((((((مفيش رحمه )))))
#لولو_محمد
الحلقه السابعه و العشرون
زينب / رحمه بنت متربيه متعملش الحركات دى تلاقيكى بتلزقى فشلك فيها
عبير / والله ؟؟؟
رحمه / والله مفتحت الحلل حتى و لا اعرف انتى عامله فيهم ايه ... لا الحقيقه عرفت مالريحه بس والله مبصيتش فى الحلل
عبير / بطلى كدب بقى انتى الوحيده اللى ممكن تعملى حركه زى دى
رحيم / رحمه اخر واحده تعمل حاجه زى دى
حياه / رحمه كانت طول الوقت بره معقوله هتدخل المطبخ ثوانى هتبوظ الاكل و بعدين هى مكنتش عامله حسابها على دخول المطبخ زينب هى اللى طلبت منها تدخل
عبير / امال مين اللى بوظ الاكل حضرتك
...............................
عفاف / يا بنتى احنا لسه فيها حطى مكعبات بطاطس فى الاكل هتشرب الملح الزياده
عبير / يا سلام
هاله / اهدى يا عبير عيب كدا
عبير / انا نازله مصر
عماد يدخل مع محمد و محمود
عماد / فى ايه بتزعقى ليه يا عبير انا سامع صوتك من بره
عبير / انا زهقت و جبت اخرى انا مفيش حاجه فى الدنيا تجبرنى عالعيشه دى ادى دبلتك انا نازله مصر
عفاف / اهدى بس يا بنتى الموضوع مش مستاهل
عبير تطلع تلم حاجتها
عماد / هو ايه اللى حصل يا طنط
هاله / فى حد حط ملح فى الاكل و بوظ الطبيخ لعبير
عماد يبص لامه
عماد / انا هطلع اهديها عن اذنكوا ثوانى
عماد يطلع لعبير و هى بتعبى هدومها فى الشنطه تانى
عماد / ممكن ادخل
عبير / لا
عماد / كنت عارفه انك مش هترفضى
عبير / بطل و اطلع بره
عماد / يعنى الحق عليا انى جاى اصالحك بدل متروحى مصر و تفضلى طول الليل تعيطى عالعريس الحليوه المقطقط اللى ضيعتيه من ايدك
عبير / تغور
عماد / اوبا بتوجع اوى قسوتك بس يابنتى دول حتى بيقولوا عشان الورد يتسقى العليق و لا ايه
عبير / لو الورد كلو شوك و عمال يجرح فى ايدى يمين و شمال يبقى بناقصه و ابقى وفرت ميتى
عماد / حقك عليا
عبير / حقى عليك فى ايه و لا فى ايه يا عماد هى دى تغير الجو تنضيف و ترويق انا حتى مرتاحتش مالسفر و فى الاخر ايه لا حمد و لا شكرانيه من اولها قسافين و مقالب من اولها امال لما رجلى تدبس فيك و فى مشاكلك دى هيجرالى ايه انا كان مالى و مال الغلب ده بس يا ربى
عماد / ليكى حق تقولى كدا مقدرش اللومك
عبير تقعد عالسرير تعيط و عماد يروح يقعد جنبها
عماد / انا عارف ان مش سهل تدخلى عيلتنا انا عارف حقك عليا بقى بطلى عياط يا ستى انا واثق ان اكلك كان زى الفل
عبير / انا تعبت يا عماد تعبت بجد و فعلا مش هقدر اكمل انا اسفه
رحمه تخبط
رحمه / ممكن ادخل
عبير / جايه تتاكدى انى ماشيه اطمنى
رحمه / على فكره انتى ظلمانى انا والله معملت حاجه انا دخلت جبت الميه و خرجت
عبير / هبله انا امال مين يعنى امك مهو محدش له مصلحه يطلعنى فاشله غيركوا عشان تبانى اشطر منى
رحمه / طب اعمل ايه عشان اثبتلك
عماد / انا متاكد انها لا رحمه و لا طنط حياه اللى عملوا كدا
عبير / و انت ازاى متاكد اوى كدا
عماد / عشان انا عارف طباعهم كويس عارفهم اكتر منك
عبير / يعنى خلاص ياما مامتك يا ستك و لا اقولك يمكن امى اللى عملت كدا تصدق ممكن تكونش خايقه اتحسد
عماد / ممكن تهدى شويه
رحمه / ياريت كنت اقدر اثبتلك انى معملتش حاجه بس والله مانا
عماد / ممكن تسيبينا خمسه لوحدنا
رحمه / حاضر بس عاوزه اقول ان تيته ظبطت الاكل
رحمه تمشى
عماد / انتى سالتينى مين اللى عمل كدا صح
عبير / ياريت
عماد / ايوه امى اللى عملت كدا مفيش حد فى البيت ولا العيله كلها ممكن يعمل العمله دى غير امى
عبير / للدرجادى بتحب رحمه لدرجه انك هتشيل امك الليله عنها
عماد / لا طبعا انا بتكلم الكلام ده بينى و بينك دى الحقيقه ايوه هى امى بس انا عارف عيوبها كويس و اللى عجبنى فيكى انك مش زيها ...مش عشان امى وحشه ...ايوه امى فيها عيوب بس فيها مميزات برده و مع الوقت... ايوه انا عارف انك هتعانى شويه على متاخدى على طباعها بس صدقينى لما هتتعلمى تعدى و تكبرى مخك هترتاحى و تستفيدى و بعدين انا والله شاب كويس و استاهل انك تضحى عشانى شويه
عبير / اضحى بايه يابنى
عماد / انتى بجد ممكن تسيبينى عشان ماما عملت فيكى مقلب
عبير / هو موقف واحد يا عماد دانا طهقت
عماد / ايه رايك اوعدك وعد و توعدينى وعد
عبير / هتوعدنى بايه
عماد / انى طول مانا عايش هعمل كل اللى اقدر عليه عشان اسعدك هخليكى تلفى الدنيا و مش هخليكى نفسك فى اى حاجه و هدلعك و كل اللى بتحلمى بيه هعمل المستحيل انى احققه و انى هعاملك كملكه على راسى ايه رايك فى الوعد ده
عبير / و المقابل
عماد / انك تستحمى امى و تدخلاتها و كلامها و اسلوبها انتى ليكى بيتك و جوزك و عيالك سمحتيلها تديكى النصيحه تمام مش عجباكى قولى حاضر و طنشى ارتاحتى و روحى بقى قوليلها انى قولتلك كدا زى معملتى قبل كدا
عبير ترفع حاجبها لعماد
عماد / ايه معملتيهاش قبل كدا و لا دى تقريبا كانت واحده تانيه
عبير / اللهم طولك ياروح
عماد / المهم تطول و دبلتى الحلوه دى محليه اديكى يلا يا بت انا جعان يلا ننزل بقى
عبير / ماشى
..............
بالليل
عماد نايم على كنبه فى الصاله و رحيم على مرتبه فى الارض و النور مطفى رحمه تصحى فى اوضتها و تطلع الصاله تايد النور و تصحى رحيم
رحيم / ايه يا رحمه مالك
رحمه / انا مخنوقه ممكن تقف معايا فى البلكونه شويه نتكلم
رحيم / طبعا بس خلى النور مطفى عشان عماد ميصحاش
رحمه / ماشى
رحمه تدخل البلكونه و رحيم يقوم يطفى النور و يحصلها و يقعد عالكرسى اللى جنبها
رحيم / مالك بقى يا كتكوته فى ايه
رحمه / انا زعلانه اوى ماللى حصل النهرده و عبير مش راضيه تكلمنى و انا مدايقه اوى اوى
رحيم / بقولك ايه انتى معملتيش حاجه و روحتى قولتيلها و هى مش راضيه تصدق هتعملى ايه يعنى ناقص تبوسى رجليها يعنى
رحمه / بس هى معاها حق برده مهو مستحيل اى حد يعمل كدا اصلا
رحيم / على فكره مش بعيد تكون هى اللى عملت الحركه دى فيلم يعنى عشان تكسب بونط عند عماد و متنسيش حركه نقل الكلام يعنى البت دى مش طيبه و هبله زيك
رحمه / انا مش هبله يا رحيم
رحيم / لا انا اقصد الهبل الحلو ده
رحمه / اه ان كان كدا ماشى
رحيم / هههههههههههههههه
زينب تفتح البلكونه
زينب / والله عال و نعم التربيه
رحيم يايد النور
زينب / ليه يا حبيبى متخليه مطفى حتى نور الفجر بيدى رومانسيه للمكان و بعدين العيب مش عليك العيب فى الست هانم
رحمه / احنا كنا خايفين عماد يصحى
زينب / والله انتى بجحه و انا بقى المرادى مش هسكت ابدا
رحيم / انتى مكبره الموضوع ليه يا ماما احنا كنا بنتكلم
زينب تدخل تايد النور و تقف فى وسط الصاله
زينب / يا محمود يا حياه قومى يام السنيوره قومى شوفى ربايتك
عماد يصحى
عماد / هو فى ايه
رحيم / اللى بتعمليه ده غلط على فكره و انتى عارفه
زينب / تصدق معاك حق انا المفروض اشوف الغلط بعينى و اسكت اكمنك ابنى مش كدا
حياه و محمود و عفاف يطلعوا مالاوض و من فوق ينزل محمد و عبير و هاله
محمود / فى ايه يا زينب
زينب / تعال شوف بنتك المتربيه المحترمه فى الضلمه
رحيم / احنا خفنا عماد يصحى هى كانت زهقانه و كنا بنتكلم والله ياعموا مش اكتر
محمود / رحمه تعالى هنا
رحمه تروح تقف جنب ابوها
رحمه / يا بابا احنا ....
محمود / حسابى معاكى بعدين ادخلى اوضتك
زينب / طب ياخويا اضربها بالقلم و لا شد عليها و لا انت راضى بزنقتها فى الضلمه
حياه / اخرسى اوعى تتكلمى عن بنتى نص كلمه
زينب / شوفوا شوفوا مين بتتكلم الست هانم اللى عرفت تربى بنتها
رحيم / كفايه بقى بتستفيدى ايه ماللى بتعمليه ده
زينب / انت بتعلى صوتك عليا عشانها
رحيم / لا مش عشانها عشانى انا ابنك و اللى بتقوليه ده بيعيبنى قبل ميعيبها
زينب / انت ولد و ميعبكش حاجه
رحيم / ازاى يعنى لما تقولى انى بخون ثقه عمه او انى بعمل حاجه حرام مع بنته انتى شوفتينى بعمل حاجه غلط انتى شوفتى رحمه فاى وضع غلط
زينب / و انكوا تقعدوا لوحدكوا و قافلين عليكوا البلكونه و طافين النور مش غلط يابن بطنى
رحيم / لا غلط لانى نسيت ان فى ناس فى البيت ده بتعيش على المشاكل
زينب / قصدك ايه يا رحيم
رحيم / قصدى ان احساسك ايه و ولادك اللى منك مقتنعين انك السبب فى كل المشاكل فى حياتهم
زينب / تضرب رحيم بالقلم على وشه
رحيم يجى يمشى بره الشقه ابوه يقفل الباب
...............
زينب / برافو يا حياه مش لوحدك اللى معرفتيش تربى
زينب تطلع اوضتها و هى طالعه عينها تيجى فى عين عبير
رحيم / انت ساكت ليه يا بابا على اللى بيحصل ده
عفاف / تعال يا رحيم انت و محمود على اوضتى عوزاكم فى كلمتين لوحدينا
محمود / مش وقته يا ماما انا ليا كلام مع بنتى
محمود يدخل الاوضه
محمد / انا اسف يا جماعه عن اذنكوا
محمد يطلع فوق
عماد / اول القصيده كفر
............
فى اوضه محمود
رحمه قاعده بتعيط و حياه قاعده مدايقه جنبها
محمود / اللى بتحط نفسها فى موقع شبهه تستاهل تاخد على دماغها
رحمه / قفلنا باب البلكونه عشان خفنا النموس يدخل و بعدين الباب شفاف يعنى اى حد هيشوفنا
محمود / انتى فاكره نفسك فين انتى فاكره نفسك فى اوروبا تسهرى بالليل لوحدك مع ابن عمك عادى
حياه / ايه الجديد انت بتلوم البت على غباء زينب يعنى مكفهاش اللى عملته الصبح فى البت التانيه المسكينه ووقعت البنتين فى بعض جايه دلوقت تهين بنتى
محمود / معاها حق هى مش غلطانه
حياه / انت بتقول ايه يا محمود
محمود / يعنى لو الست هاله و لا بنتها عبير هما اللى نزلوا من فوق و شافوا بنتك فى الضلمه مع رحيم كانوا هيفهموا غلط برده
حياه / انت بجد بتفكر بالطريقه دى
محمود / انا بفكر فى مصلحه بنتى بس يا حياه انا عارف اننا شجعناهم فى الاول بس دلوقت لازم كلنا ندفع التمن
عفاف تدخل الاوضه
عفاف / تمن ايه يا محمود
محمود / رحمه و رحيم مش متجوزين دول يادوب مخطوبين و لازم يتعاملوا على الاساس ده
عفاف / و هما كانوا عملوا ايه لكل ده انت عارف زينب طول عمرها بتعمل افلام من مفيش
محمود / ابوس ايدك يا امى ارحمينى رحمه مينفعش تعيش الهم ده
رحمه / يعنى ايه
محمود / يعنى انا زهقت من قصه رحمه و رحيم دى زهقت من الكلام والخناقات و المشاكل دى
حياه / دا اختيار رحمه مش اختيارنا دى حياتها هى
محمود / يبقى على الاقل تاخد بالها من تصرفاتها انها مش بتتعامل مع ملايكه فى العيله دى هى بتتعامل مع شياطين
حياه / و بنتك مش لوحدها
عفاف / كلنا معاها و اولنا رحيم
محمود / بكره نندم كلنا عالعلاقه دى و تقولى محمود قال
رحيم يخبط عالباب و محمود يفتحله
محمود / عاوز ايه يا رحيم
رحيم يمسك ايد عمه و يحطها على وشه مكان مزينب ضربته و محمود يشدها و ينزلها
رحيم / عاوز اكتر من كدا ايه عشان تعرف انى مش هسمح لحد يتكلم عنها
محمود / انا مش عاوز حاجه يا رحيم انا بربى بنتى
رحيم / بنتك متربيه كويس اوى
عفاف / عمك مدايق شويه لما هيروق ....
رحيم / و مين مش مدايق يا تيته انا ولا رحمه و لا عماد و لا عبير و لا بابا و لا ماما حياه و لا انتى كلنا مدايقين كلنا مش عارفين نعيش اصلا انفاسنا بتتعدلنا من اقرب الناس
عفاف / يابنى علاقه الحما و مرات الابن دى من زمان اوى
رحيم / مانتى حلوه اهو عمرك مقولتى كلمه تزعل لحد
عفاف / يووووووووووه ياما قولت و ياما عدت انت بس كنت صغير متحضرنيش بس حياه عرفت تكسبنى ام ليها و ده زود الطين بله و بكره رحمه تتعلم ازاى تكسبها
رحيم / اذا كنت انا ابنها مش عارف اكسبها
عفاف / بيتهيالك امك بتحبك اكتر من اى حاجه فى الدنيا و بتغير عليك انت بس اللى مش واخد بالك
رحيم / انا مش عارف اكلمها تانى ازاى اصلا بعد اللى حصل
محمود / و هو ايه يعنى اللى حصل
محمود يروح يمسك ايد عفاف و يضرب بيها وشه
محمود / امى لو قلعت جزمتها و نزلت على دماغى مش اهانه دى امى و انا مديونلها بعمرى اطلع ياض اعتزر لامك و صالحها جاكوا القرف عيال غبيه
عفاف / اطلع يا رحيم خد اخوك و اطلعوا
...............
فى اوضه زينب
زينب نايمه بتعيط و محمد ينام جنبها و يحضنها
زينب / ايه مش هتزعق فيا انت كمان
محمد / لا مش هزعق فيكى اللى فيكى كفايه
زينب / شوفت ابنى و هو محموق عشانها شوفته و هو بيزعق فيا عشانها
محمد / انتى عارفه يا زينب انتى مفيش منك ست شاطره و حنينه و بميه راجل بس فيكى عيب واحد بس لو تغيريه والله ميبقى فى منك ابدا
زينب / اسطوانه كل مره مش كدا
محمد / اعمل ايه بس يا زينب مهو لو تبطلى غيرتك المجنونه دى كان حالنا اتعدل من زمان
زينب / هغير منمين يعنى من شويه العيال دول
محمد / لا يا زينب غيرتك عليا و على ولادك لازم تفهمى ان عيالك كبروا و بيحبوا لازم تتعاملى عالاساس ده بقى
زينب / يا سلام و انا يعنى قولتلهم يسيبوهم
محمد / يابت دانا عاجبك و خابزك زمان كنتى بتدايقى حياه عشان محمود كان بيهتم بيها اوى قدامك مع انك عارفه انه كان بيعمل ده عشان هى مسكينه مبتخلفش بس لا ازاى لازم يديها بالجزمه عشان انتى تحسى بنفسك
زينب / قوم من جنبى انت جاى تفرسنى
محمد / بوظتى الاكل للبت عشان عماد مجنون بيها و لما بتشوفى رحيم و رحمه منسجمين بتتجننى بيحصل و لا لا
زينب / انا مش مجبره اسمع الهبل ده
محمد / مستنيه ايه يا زينب عشان تتغيرى مستنيه ولادك يقفوا قدامك اكتر من كدا عماد عارف و متاكد ان انتى اللى بوظتى الاكل و احرجتيه قدام اهل خطيبته و مش بس كدا سبتى رحمه تشيل الليله عشان توقعى بين البنتين اكتر و اكتر عيب يا زينب عيب عمايلك دى انتى كبيره عالكلام ده
زينب / و مدام انا شيطانه كدا عايش معايا ليه مطلقتنيش من زمان ليه
محمد / عشان بحبك و عشان ولادك بيحبوكى بنستحمل
زينب / لا والله جايين على نفسكو ا
باب الاوضه يخبط عماد و رحيم يدخلوا
زينب / نعم جايين تعاتبونى انتوا كمان اتفضلوا اسلخونى
عماد / معاش و لا كان اللى يجرحك حتى يا ست الكل احنا جايين نصالحك
رحيم / ميمنعش انى زعلان منك بس انتى امى و معنديش اهم منك
محمد / شوفتى يا زينب مش قولتلك
زينب / انتوا عاوزين ايه مالاخر عشان مش مرتحالكوا
عماد / هدنه
زينب / افندم
رحيم / يا ماما انتى احسن ام فى الدنيا بس عبير النهرده كانت هتسيب عماد و ياعالم عموا محمود بيقول ايه لرحمه تحت
عماد / مهو لو العيب فى عبير او رحمه كنا قولنا ماشى لكن دا لو حتى كنا اخترنا بنات على زوقك احنا متاكدين ان النتيجه كانت هتبقى واحده
رحيم / يعنى هترتاحى لو عشنا عذاب يعنى
زينب / قولت هاتوا مالاخر
محمد / ادى للبنات فرصه حاولى تعتبريهم بناتك بدل مكنتى مخلفه ولدين بقيتى مخلفه اربعه و مش بس كدا بكره تشيلى احفادك و تعجزى بقى و تبقى تيته
زينب /اعجز فى عينك
محمد / هتبقى احلى عجوزه فى الدنيا
زينب / يا سلام
عماد / عشان خاطرنا اول مالنهار يطلع تصالحو عبير و رحمه
زينب / انتوا عاوزينى اعتزرلهم دا اللى ناقص كمان
رحيم / ابدا احنا هنقولهم اننا هنبدء صفحه جديده و هنخليها تيجى منك كمان
زينب / اما نشوف يلا سيبونى ارتاح ساعتين
محمد / يلا ياض انت و هو اطلعوا بره عاوز اتكلم مع مراتى دقيقتين
عماد / دقيقتين اتنين بس يا حج انت عجزت و لا ايه
زينب / اطلع بره ياله
عماد / حقك كل ده عشان كلمتين امال لو كانوا ساعتين
رحيم / اطلع ياله بدل متنضرب اطلع ههههههههههههههه
.................
فى اوضه عبير
هاله / بتفكرى فى ايه يا مايله
عبير / بفكر فى حماتى
هاله / انا مش مرتاحه للجو ده يا بت انا بقول بناقصها الليله دى
عبير / انتى شوفتى قومت البيت كلو على مفيش و رحمه ابوها اتخانق معاها و انا اتخانقت مع عماد و فى الاخر ايه اللى حصل
هاله / دى قادره اهى قاعده تدحك فى اوضتها و عيالها حواليها و لا كان فى حاجه حصلت
عبير / والله شاطره
هاله / انتى مش قدها خدى بالك
عبير / مظبوط يبقى اخدها فى صفى تحمينى و تنصفنى مين يقدر عليها دى
هاله / بس يوم متقلب عليكى مش هتلاقيلك حد يا هبله
عبير / امال عماد هيروح فين يا ماما
هاله / عماد فى جيبها يا حبيبتى فوقى
عبير / سيبينى بس اشوف هعمل ايه و بكره تشوفى
....................
بعد فتره فى كافيه
عماد / ياربى انا اتهلكت لف مكنتش اعرف ان الواحد بيتعب اوى كدا عشان يتجوز
عبير / ههههههههههههههه لا خلاص خلصنا الحمد لله
عماد / لا يا شيخه خلينا نلف كمان حبه يمكن عينك تقع على حاجه فاضله مشترينهاش و لا حاجه
عبير / هههههههههههههههههه لا كدا كلو تمام من بكره بقى انت افرج و انا هكمل لوحدى
عماد / قال افراج قال انا ورايا توزيع كروت و هروح استلم بدلتى و اتفق مع الحلاق بتاعى و هروح اشوف الليموزين و زواقها زى موعدتك دا غير انى لازم اخلص كل الطلبيات قبل مسافر
عبير / يا سلام طب مانا هروح انا و ماما نكمل الفرش و نحط الهدوم و نقفل الشقه و بعدين هطلع عالكوافير عشان انت عارف
عماد / انتى هتعدى اسبوع عند الكوافير ليه
عبير / الله مش عروسه و لازم ادلع
عماد / يا سلام هو احنا فى ديك الساعه اما العروسه تدلع
عبير / هههههههههههه ماشى يا سيدى على العموم انت لو عاوز تروش يعنى ممكن احجزلك فى الاسبا
عماد / مش لما الاقى وقت الاول
...............
فى البيت
زينب / انا نفسى افهم انتى ليه مش عاوزه تطلعى معايا
حياه / يا ستى انا مبحبش ادخل شقه حد و هو مش فيها
زينب / شقه حد دا ايه دى شقه ابنى و المفتاح معايا و انا اللى هفرجك
حياه / طب مستنى اما تخلص خالص و اخلى عبير تفرجنى مره واحده
زينب / تصدقى امبارح طلعت لقيتها جايبه خمس تطقم مفارش سرير بس و تلاته مطبوعين
حياه / و ماله و فيها ايه
زينب / ازاى بس امال لو شوفتى نعرتها و هى بتقول انا مبخليش بنتى ناقصها حاجه دى طلعت بوق
حياه / اللى بيجيب بيجيب لنفسه يا زينب
.........................
