(((((((مفيش رحمه )))))
#لولو_محمد
الحلقه الثلاثون
عماد / فى الاول و الاخر امى هى اللى ولدتنى و ربنتى هى اللى عملتنى راجل و هى اللى باديها سلمتنى ليكى
عبير / انا اضعف بكتير من انى استحمل الضغط ده
عماد / احمدى ربنا انك مش مكان رحمه
عبير/ و مين قالك انى مش مكانها مين قالك ان وضعى فى اللحظه دى احسن منها لا يا استاذ انا وضعى اسوء انا هبقى مطلقه لكن هى لسه عالبر
عماد / اى كان نتيجه الاختبار ميفرقش معايا
عبير / امال بتعمله ليه ليه متستناش اختبار ربنا الحقيقى و نفرح كلنا بالنتيجه
..............................
عماد / عشانك عشان اشيل من عليكى ضغط رهيب هيبدا من بكره
عبير / مش فاهمه
عماد / الكل دلوقت عينه عليكى رحمه زى مقولتى عالبر محدش يقدر يثبت انها بتخلف او لا و لو الدكتور بكره قال مفيهاش حاجه الكل عينه هتيجى عليكى كانوا عايزين رحيم يسيب رحمه لمجرد انهم فكروا انها مبتخلفش مبالكوا اللى اتجوزت و لو محملتيش على طول كل يوم هيعدى عليكى هتتحطى فى ضغط اكبر
عبير / قوم ايه نكشف عليها و نشوف
عماد / وقوع البلا و لا انتظاره طلعتى بتخلفى هيتعملك فرح و محدش هيكلمك و هتعيشى راسك مرفوعه فوسط الكل
عبير / ولو طلعت عندى مشكله
عماد / يبقى رحمه من ربنا اننا نلحقها بدرى و نشوف علاج
عبير / ولو مفيش
عماد / يبقى قضاء ربنا و انا راضى
عبير / بالبساطه دى يا عماد
عماد / ياما رجاله و ستات عاديين و سلام و محدش فيهم فيه حاجه و ربنا مرزقهمش بالخلفه و راضين لو هى اتجوزت غيره تخلف و لو هو اتجوز غيرها يخلف بس مسابوش بعض عشان عشرتهم مع بعض منغير عيال ارحم بكتير من عشرتهم مع غيرهم بعيال
عبير / توعدنى يا عماد
عماد / اوعدك ان عمر مموضوع الخلفه هيفرق بينا اى كان نتيجه التحاليل و الكشف و اى كان اللى هيحصل بعد كدا
................
فى شقه محمود
محمد / ليه مقولتليش
محمود / اقولك ايه اذا كنت انا مش متاكد
محمد / هان عليك رحيم يا محمود
محمود/ انت اللى بتقول كدا
محمد/ انا اسف بس انا فى الاول و الاخر اب
محمود/ و انا كمان اب و بنتى مموته نفسها مالعياط جوه عارف مين اللى جنبها رحيم هو الوحيد اللى نصفها هو الوحيد اللى سندها لما الكل رفع عليها الحد لما الكل سنوا سكاكينهم عليها من حتى ميتاكدوا هو الوحيد اللى رحمها
محمد / عشان بيحبها
محمود/ و انت مبتحبهاش مش دى بنتك اللى مخلفتهاش مش دى اللى كنت بتقول عليها هديه من ربنا ليك قبل متكون لابنك مش دى اللى قولت انك اتمنيت ان ربنا يرزقك ببنت فرزقك برحمه
محمد / و مفيش حاجه اتغيرت
محمود/ امال جاى تعاتبنى ليه كنت عاوزنى احكم عليها بالموت من قبل متتولد كنت عاوزنى اموت الفرحه اللى عشت عشر سنين مستنيها كنت مستنى منى ايه مكنش عندكوا اسهل من اتجوز يا محمود اقتل مراتك بايدك يا محمود و اتجوز عشان تخلف مراتك اللى مكنتش بتسيب مناسبه الا لما تنكد علينا فيها عشان حاجه ملناش اى دخل فيها
محمد / اهدى يا محمود
محمود/ اهدى انا كنت مستنى الكلام ده من اى حد غيرك كنت مستنى العتاب ده من اى حد غيرك عشان كنت فاكرك حاسس بيا و فاهمنى
رحمه و رحيم يطلعوا مالاوضه و عفاف و حياه يطلعوا بعديهم
محمود / اهى قدامك اهى يا محمد قولها
محمد / انا معنديش فى الدنيا اغلى منك يا رحمه و لا حتى ولادى اللى من صلبى و لا حتى حياتى
محمود يسكت و يبصله
محمد / ايوه يا محمود رحمه عندى بالدنيا عشان انا كمان كنت بعد الايام و الليالى عشان تيجى الدنيا و فرحتى بيها كانت اكبر بكتير من فرحتك و ان كنت بتحايل عليك تتجوز كان هدفى الوحيد انى اشيل عيالك اللى هما عندى اغلى من عيالى
عفاف / كفايه يا ولاد كفايه ابوس اديكوا
محمد / انا عاتبتك عشان خبيت عنى عشان مخدتش رايى
عفاف / قولت كفايه
محمود/ كان هيغير ايه رايك كنت هتبعد رحيم عنها و لا كنتوا هتحكموا عليها بالذل من يومها
عفاف تحط ايدها على قلبها و تقع فى الارض
رحيم / تيته تيته
..........
فى المستشفى
الكل واقف ماعدا زينب و الدكتور يطلع مالاوضه الكل يجرى عليه
الدكتور / ايه ايه اهدوا بالراحه الحاجه زى الفل مفيهاش حاجه اطمنوا
محمود / ممكن اشوفها
الدكتور / اكيد بس ياريت محدش يتعبها بالكلام
محمد/ مش هنتعبها يا دكتور مش هنتعبها خالص
رحمه / احنا فى المستشفى
رحيم / و دى فيها ايه
رحمه / مفيش سبب نستنى لبكره انا عاوزه اكشف دلوقت لو ينفع
حياه / نطمن على جدتك الاول و بعدين نكشف
رحمه / لا انا هكشف الاول ده اللى هيطمن جدتى
عماد يبص لعبير
عبير / و انا هكشف قبلك
رحمه تبص لعبير
عبير / ايه مستغربه ليه انا و انتى فى مركب واحده يا نعدى كلنا يا نغرق كلنا
محمود يبص لحياه
محمود/ روحى معاهم يا حياه انا هدخل انا و محمد نقعد جنب ماما
..............
فى عياده النسا
الدكتوره / انا مش فاهمه سر التوتر اللى على وشكوا كلكوا الاتنين سلام مفيهمش اى حاجه خصوصا رحمه مش كدا مش رحمه برده
حياه / حضرتك متاكده
الدكتوره / طبعا الرحم و المبايض فى مكانها و بتشتغل زى الفل و مش شايفه اى مشكله عندهم
عبير / و انا
الدكتوره / مفيش اى مشاكل
عبير / الحمد لله
رحمه / و ماما حامل فيا الدكتور كان عاوز يسقطنى عشان مش هخلف
الدكتوره / انا معرفش هو شاف ايه فى السونار بس يمكن الجهاز كان بايظ او شخص غلط هو حضرتك والدتها
حياه / ايوه
الدكتوره / كان عندك اى مشاكل فى الخلفه
حياه / ايوه كان عندى مشاكل فى المبايض
الدكتوره / هو غالبا كان خايف بنتك تطلع زيك بس انا مش شايفه اى مشكله الحمد لله البنت كويسه و زى الفل
رحيم / الحمد لله
الدكتوره / شكلك انت العريس
رحيم يهز راسه
الدكتوره / الحاله النفسيه اهم عامل من عوامل الحمل او بمعنى ادق الحفاظ عليه يعنى لازم توفر لعروستك الراحه النفسيه و تبعدها عن اى ضغوط و الكلام للعروسه التانيه
عماد / اكيد يا دكتوره
الدكتوره / نورتونى و باذن الله الزياره الجايه نديكوا بشاره النونو مع السلامه
حياه / شكرا يا دكتوره
.............
فى اوضه عفاف
عفاف / فين رحمه
محمود/ بره احنا قولنا منخليهمش يدخلوا كلهم و يتعبوكى
عفاف / انا راحتى فى رحمه ناديها
محمود/ ماما انا عايش مسنود عليكى ارتاحى
عفاف / اوعى تخلى حد ياذيها و لو حتى بنظره رحمه دى احلى هديه من ربنا اوعى يا محمود
محمد/ محدش يقدر يجرحها او يلمش شعره منها رحمه دى بنتى يا امى
عفاف تهز راسها و ترتاح عالسرير و ثوانى والباب يخبط و يتفتح و يدخل الباقيين محمود و ومحمد يقوموا يقفوا مستنين النتيجه
رحيم / زى الفل مفيهاش حاجه
محمود يسجد فى الارض يشكر ربنا و محمود ينزل وراه و بعدين رحيم و بعدين عماد
عفاف / هو فى ايه يا ولاد
حياه / رحمه و عبير زى الفل يا ماما احنا كشفنا عليهم و الدكتوره هنا طمنتنا
عفاف / احمدك و اشكر فضلك يا رب انا كانت عارفه ان ربنا رحيم كنت عارفه ان ربنا مفيش ارحم و لا احن منه ياما انت كريم يارب
محمود يقوم من عالارض يحضن بنته
محمود / انا عمرى مكنت هعمل حاجه تضرك
رحمه / عارفه يا بابا ربنا يخليك ليا و ميحرمنيش منك ابدا
رحيم / طب احنا المفروض نحتفل بالخبر ده بقى
محمد/ دانا هدبح عجل و افرقه عالناس
عبير / عجل ليا و لا لرحمه بقى يا بابا
محمد/ و هو انتى اقل منها نخليهم عجلين
عماد/ يلا خلى الناس تاكل و تدعيلنا
رحيم / ادبحوا براحتكوا بس مكنش ده قصدى
محمد/ امال قصدك ايه
رحيم / اكتب كتابى على رحمه انا عاوزها تبقى مراتى النهرده قبل بكره
محمود/ الموضوع معدش بالبساطه دى يابنى
رحيم / هو عشان اطمنت على بنتك هتقلب عليا و لا ايه يا عموا
عفاف / يخيبك يا رحيم والله مقادره ادحك
محمود/ انا معنديش فى الدنيا اغلى منكوا انتوا الاتنين
عماد/ لا انا كدا ازعل
محمود/ و انت كمان يا رخم
رحيم / امال ايه المشكله بقى مخير البر عاجله و تجوزنى البت دى و اديك ميت بجره
محمود/ والدتك يا رحيم لازم توافق عالجوازه دى
رحيم / و ماما هترفض ليه بعد مطمنا على رحمه
محمود/ يبقى ننقلها البشاره و نطمن الاول انا عمرى مهسمح انى اوقع بينك و بين امك حتى لو على عشان خاطر بنتى
....................
فى البيت
زينب قاعده على السرير و قافله عليها الباب رحيم و عماد يدخلوا
زينب / اخبار ستكوا ايه
رحيم / كويسه الحمد لله انتى عامله ايه
زينب / انا كويسه المهم عندى انت
عماد / احنا كشفنا على رحمه و عبير و الدكتوره قالت انهم كويسين مفيهومش حاجه
زينب / معدش يفرق معايا
رحيم / مالك يا ماما
زينب / بصوا انا زهقت و تعبت اللى عاوز يعمل حاجه يعملها و اللى عاوز يشيل الطين يشيله انا مالى انا خلاص عملت كل اللى عليا رضعت و غيرت و اكلت و كبرت و فى الاخر خدت ايه
عماد / ليه بتقولى كدا يا ماما
زينب / انا خلاص قررت انا هعيش اليومين اللى فاضلينلى لنفسى و كل واحد بقى يعتمد على نفسه و الحمد لله كل واحد فيكوا عندوا اللى تخدمه و تاخد بالها منه انا كدا عدانى العيب و زياده
محمد يدخل
زينب / ازيك يا محمد تحب احضرلك العشا
محمد / كتر خيرك مش عاوز اتعبك
زينب / طب انا هنام بقى تصبحوا على خير
محمد / و انتى من اهله
عماد يبص لرحيم و يطلعوا بره من سكات
محمد / مكنش العشم يا زينب والله مكنش العشم
زينب / والله الحال من بعضه يا محمد
محمد / كنت فاكر انك هتبقى معايا وقت ضعفى هتسندينى
زينب / على حساب مين يا محمد من يوم مدخلت البيت ده و انا بفحت و اردم و بشتغل بنى و مناول عشان خاطر مين مش عشانك شلت امك على راسى تسع سنين مكنتش بخليها تحط ايدها فى قشايه و اول محياه حملت جريت عليها و بقت بتعملها و تشيل و تحطلها و مع اننا احنا الاتنين كنا حوامل حياه كانت البريموا انا جبت واد بس محدش فرحلى الكل فرح برحمه لكن ابنى عادى
محمد / دانتى معبيه بقى
زينب / و هو كان عمر حد سمعنى و لا حد هيسمعنى
محمد / انا بسمعك اهو
زينب / مانا ياما حكيت ولا حد عبر عاوزين تاخدوا رحيم خدوه عاوزين تحرموه من انه يكون اب و تحرمونى انى اشيل احفاده احرمونى انا اصلا مش فارق معايا
محمد ياخدها فى حضنه
محمد / محدش هيحرمك من حاجه رحمه كويسه مفيهاش حاجه الدكتوره كشفت عليها و طمنتنا
زينب / ماشى
محمد / انا امى فى المستشفى يا زينب امى كان ممكن تروح منى النهرده
زينب / معلش
محمد / كنت فاكرك هتقفى جنبى فى المستشفى تسندينى و تاخدى بخاطرى لحد مطمن عليها
زينب / هى عامله ايه
محمد / كويسه هتفضل فى المستشفى لحد منطمن عليها و بعدين تروح
زينب / لوحدها
محمد / لا حياه و محمود معاها و رحمه روحت معانا
زينب / حقك عليا انا كنت زعلانه منها
محمد / انا امى عمرها مهتاذى رحيم او تعمل حاجه تضره
زينب / ماشى
محمد / لا مش ماشى امى بتحب رحيم اكتر منى و من محمود
زينب / ماشى قولت ربنا يديم المحبه
محمد / عاوزها لما ترجع تلاقيكى بتستقبليها عاوزك الصبح تروحى تزوريها و تاخديلهم معاكى لقمتين حلوين من اديكى الحلوه
زينب / ان شاء الله ربنا يسهل
...............
فى شقه عماد
عبير / كان يوم طويل اوى انا مش مصدقه انه اخيرا هيخلص
عماد / ولا انا بس على الاقل خلص على خير كان ممكن يكون اسوء
جرس الباب يرن عماد يفتح يلاقى رحمه
رحمه / عبير صاحيه و لا نامت
عبير / لا صاحيه خير
رحمه / ممكن كلمتين على انفراد
عماد/ طب انا هدخل اجيب البتاع اللى بصوا انا هتوزع شويه لما تخلصوا كلام نادونى
عماد يدخل و يسمع الحوار من جوه
عبير / خشى
رحمه / مره تانيه انا جايه اقولك شكرا
عبير / شكرا
رحمه / ايوه شكرا انك مقولتيش لحد على اللى سمعتيه و شكرا انك محاولتيش تقفى ضدى و شكرا انك كشفتى معايا عند الدكتوره ووقفتى جنبى
عبير / انا كنت بس ...
رحمه / انا بس حبيت اشكرك انا هنزل انام بقى سلام
رحمه تنزل و عبير تقفل باب الشقه و عماد يطلع من جوه
عماد / شوفتى يا ستى
عبير / انا بجد تعبانه و عاوزه انام
عبير تدخل جوه و تسيب عماد
...............
عالسلم
رحيم / ها شكرتيها و ارتاحتى
رحمه / ايوه انا داخله انام بقى تصبح على خير
رحيم / انتى هتنامى فى الشقه لوحدك
رحمه / مش مشكله
رحيم / طب متيجى تنامى فى اوضتى و لا فى اوضه عماد على الاقل تبقى متونسه بينا
رحمه / خايفه ادايق طنط زينب
رحيم / نامت خلاص روحى روحى غيرى هدومك و تعالى انا واقف مستنيكى
............
فى اوضه زينب
رحيم يفتح الباب بالراحه و يدخل
رحيم / بابا بابا رحمه هتنام فى اوضتى بدل متنام فى الشقه لوحدها و انا هنام مكان عماد
محمد يصحى شويه
محمد / فكره كويسه بس روح انت نام مكانها عشان انت فاهم
و يحرك راسه ناحيه زينب و هى نايمه
رحيم / كويس برده انك نبهتنى لحسن محدش فينا قادر لمشكله جديده
...........
فى اوضه رحيم
رحمه تنام مكانه فى السرير و رحيم يتصل بيها
رحيم / ايه الاخبار عندك
رحمه / ايه السرير الصغير انت بتنام فيه ازاى ده
رحيم / ده 120 سم مش عاجبك طب دانا بفضل واخده بالطول و العرض و بعدين مش احسن من سريرك دانا حاسس انى فى محل دباديب
رحمه / دباديبى وحشونى والله اوعى تبهدل الاوضه انت فاهم
رحيم / تعرفى لما نتجوز انا هخلى عماد يصمم اوضه النوم السرير متر واحد بس
رحمه / وماله انام انا عليه و انت تنام عالكنبه بره ايه الهبل ده
رحيم / مانتى مش فاهمه التركه
رحمه / فهمنى يا سيدى
رحيم / عشان تبقى فى حضنى طول الوقت مانا مقعدتش عشرين سنه و انا مستنى و فى الاخر تروحى تنامى فى طرف السرير طب دا حتى ميرضيش ربنا
رحمه / دا تفكير ضيق اوى انا بقى بفكر نخلى السرير تلاته متر
رحيم / ليه الافتره ده ليه هو العيله كلها هتنام معانا فيه و لا ايه
رحمه / ههههههههههه لا يابنى عشان لما نتخانق نبقى سايبين مساحه و نفضل جنب بعض فنتصالح مش احسن متروح اوضه تانيه و لا تنام فى الصاله و المسافه بينا تكبر
رحيم / و ليه اصلا نتخانق و لا حتى ليه يبقى فيه مسافه بينا
رحمه / لازم تكون منطقى هو فى اتنين فى الدنيا مبيتخانقوش اكيد فيوم مالايام هنتخانق
رحيم / متيجى نتمرن
رحمه / هههههههه نتمرن
رحيم / اه نجرب كدا نتخانق و نشوف هيبقى شكله ايه
رحمه / مكفكش سنه كامله ضاعت من عمرى بسبب عندك
رحيم / عندى انا و لا انتى اخرج من حياتى هبله اخرج من حياتك ازاى يا هبله اذا كنت انا اصلا حياتك
رحمه / يا راجل لا واثق من نفسك
رحيم / تنكرى
رحمه / لا منكرش الصراحه انت مش بس حياتى انت عمرى و روحى و قلبى و عنيا كمان
رحيم / ايوه بقى بلا خناق بلا قرف ادينى اكتر
رحمه / ههههههههههههههه لا كفايه عليك كدا لتتغر و محدش يعرف يكلمك
رحيم / طب مانا مغرور فعلا هو فى حد فى الدنيا بيعرف يكلمنى غيرك
رحمه / يا ولد
رحيم / مانا اصلى لازم اكون مغرور و انا بحب اجمل و ارق بنت فى الدنيا كلها
رحمه تسكت
رحيم / انتى دلوقت مبتسمه و ووشك احمر و مكسوفه و حاطه راسك فى المخده و حضناها صح
رحمه / عرفت ازاى
رحيم / هو فى مخلوق فى الدنيا فاهمك و حافظك زيى
رحمه / يخليك ليا
رحيم / و يخليكى ليا
رحمه / انا هستناك تصحينى الصبح
رحيم / تصبحى على خير
.................
تانى يوم الصبح
زينب تدخل تلاقى رحمه نايمه مكان رحيم تروح تقعد جنبها و تلعب فى شعرها رحمه تتقلب
رحمه / بس يا رحيم عاوزه انام
زينب / ياعينى عالحب و اللى عمله فى بنات الناس
رحمه تقوم مفزوعه و تقعد عالسرير
زينب / ايه ياختى مالك شوفتى عفريت و لا كنتى مستنيه خلقه احلى من دى طب دانا حتى احلى منه
رحيم يدخل
رحيم / طبعا يا ست الكل صباح الخير
زينب / صباح الخير ياخويا .... اهو عندك ياختى اشبعى بيه
زينب تروح للباب و تضير لرحمه
زينب / منوره يا رحمه
......................
اول يوم كليه
رامى / يا دين النبى كل ده حصل
رحيم / دا الملخص يابنى بس اللى مستغربه ان امى بقت لطيفه بزياده
رامى / ههههههههههههههههه فعلا التغيير المفاجئ ده مريب تحس انه السكون الذى يسبق العاصفه
رحيم / سكون سكون ياعم اهو الواحد ياخد راحه كام يوم من المشاكل اللى بتنزل على نفوخه زى المطره دى
رحمه و روقيه يدخلوا
رحيم / ها باركتوا للبشمهندسه عبير
...........................
