((((((((مفيش رحمه ))))))
#لولو_محمد
الحلقه التاسعه و العشرون
رحيم / المفروض انى اختار بين انى اكون مع رحمه و بين انى اكون اب صح
عفاف / انا شجعت الحب ده لانى عارفه انك عمرك مهتجرحها
رحيم / مفكرتيش فيا يا تيته مفكرتيش فى رحمه اى كان قرارى
عفاف / رحمه متعرفش
رحيم / مهو اكيد هتعرف مهو لو سبتها هتقولولها سابك ليه عشان هو عيل واطى و لا هتقوليلها ايه
عفاف / اهدى يا رحيم
.........
عالباب اوضه عفاف
عبير واقفه تتسنط و رحمه تفتح باب اوضتها
رحمه / بتعملى ايه يا عبير
عبير / ياخبر
رحيم يفتح الباب
عبير / عن اذنكوا
عبير تجرى عالصاله تخبط فى زينب و هى داخله الشقه و رحيم طلع ورا عبير
رحيم / هى حصلت انك تتسنطى عالابواب
عفاف / اهدى يا رحيم حصل خير
عماد / هو فى ايه
عبير / انا مقصدتش ماشى انا كنت داخله اسلم على تيته عفاف سمعتكوا بالصدفه
زينب / سمعت ايه
عبير / مسمعتش حاجه انا جايه مالسفر تعبانه عن اذنكوا
عبير تمشى
زينب / هو فى ايه
عماد يبص لرحيم
عماد / انا كمان هطلع اريح شويه عن اذنكوا
عماد يمشى و عفاف تتهبد عالكنبه و رحيم يبصلها
رحمه / هو فى ايه
رحيم / مفيش عن اذنكوا ثوانى
رحيم يطلع ورا عماد
محمود / ماما هو فى حاجه
عفاف / لا مفيش باذن الله مفيش حاجه
زينب / هو ايه اللى مفيش دانتى وشك مخطوف خالص
.............
فى شقه عماد
عماد/ ممكن تحكيلى ايه اللى حصل
عبير / انا معرفش ايه اللى حصل
عماد / انتى بجد كنتى بتتسنطى على اوضه تيته
عبير / مكنش قصدى انا كنت لسه هخبط و صوتهم كان عالى
عماد / يعنى اتصنتى
عبير / مش ده المهم المهم اللى سمعته
رحيم يخبط على باب الشقه
عبير / دا يا رحيم يا تيته عفاف
عماد يبصلها باستغراب و يروح يفتح الباب
رحيم / ممكن ادخل
عماد / طبعا
عبير / بص انا مسمعتش حاجه
رحيم / ميفرقش معايا بس لو فيوم الكلام ده لو طلع بره اقسم بالله
عماد / كلام ايه يا رحيم
رحيم / حوار يخصنى لوحدى و ياريت تنبه على مراتك ماشى
عبير / انت بجد ناوى تكمل
رحيم / يعنى سمعتى
عماد / مهو انا مش طيشه هنا يا تفهمونى فى ايه ياما بقى انا مش مسؤل فى ايه يا عبير
عبير / رحمه مبتخلفش
عماد / ايه الكلام ده بجد يا رحيم
رحيم / معرفش دا كلام
عماد / طب فهمنى انت عرفت ازاى
رحيم / معرفتش يا عماد معرفتش انا لسه مش عارف
عماد / طب فهمنى
رحيم / بص انا لسه مش فاهم لما افهم هبقى افهمك بس ابوس ايدك الحوار ده ميطلعش بره انتوا اصلا مكنش المفروض تعرفوا
رحيم يفتح باب الشقه يلاقى امه واقفه
زينب / انا كان قلبى حاسس
رحيم / ماما
زينب / انا كان قلبى حاسس
زينب تنزل و رحيم و عماد و عبير ينزلوا وراها جرى يدخلوا شقه حياه
زينب / هو ده العشم يا محمود هى دى اخرتها يهون عليك ابنى
محمود / هو فى ايه يا زينب
زينب / استعبط ياخويا استعبط
عفاف / اسكتى يا زينب اسكتى
زينب / اسكت ليه عشان اسيبك تغسلى دماغ ابنى و تدبسيه التدبيسه السوده دى
حياه و رحمه يطلعوا مالمطبخ جرى
محمد/ زينب احترمى نفسك
زينب / مصيبه لتكون انت راخر عارف و موالس معاهم
محمد / هو فى ايه يا زينب متقفى معوج و تتكلمى عدل فى ايه مالك
زينب / فى ان اكفى القدره على فمها تطلع البت لامها
رحيم / ابوس ايدك يا ماما اسكتى
رحمه / هو ايه اللى تسكت هو فى ايه
عفاف / انا الغلطانه انا الغلطانه
زينب / مصعبش عليكى حفيدك و انتى بتدبسيه و لا حبك لرحمه عماكى
حياه / هو فى ايه بالظبط يا زينب متجيبى مالاخر فى ايه انتى جايه تتخانقى وخلاص
زينب / انتى هتعمليهم عليا يا وليه دا حتى على راى المثل اكفى القدره على فمها تطلع البت لامها
رحيم / ادخلى جوه يا رحمه
رحمه / ليه فى ايه مينفعش اعرفه
عفاف / مفيش حاجه يا حبيبتى متسكتى بقى يا زينب
زينب / يالهوتاااااى اللحقونى يا ناس اللحقونى
محمد يروح يمسك مراته
محمد / كفايه بقى قدامى عالبيت
زينب / بتبيع ابنك يا محمد ان كنت انت هترميه انا مش رمياه انا معنديش استعداد ارمى ابنى
محمد / ترمى ابنك فى ايه يا زينب فى ايه انطقى
زينب / هى محتاجه شرح مقولتلك اكفى القدره على فمها تطلع البت لامها خطيبه ابنك مبتخلفش
رحمه / ايه
رحيم / دا مش حقيقى
حياه / انتى عرفتى منين
رحمه / ماما ده حقيقى
حياه / لا طبعا مش حقيقى
عفاف / منك لله يا زينب انتى و عبير منكوا لله
عبير / و انا مالى
عماد / اطلعى فوق يا عبير
زينب / لا بس ايه لعبتوها صح سحبتوا الواد من حضنى و هو صغير و رميته عليه البت لما وقعته كل ده عشان تضمنوا انه عمره مهيسيبها
عفاف / اخرسى بقى يا شيخه حرام عليكى بقى
محمد / الكلام ده حقيقى يا محمود
محمود قاعد ساكت
محمد / رد عليا يا محمود الكلام ده حقيقى
محمود يزعق / معرفش
محمد / يعنى ايه متعرفش
محمود / يعنى معرفش ياخى معرفش ارحمنى بقى
محمود يجى يدخل جوه يلاقى رحمه واقفه فى وشه بتعيط
رحمه / هو انا مبخلفش يا بابا
محمود / معرفش
محمود يبعدها و يدخل جوه
عفاف / الدكتور قال لمحمود و انتى فى شهرك التانى فى بطن امك انك لازم تنزلى عشان لو جيتى بنت مش هتخلفى
زينب / يلااااااااااهوى اهو
محمد / اسكتى يا زينب
عفاف / محدش كان عارف انها هتيجى بنت
حياه / و مقولتلوليش ليه
عفاف / خفنا عليكى انتى كنتى محتاجه البيبى ده و محمود كمان كان محتاجه
رحمه تجرى على اوضتها و رحيم يمسكها
رحيم / و انا كمان كنت محتاجه
رحمه تبصله و تجرى على اوضتها و حياه تجرى وراها
زينب / انت عاوز تشلنى يا رحيم
رحيم / انا بحب رحمه و اى كان بتخلف او لا عمرى مهسيبها
زينب / ليه يابنى هو انت باير ليه ترمى نفسك رميه زى دى
رحيم / لو مكنش كل ده حقيقى و بعد متجوزتها طلعت مبتخلفش كنت هسيبها
زينب / و ايه يجبرك مثنى و ثلاث و رباع و ده حقك
رحيم / و لو انا اللى مبخلفش هتسبنى
زينب / لا انت زى الفل انا عيالى زى الفل
.............
رحيم / دى حياتى و انا حر فيها و انا بختار رحمه
زينب / يانا يا البت دى فى حياتك يا رحيم
رحيم / متبقيش قاسيه
عماد / عندى فكره
عفاف / قول
عماد / احنا نروح لدكتور و اتنين و تلاته و اهو نطمن على رحمه
رحيم / خد عبير و اكشف عليها الاول
زينب / يا ميله بختك يا زينب يا ميله بختك يا زينب
عماد / موافق
رحيم / ولو طلعت عبير مبتخلفش او عندها مشكله هترميها فى الشارع يا عماد
عماد / اكيد لا بس على الاقل لو فى علاج نلحقه بدرى
رحيم / و انا موافق و اللى هيمشى على عبير همشى على رحمه
زينب / انا فى بيتى و البيت ده مش دخلاه لحد معرف نتيجه التحاليل و اطمن على ابنى
زينب تمشى
عفاف / انا الغلطانه يا عينى عليكى يا بنتى
رحيم يروح يقعد جنبها
رحيم / رحمه زى الفل انا متاكد
عفاف / خشلها يا رحيم هى مش محتاجه حد فى الدنيا قد ممحتاجاك دلوقت
رحيم يهز راسه و يدخل لرحمه اوضتها
..............
فى اوضه رحمه
حياه / انتى بتعيطى ليه محدش له عندك حاجه
رحمه / انا كان نفسى اكون ام
حياه / و مين قالك بس انك مبتخلفيش هو الدكتور ده يعنى كان ربنا و لا بيعرف الغيب
رحمه / رحيم هيسيبنى يا ماما رحيم هيسيبنى
رحيم يدخل
رحيم / دا مين ده اللى يسيبك
رحمه تقوم تقعد
رحمه / حتى لو طلع كلامهم صح
رحيم / هو انا ممكن استفرد ببنتك شويه يا ماما حياه و لا مينفعش
حياه تقوم تقف و تطبطب على كتف رحيم و تطلع بره رحيم يقفل الباب و يقعد جنب رحمه عالسرير و يخدها فى حضنه رحمه تعيط
رحيم / انا لو عيالى مش منك مش عاوزهم
رحمه / انت بتقول كدا بس
رحيم / لا بتكلم جد اللى خلى عموا محمود يصبر عشر سنين كاملين لحد مربنا يهاديه بيكى انا يعنى مش هصبر طب دانا حبى ليكى اضعاف حب عموا محمود لماما حياه
رحمه / بس انا عاوزه اكون ام يا رحيم انا عايشه بحلم اكون ام
رحيم / بكره ربنا يرزقك و تبقى احلى ام فى الدنيا و بعدين لو ربنا مرزقكيش متنسيش بشرى احنا وعدناها لما نتجوز هنجيبها و تعيش معانا
رحمه / الناس مش هترحمنى محدش هيسيبنى فى حالى
رحيم / انا هحميكى مالدنيا انا مش هسمح لحاجه تدايقك انسى الناس و انسى كلامهم مبيبطلوش كلام و مدام انا جنبك هتعوزى ايه تانى
رحمه / مش هعوز يا رحيم انت عندى بالدنيا
رحيم / و انا عمرى مهسيبك يا رحمه عمرى
...............
فى اوضه حياه
حياه / ليه مقولتليش
محمود / مش ناقص يا حياه
حياه / كان من حقى اعرف كان من حقى اختار
محمود / كنتى هتختارى ايه
حياه / كنت هنزلها
محمود / و عشان كدا مقولتلكيش مكنش ينفع اسيبك تقتلى الحلم اللى استنيناه عشر سنين مكنش ينفع اسيبك تقتلى الفرحه اللى ملت البيت و عملتلنا حس فى الدنيا
حياه / لا يا محمود انت كدا انانى
محمود / انانى لما حميتك من مضايقه الناس ليكى كل شويه عشان الخلفه
حياه / و تظلم بنتك
محمود / انا مظلمتهاش انا مؤمن بربنا و هو اللى بيرزق
حياه / انت كنت عارف ازاى هعيش و انا عارفه ان بنتى هتعانى زى مانا عانيت و بسببى ازاى
محمود / هى زى الفل انا متاكد ان بنتى مفيهاش حاجه انا بس مش عارف ليه ماما قالت لرحيم
حياه / دلوقت فهمت ليه ماما كانت بتحب رحيم اوى كدا و بتشجعه على علاقته برحمه دلوقت فهمت ليه كانت بتقف لينا كل منحاول نحط بينهم حدود
محمود / عشان شافت فيه الامان لرحمه
حياه / انهى امان و حماتها هى نفس السلفه اللى عذبتنى سنين انت نسيت كانت بتعمل فيا ايه كانت بتصبحنى بتقطيم و يتنيمنى معيطه
محمود / افهمى بنتك مفيهاش حاجه و بعدين الطب اتقدم دلوقت عن زمان و الوضع كلو اتغير
حياه / انا خايفه يا محمود خايفه اوى
محمود / اسمعى يا حياه انتى ست مؤمنه و لازم تفضلى مؤمنه ربنا اللى رزقنا برحمه و هو اللى هيرزقها
حياه / و نعم بالله بس هى لسه صغيره اوى عالكلام ده متفهموش
محمود / بيتهيالك بنتك مش صغيره و لا ضعيفه بنتك قويه و مؤمنه و بتحب
حياه / من امتى و انت متاكد ان رحيم هو المناسب لرحمه من امتى و انت بتشجعه مش كنت خايف عليها فى اسكندريه
محمود / انا لو مكنتش واثق ان رحيم بيحبها مكنتش سمحتله تحت اى ظرف يقرب من بنتى مكنتش هجازف و لو لحظه بمشاعرها و قلبها
حياه / انا خايفه يا محمود
محمود/ متخافيش ربك كريم
...........
ف بيت زينب
زينب / ادى اخوك اللى كنت طاير بيه فى السما و بتقول انه ضهرك و سندك فى الحياه
محمد / اسكتى يا زينب
زينب / شوفت عمل ايه باعك و باع ابنك عشان خاطر بنته ليه مقالكش مالاول ان بنته عندها مشكله
عماد / رحمه معندهاش مشكله على الاقل لسه متاكدناش
زينب / ولو اتاكدنا يا سى عماد هيفرق فى ايه بعد متعلق بيها
عماد / احنا اتفقنا انى هاخد عبير و رحمه و نروح نكشف عليهم
عبير / و انا مالى
زينب / صحيح و عبير مالها
عماد / اللى يمشى على رحمه يمشى على عبير
عبير / انت بتتكلم جد يا عماد
عماد / انا بحبك و عمرى مهسيبك مهما كانت الظروف و رحيم كمان عمره مهيسيب رحمه
محمد / الله يعينه محمود شال الهم ده فى قلبه سنين
زينب/ انت صعبان عليك محمود و مش صعبان عليك رحيم اللى بايد اخوك هيشوف مصيره مش صعبان عليك ابنك يتحرم من انه يكون اب عشان خاطر بنت اخوه معيوبه
محمد / رحمه مش معيوبه زى محياه مكنتش معيوبه دى كلها ارزاق من ربنا
زينب / و هى الست ايه غير بطن تحمل و تولد
عماد / لا يا ماما الست اكبر من كدا بكتير لو كان زى مبتقولى الست بطن بس يبقى كان المفروض كل الرجاله تكشف على مراتاتها قبل الخطوبه عشان يطمنوا قبل ميتعلقوا بيهم لكن الست سكن لزوجها تشيل همه و تخفف عنه
زينب / و تحمل فى عياله و تربيهم هو فى هم للراجل اكبر من انه معندوش عزوه و لا سند
عماد / ميمكن الراجل يكون هو اللى مبيخلفش
زينب / انا ولادى زى الفل
عماد / احمدى ربنا يا ماما على رزقك و رزق ولادك رحمه نعمه من ربنا هى قلب ابنك و سعادته متجبريهوش يختار بينك و بينها
زينب / انا مبخيروش بينى و بينها انا بخيره بين انه يعيش طول عمره يبص على العيال فى احضان غيره و هو مش طايلهم و بين انه يعيش طبيعى مع واحده تانيه سليمه
عماد / و يفيد بايه انه يشيل عيال من واحده مهواش مرتاح معاها مبيحبهاش
زينب / الحب بيجى بالعشره
محمد / الحب الحقيقى مبيتنسيش يا زينب و اللى بين رحيم و رحمه اكبر من مجرد حب اطفال
زينب / بكره ينساها لما تخرج من حياته هينساها
عماد / و هتخرجى بنت عمه اللى قدامه طول الوقت من قلبه ازاى يا ماما
زينب / منك لله يا محمود منك لله
محمد / ارحمينى بقى انتى ايه مبتتعبيش
زينب / ارحمك هو كان حد فيكوا فكر يرحمنى و لا يرحم ابنى ابنى اللى فضلت ساكت و هما بياخدوه من حضنى و ينصبوله الخيه
محمد / كان برضاكى و ابنك مش صغير و عارف الصح مالغلط كويس اوى
زينب / لا صغير لما يبقى مش عارف ان وجوده مع رحمه معدش ينفع يبقى صغير
عماد / بكره نروح لدكتور و نكشف بكره نطمن كلنا و من هنا لبكره يحلها الف حلال
زينب / ولو طلعت مبتخلفش يسيبها عبير نفسها لو طلعت مبتخلفش هتسيبها
عبير / وماله انا هكشف بس فى الاول ابنك كمان يكشف بس بعد ايه بعد متجوزته و اتحسب عليا جوازه لو طلع مبيخلفش دلوقت هسيبه ازاى
زينب / احترمى نفسك انا عيالى ميتعيبوش
عبير / فعلا عيالك رجاله بس للاسف فيهم عيب كبير اوى
زينب / و ايه هو ان شاء الله
عبير / يعيبهم انك امهم عن اذنكوا انا فى شقتى
عبير تمشى
زينب / عاجبك كلام مراتك يا عماد البت دى متعدش فى بيتى ثانيه
محمد / البت مش فى بيتك البت طلعت وراحت بيتها يا زينب
زينب / انت هتشلنى
محمد / انا هروح اطمن على عيالى بدل متشل هنا
................
فى شقه عبير
عبير / طبعا جاى تعاتبنى على اللى قولته لمامتك مش كدا
عماد / لا
عبير / ياريتنى مدخلت انادى لتيته عفاف ياريتنى مسمعت حاجه
عماد / مكنتش غلطتك مش انتى اللى نقلتى الكلام ربنا كان عاوز كدا
عبير / انا مش مصدقه احنا حتى ملحقناش نغير هدوم السفر كان النكد كان قاعد على باب البيت مستنينا
عماد / الحمد لله على كل حال
عبير / انت ازاى بارد كدا
عماد / انا مش بارد انا تعبان
عبير / امال انا ايه
عماد / خلاص لو تعبانه اهدى و ارتاحى
عبير / لو انا مبخلفش هتسيبنى
عماد / لا طبعا ايه الهبل ده
عبير / بس لو انت طلعت مبتخلفش هسيبك على فكره
عماد / حقك محدش يقدر يلومك
عبير / مش هسيبك عشان مبتخلفش هسيبك عشان امك متتعاشرش
عماد / فى الاول و الاخر امى هى اللى ولدتنى و ربنتى هى اللى عملتنى راجل و هى اللى باديها سلمتنى ليكى
عبير / انا اضعف بكتير من انى استحمل الضغط ده
عماد / احمدى ربنا انك مش مكان رحمه
عبير/ و مين قالك انى مش مكانها مين قالك ان وضعى فى اللحظه دى احسن منها لا يا استاذ انا وضعى اسوء انا هبقى مطلقه لكن هى لسه عالبر
عماد / اى كان نتيجه الاختبار ميفرقش معايا
عبير / امال بتعمله ليه ليه متستناش اختبار ربنا الحقيقى و نفرح كلنا بالنتيجه
..............................
