((((((مفيش رحمه ))))))
#لولو_محمد
الحلقه الرابعه و الثلاثون
عماد / اخبار اللى عندك ايه عرفوا حاجه
رحيم / لا بس تعبت تعالوا بسرعه بقى
عماد / جايين فى الطريق اهو انا كلمت عموا ابراهيم و قولتله علىا للى حصل و هو هيجهز كل حاجه عندك و ان شاء الله الدفنه هتبقى بعد صلاه العصر علاطول
رحيم / و تيته تيته يا عماد
عماد / مش عارف انا كلمت ماما هتجهز الشقه اللى تحت و عموا ابراهيم هيبعت الحانوتى و يكلم الفراشه و كل حاجه
رحيم / يووووه و تيته هتقولوا لتيته ازاى يابنى
..................
عماد / معرفش معرفش
رحيم / يعنى فجاه هتلاقيكوا داخلين عليها بجثه ابنها عادى كدا مفاجاه يعنى
عماد / استنى استنى دى بتتصل
رحيم / مين
عماد / تيته
رحيم / طب اقفل اقفل و كلمها
عماد / سلام
رحيم يقفل و يجى يقوم يضير يلاقى روقيه واقفه وراه
رحيم / ازيك يا روقيه
روقيه / هو مين اللى اتوفى
رحيم يبص فى الارض و يتنهد و يبص لروقيه
رحيم / ممكن تعتبرى نفسك مسمعتيش حاجه لحد بكره
روقيه / ليه هى حاجه زى دى بتستخبى
رحيم / اهو مؤقتا لحد منعرف نلاقى طريقه نوصل بيها الخبر
روقيه / ماشى اللى تشوفه
رحيم / شكرا
رحيم يطلع القاعه لرحمه و روقيه تمسك التليفون و تتكلم فيه
روقيه / الو ازيك يا زوزه البقاء لله
زينب / انتى عرفتى هو رحيم قالك
روقيه / مانتى عارفه رحيم مبيخبيش عنى حاجه كان شكله زعلان اوى فلما سالته قالى ان عندكوا حاله وفاه بس انا مسالتوش مين عشان مكنش عاوز رحمه و جدته يعرفوا
زينب / دا عمك محمود و مراته
روقيه / لا اله الا الله ابوها و امها الاتنين فيوم واحد اتاريه مش عاوز حد يعرف
زينب / ربنا يصبرها و يصبرنا كلنا
روقيه / و اخبار البشمهندسه عبير ايه اصلها مجتش فقولت اكيد نفسيتها وحشه اوى
زينب / والله يا روقيه كلنا نفسيتنا وحشه اصل عمك محمود ده كان راجل طيب و مبتطلعش منه العيبه
روقيه / البركه فيكى بقى يا زوزو مانتى كمان مبتطلعش منك العيبه
زينب / الله يخليكى
روقيه / هستاذنك بقى اقفل و على العموم لو عوزتى اى حاجه كلمينى
زينب / سلام
..............
فى القاعه
رحمه / منين مكنش ليك نفس تروح و منين دلوقت مصر تروح اوى كدا
رحيم / هو انتى خالف تعرف
رحمه / لا بس افهم فى ايه
روقيه تدخل القاعه و تروح تحضن رحمه
روقيه / البقيه فى حياتك
رحيم /يضغط على ايده
رحمه / فى مين
روقيه / هو محدش قالك
رامى يدخل
رامى / هو فى ايه
رحمه تبص لرحيم / انا مش فاهمه حاجه
رحيم / لازم نروح دلوقت عن اذنكوا
رحيم يشد رحمه و يمشى و هو بيبص لروقيه بغضب
رامى / هو فى ايه يا روقيه
روقيه / رحمه المسكينه ابوها و امها ماتوا امبارح بالليل
رامى / عشان كدا بقى رحيم مش فى المود و لا البشمهندسه عبير جت
روقيه / انا مكنتش اعرف انها متعرفش انا عرفت من طنط زينب مامه رحيم كلمتنى و قالتلى
رامى / مامه رحيم كلمتك و قالتلك
روقيه / ايوه هى عارفه انى صاحبه رحمه فاتصلت بيا و طلبت منى اقف جنب البنت بس مقالتليش انها متعرفش هو انا شكلى عكيت الدنيا و لا ايه
رامى يبص لروقيه و يسكت
............
فى العربيه
رحمه / هو مين اللى مات يا رحيم
رحيم ساكت
رحمه / انت ساكت ليه مترد عليا مين مات
رحيم / هنعرف لما نروح
رحمه / مش عاوز تقولى ليه تيته جرالها حاجه
رحيم / لا الحمد لله كويسه هنروح نطمن عليها اهو
رحمه / امال روقيه كانت بتعزينى فمين
رحيم / انا عارف روقيه دى اتحدفت علينا من انهى داهيه
رحمه / اصلا عرفت منين ايه الجنان ده
رحيم / يا ستى يا خبر النهرده بفلوس لما نوصل البيت يبقى ببلاش
...............
فى البيت
عفاف تقف عالسلم
عفاف / هو فى ايه يا ولاد
عبير تطلع من شقه زينب
عبير / ازيك يا تيته انتى واقفه هنا ليه تعالى ارتاحى
عفاف / هو ايه اللى بيحصل يا عبير انا كنت واقفه فى البلكونه لقيت عمك ابراهيم واقف مع ناس
عبير / تلاقى فى حاجه فى المعرض تحت و لا حاجه احنا مالنا تعالى بس معايا تعالى ارتاحى
عفاف / هو جوزك فين يا عبير
عبير / عماد
عفاف / هو ليكى جوز غيره
عبير / هاه هاه لا طبعا انا بس ... اصلى صحيت ملقيتوش و كانت راحت عليا نومه فمروحتش يعنى الكليه فقولت انزل اقعد مع ماما زينب يعنى انتى عارفه
عفاف / طب يابنتى مكلمتيهوش تتطمنى عليه تشوفيه فين
عبير / هيكون فين يا ماما اكيد فى الشغل تعالى بس اقعدى و ارتاحى
مامه عبير تطلع عالسلم
هاله/ ازيك يا ست عفاف
عفاف / ازيك يا بنتى
هاله / انتى ايه اللى موقفك هنا تعالى ارتاحى
هاله و عبير يسندوا عفاف يدخلوا شقه زينب و يقفلوا الباب
عفاف / الله امال زينب فين
هاله / فى الشقه اللى تحت
عبير / تشربى شاى يا ماما اعملك شاى
عفاف / بتعمل ايه فى الشقه اللى تحت
زينب تدخل
زينب / الله انت هنا يا طنط و انا اقول الشقه منوره ليه
عفاف / هو فى ايه يا زينب ايه اللى بيحصل تحت و جوزك فين مبيردش عالتلفون ليه و الناس اللى تحت دى بتعمل ايه فى ايه
زينب / بصراحه يا ماما انا مش عارفه اقولك ايه
عفاف / قولى الحقيقه فى ايه
................
قدام البيت
رحيم يركن العربيه ابراهيم اول ميشوف رحمه بتنزل مالعربيه يجرى يحضنها
رحمه / هو فى ايه يا عموا ابراهيم مين اتوفى
ابراهيم / انا مش عارف اقولك ايه يا بنتى تعالى بس نطلع فوق و انا هقولك كل حاجه
رحمه تبص لرحيم و يطلعوا فوق و هى بتبص عالفراشه اللى بتتعمل فى الشاعر و مش فاهمه اى حاجه
.............
فوق فى شقه زينب
عفاف / تعبتوا قلبى عمالين تلفوا و تدوروا جوزك جراله حاجه يا زينب محمد جراله حاجه
ابراهيم و رحيم و رحمه يدخلوا
رحيم / ايه يا تيته اهدى صوتك جايب لتحت
عفاف / ابوك جراله حاجه يا رحيم ابوك جراله ايه مبيردش عالتليفون بتاعه ليه و اخوك مفهمتش منه حاجه بيقولى جايين جايين منين
ابراهيم / اهدى يا حجه و اقعدى و انا هفهمك كل حاجه
عفاف تقعد و رحمه تقعد جنبها و هى مخطوفه
ابراهيم / هو محمد كويس مفيهوش حاجه
رحمه / امال مين اللى مات
ابراهيم / ابوكى العربيه اتقلبت بيهم عالسريع
عفاف / محمود ؟؟؟
زينب / شدى حيلك يا ماما
عفاف / و حياه حياه فين
رحيم / البقاء لله يا تيته
رحمه تعيط بس مبتتكلمش و لا بتعمل اى صوت رحيم يروح يمسك ايدها
رحيم / انا مكنتش عاوزك تعرفى حاولت اخبى عليكى الخبر بس انا اسف اوى
رحمه تبصله بس بتعيط منغير صوت
عفاف / ساعدونى اروح اوضتى
رحيم و ابراهيم يسندوها تقع منهم فى الارض و الكل يصرخ
..............
فى المستشفى
زينب / هو رحيم راح فين
عبير / راح الدفنه مع الرجاله
رحمه قاعده بتعيط و مبتنطقش
هاله / هتبقى كويسه يا بنتى متخافيش
الدكتور يطلع الكل يجرى عليه
عبير / خير يا دكتور
الدكتور / الحاله حرجه و لازم تتحط تحت الملاحظه
زينب / طب ممكن ادخل اطمن عليها
الدكتور / ممكن بس ياريت محدش يزعجها
الكل يدخل و رحمه قاعده فى مكانها
زينب / معقول تلبسى الدهب ده كلو فى المستشفى الحمد لله ان مفيش ممرضه كدا و لا كدا سلتت حاجه
عبير / بتعملى ايه يا ماما
زينب / هعينلها الدهب لحد متخرج مالمستشفى مش احسن متتسرق
زينب تقلع عفاف الدهب و سلسله كبيره على شكل قلب و تحطهم فى شنطتها
.......................
بره قدام الاوضه رحمه مسهمه رحيم يدخل يمسك ايدها
رحيم / تيته عامله ايه
رحمه مبتردش و عبير تطلع مالاوضه رحيم يجرى عليها
رحيم / تيته عامله ايه
عبير / كويسه الحمد لله الدكتور حاطتها تحت الملاحظه خلصتوا الدفنه و لا ايه
رحيم / ايوه اول مخلصوا جيت علاطول عشان مسبش رحمه لوحدها
عبير / منطقتش بحرف من ساعه معرفت الخبر انا خايفه عليها اوى بيتهيالى لازم دكتور يشوفها
رحيم يهز راسه و عبير تمشى رحيم يروح يقعد جنب رحمه
رحيم / البقاء لله البركه فيكى بقى
رحمه تبصله و تفتح فى العياط
رحمه / هو انا مش هشوف بابا و ماما تانى خلاص كدا
رحيم يدمع
رحمه / ملحقتش حتى اسلم عليهم و ابوسهم
رحيم / انتى مؤمنه هما فى مكان احسن دلوقت
رحمه / طب .... طب ...طب
رحيم يحضن رحمه و رحمه تفتح فى العياط اكتر
رحمه / معدليش غيرك اوعى تسبنى انت كمان انا معدليش غيرك
رحيم / اسيبك اروح فين بس هو انا اقدر اعيش منغيرك
رحمه / تيته هتسيبنى هى كمان
رحيم / لا باذن الله هتبقى كويسه و هتروح معانا
هاله تطلع مالاوضه
هاله / بتسال عليكى يا رحمه
رحيم يمسح دموع رحمه و يسندها
رحيم / امسكى نفسك عشان خاطرها حتى
رحمه تهز راسها و هى سانده نفسها على رحيم بالعافيه
........
فى اوضه عفاف
عفاف على جهاز الاوكسجين رحيم يقعد رحمه على كرسى قدامها عفاف تبص لرحيم و بعدين تبص لرحمه رحيم يمسك ايد جدته و يدعكها و يبتسم تمسك ايده و تحطها على ايد رحمه اللى عالسرير و تمسكهم الاتنين جامد
زينب / انا بقول ترتاحى بقى يا ماما
محمد و عماد يدخلوا
محمد / اخبارك ايه يا امى
عفاف تهز راسها
زينب / الاوضه اتزحمت اوى تعالى يا هاله بره عشان النفس
هاله / وماله تعالى
عفاف تشيل الجهاز من على بقها
محمد / ارتاحى يا امى
عفاف / انا مرتاحه ..... قول للمحامى يجيبلى تنازل عن منابى فى ميراث محمود لرحمه
رحمه تبصلها
محمد/ روح يا عماد كلم المحامى
عماد / حاضر
عفاف / رحمه امانه فى رقبتك يا محمد
محمد / انتى هتوصينى على بنتى يا ماما
عفاف / معدلهاش حد
رحيم / تيته بلاش الكلام ده و ارتاحى
عفاف / انتوا الاتنين هسالكوا قدام ربنا لو حد اذاها او زعلها
محمد / ربنا يخليكى يا امى بلاش الكلام اللى ينرفز ده ارتاحى انتى بس ارتاحى و كل اللى انتى عوزاه هيحصل
عفاف تحط جهاز الاوكسجين
...............
قدام الاوضه
عبير / بتكلم مين يا عماد
عماد / المحامى
زينب / و ده وقته يا عماد دا عمك لسه مبردش فى تربته
عماد / لا انتى فهمتى غلط يا ماما تيته عاوزه تتنازل لرحمه عن نصيبها فى ورث عموا محمود
زينب / كنت عارفه هى بتحب غير رحمه
عماد / عن اذنكوا
عبير / بس مش وقته خالص يا ماما
زينب / شكلها هتودع
هاله / هو بالمناسبه يعنى ورثها من محمود ده يطلع قد ايه يعنى بالتقريب كدا
زينب / كام بالظبط معرفش بس اللى اعرفه انها مكنتش بتكتب حاجه باسمها فمحمود له نص البيت و نص شقه اسكندريه و نص المعارض و المخازن و المصنع و الفلوس اللى فى البنك و هى المفروض كان ليها السدس تقريبا
هاله / طب و هى كدا مش بتظلم رحيم و عماد لما تتنازل عن كل ده لرحمه سامحينى يعنى انا مقصدش ده حقها طبعا بس عماد جايله نونو فى السكه و هو اولى من رحمه و بعدين ده شرع ربنا
زينب / و هى من امتى كان يهمها غير رحمه خلينى ساكته
مصطفى و منه يدخلوا
زينب / ازيك يا حبيبى
مصطفى / ازيك يا طنط اخبار تيته عفاف ايه انا والله خلصت الدفنه و روحت جبت منه و جينا علاطول
زينب / تعبناكوا معانا
مصطفى / تعب ايه بس يا طنط دا عموا محمود كان زى والدى بالظبط انتوا مشوفتوش الناس كانت قد ايه فى الصلاه و بيدعوله ازاى هو و طنط حياه بجد خسرناهم
هاله / الحى ابقى مالميت يابنى
مصطفى / ايوه يا طنط بس دا مش اى ميت بس اكيد هو فى مكان احسن دلوقت امال دى اوضه تيته عفاف ممكن ادخل اطمن عليها
زينب / ادخلوا يا حبايبى ادخلوا
زينب تدخل مع منه و مصطفى
عبير / البت دى اللى طنط زينب كانت عاوزه تجوزها لعماد بس هو موافقش
هاله / ملناش دعوه
....................
فى الاوضه
منه تحضن رحمه و مصطفى يسلم عالموجودين و بعدين ممرضه تدخل
الممرضه / لو سمحتوا يا جماعه ياريت نسيب الحاله ترتاح وقت الزياره انتهى
الكل يطلع بره
عبير / ايه الاخبار
محمد / بيقولوا نسيبها ترتاح
مصطفى / بابا واقف مع الرجاله بيجهزوا للعزا هيبقى ان شاء الله بعد العشا
محمد / منجلكوش فى حاجه وحشه يابنى
محمد يقعد على كرسى جنب عبير و رحيم يسند رحمه تقعد جنبه
عبير / انا كلمتهم فى الاستقبال بيقولوا فى دكتوره جايه هتبص على رحمه
رحمه / انا كويسه الحمد لله
هاله بصوت واطى / ملازم تبقى كويسه بعد اللى ستك عملته
عبير تزغد امها
منه / رحمه انا مش هسيبك انا هفضل جنبك يمكن تحتاجى اى حاجه
عبير / كتر خيرك احنا كلنا جنبها
منه / فرد زياده ميضرش
عبير / وماله تنورى
رحيم / متقومى يا رحمه تروحى ترتاحى
رحمه تهز راسها لا
رحيم / طب مجوعتيش اجيبلك حاجه تكليها
رحمه تهز راسها لا
عبير / لا ازاى دى مكلتش حاجه مالفطار الصبح اكيد جاعت دا المغرب هياذن اهو تعالى معايا نطلع الكافتريا فوق
رحمه / مليش نفس والله يا عبير
عبير / ازاى بس انا هفتح نفسك تعالى
رحيم / تعالى يا رحمه
رحمه تعيط / انا مش عاوزه ابعد عن تيته عشان خاطرى يا رحيم خلينى جنب تيته
رحيم/ خلاص خلاص اهدى خليكى هنا و انا هروح اجيبلك حاجه تكليها
مصطفى / خليك جنبها يا رحيم هى محتاجاك اكتر من اى حد انا هروح انا اجيب
عبير / هتشيل لوحدك معلش يا منه متروحى معاه اصلى حامل لولا كدا كنت روحت
منه / لا و لا يهمك ربنا يكملك على خير عن اذنكوا
منه تروح مع مصطفى و الكل يفضل قاعد ساكت
................
بالليل
رحيم / انا لازم امشى عشان الناس فى العزا
زينب / يلا بينا يا رحمه
رحمه / انا مش هسيب تيته لوحدها روحوا انتوا
هاله / يابنتى الناس جايين يعزوكى
رحمه / الناس اللى يهمونى موجودين فى الاوضه دى
عبير / انا هفضل معاها روحى
رحمه / لا روحوا انتوا انا هفضل مع تيته
زينب / ماشى مش هنتاخر سلام يلا يا عبير
عبير / يلا يا ماما
مصطفى / تخليكى يا منه مع رحمه عشان متبقاش لوحدها
منه / اوك ماشى
مصطفى / تمام يلا بينا
عماد يدخل و معاه المحامى
زينب / خير
عماد / بابا قالى اجى عشان نخلص التنازل بتاع رحمه
رحيم / هو العزا مبدائش
عماد / بدء بس اعمل ايه بابا هناك هو و عموا ابراهيم روحلهم و انا هخلص و احصلكم
زينب / انا عارفه مستعجلين على ايه امخاخ
رحيم / يلا يا ماما
..............
فى العزا
زينب / استنى يا بت يا عبير انتى هتدخلى عالناس فاضيه كدا
عبير / فاضيه ازاى يعنى
زينب / و لا دهب و لا بتاع يقولوا عليكى ايه
هاله / دا عزا يا زينب
زينب تطلع من شنطتها سلسله القلب الكبير بتاعه عفاف و تلبسها لعبير و تدخل تسلم عالناس و تقعد وسطهم
..................
