بياخذ نظره سيئه عني
نور زفرت بطفش ورجعت تتكي على ظهرها وتناظر جوالها : حبيبتي أنا ما عرفت وش الي تبينه بالضبط وقت تقولين ابيه ووقت تقولين خائفه حددي موقفك لو تبيني اساعدكم
وسن : تمام بكلمه
ناظرتها نور تتاكد من كلامها..
وسن: يعني مو اكلمه ارسله بس ...وابتسمت ابتسامه خوف
نور رجعت تعدل جلستها وبحماس : اووك يلاا راسليه
أخذت نفس وهي تتطلع جوالها وتفتحه على الرسائل النصية، ناظرتها نور بقرف ونطقت : تبين تكلميه بالرسائل النصيه
وسن : ايه
رفعت حواجبها بشمغ :  مرره قديم
نور : شنسوي الموجود
اشرت لها نور تكمل وترسل له ...
.

.
صباح جديد بالبر ...

الجد عبدالله الي نشب للعيال من الفجر : يا سلطان قوم وزهب القهوة
قام وهو يتثاب من النعاس : ان شاء الله
راشد : جدي وراك ما تصحي فارس ولا ناس لناس
عبد الرحمن: ايه والله حنا ننكرف من الصبح وهو ينام
سلطان : والله هاذا اضطهاد
الجد عبدالله: أنت اسكت وسوي القهوة وأنت ساكت
سلطان : يمون ي جدي يمون
همس عبد الرحمن لراشد : اخاف الدورة عليه
فطس راشد ضحك الي جده استلمه بالضرب على كثر ما ضحك ...
عند فارس الي صحى متأخر مع انه صلى الفجر ورجع ينام عكس البقيه أخذ جواله الي كان يشحن وشاف على وجهه الشاشه وصول رسالتين لفت انتباهه مسج من مساعد عقد حواجبه وهو يقراء محتواها ...
" سلام "
"شلونك فارس "
" أبي منك مساعدة لو ما عليك امر"
رد عليها :
"وعليكم السلام "
" امري اختي"
خرج من محادثاتها وفتح المسج الثاني الي كان من نايف ودب بقلبه الخوف والرعب...
" تقبل الي بيصير لك دخلت مع الشخص الغلط يا فارس"
ما عرف وش يرد عليه كتب كلمتين بس حذفهم بسرعة وقف بتوتر يحك بجبينه بوش يرد عليهم لين اتفق على جواب وارسل له فورا  " يوم واحد وكون عندك كانت عندي ظروف "
خاف كثير لانه يدري بأن الي تورط فيه شي كبير وما بيخرج منه ألا بخساير كبيرة ولا يبقى معهم وهاذا الشي خلها يشرد بتفكيره لين دخل واحد من البزران يتخبى عنده ...
اسامه: خالو فاغس خبيني
ناظره فارس وابتسم وهو يشيله : اسومي حبيب خالو من مين تتخبى
اسامه وهو يحاول يفلت من فارس ويتخبى وراه : خالو فاغس تكفى خبيني عزوز بيلاقيني
ضحك فارس على نطقه لاسمه مثل عذب : طيب طيب يا حبيب فاغس
كمل جملته الاخيره ودخل عزوز ولد ابن عمه يدور على اسمه
عزوز : عمي فارس شفت اسامه
فارس وهو يناظر للسقف : امم لا دخل قبل شوي وطلع
عزوز : لوين شفته راح
فارس وهو يناظر لبرا الخيمة: من هناك
ناظر عزوز للجهه الي ياشر لها وركض يدور فيها ، ابتسم فارس وهو يشيل الفرش من على اسامه الي طلع وهو يبتسم لانه ما كشفه وركض يحضنه : شكرا خالو فاغس
فارس : هههه فديت حبيب فاغس أنا
راح يركض برا الخيمه وخرج وراه فارس الي لقى هبد من العيال الي حاسدينه بسبب نومه المتاخر....
.