(((((مفيش رحمه ))))))
#لولو_محمد
الحلقه الثامنه و العشرون
زينب / شقه حد دا ايه دى شقه ابنى و المفتاح معايا و انا اللى هفرجك
حياه / طب مستنى اما تخلص خالص و اخلى عبير تفرجنى مره واحده
زينب / تصدقى امبارح طلعت لقيتها جايبه خمس تطقم مفارش سرير بس و تلاته مطبوعين
حياه / و ماله و فيها ايه
زينب / ازاى بس امال لو شوفتى نعرتها و هى بتقول انا مبخليش بنتى ناقصها حاجه دى طلعت بوق
حياه / اللى بيجيب بيجيب لنفسه يا زينب
.........................
عفاف تدخل هى و محمود
زينب / حمدالله عالسلامه يا ماما
عفاف / الله يسلمك انا خلاص تعبت من مشوار الدكتور ده
حياه / الف سلامه يا ماما
عفاف / انا مش عيانه المشوار ده هو اللى هيعينى
محمود / يا ماما انا بحب اطمن عليكى كل فتره
رحيم و رحمه يدخلوا
زينب / اهلا بالحبيبه اخبار الفستان ايه طب متقيسى كدا و تفرجينا
رحمه / ممكن نخليها بعد الغدى انا واقعه مالجوع و انتى يا ماما منعتينا ناكل بره عشان عامله اكل
زينب / بقى كل ده عشان بقولك ورينى طب يا ستى مش عاوزه اشوف و على راى المثل قال يا خبر بفلوس بكره نشوفه فى الفرح و يبقى ببلاش ربنا ميحوجنى اطلب منك حاجه
عفاف / اهدى عالبت شويه يا زينب تاخد نفسها حتى
رحيم / يا ماما هى قالت بعد الغدى
زينب / معلش نسيت انى بكلم السنيوره الكل محموقلها اوى و لا بعد الغدى و لا قبل الغدى بناقص خالص
رحمه تفتح كيس الفستان و تمسكه عالشماعه
زينب / اسود ليه انتى رايحه عزا
رحمه / الاسود ده ملك الالوان
زينب / كويس برده و اهو يلم جسمك شويه عن اذنكوا
زينب تمشى
رحمه / يلم جسمى ؟؟؟
رحيم و عفاف يدحكوا
عفاف / عمرها مهتتغير امك دى
رحيم / بس والله يا تيته عسل
عفاف / انت اللى عسل يا روح تيته
................
يوم الحنه الصبح
عبير و هاله نازلين من الشقه زينب تقابلهم عالسلم
زينب / ايه خلصتوا
عبير / الحمد لله خلصنا و خليصنا هههههههههههههه
زينب / طب ايه مش هتفرجونى
عبير / وانتى محتاجه حد يفرجك يا ماما مانتى معاكى المفتاح تطلعى فى اى وقت تطلعى و تتفرجى
زينب / ايوه بس مفيش مانع لما انتى اللى تفرجينى بنفسك
عبير / بس كدا تعالى افرجك
..........
فى الشقه
عبير / ها يا ست الكل ايه رايك بقى
زينب / ايه مش هتفتحى الدولاب و تورينى الهدوم اللى جبتيها لابنى و لا ايه
عبير تسكت شويه و تبص لمامتها
زينب / ايه بلاش بناقص
عبير / هو ايه اللى بناقص يا ماما زوزه بس انا بس كنت عاوزه اعملها مفاجاه لعماد
زينب / و هو انا هقول لعماد برده و بعدين يعنى اللى عاوزه تعمل مفاجاه لعماد مكنتش تسيب مفتاح الدولاب فيه
عبير تبص لامها
زينب / على العموم خلاص انا اصلا شوفتهم امبارح و اه القميص الاخضر منتوش انا قولتلك اهو عشان ميبقاش شكلك بلدى و انتى لابساه لابنى انا عارفه انتوا بتجيبوا الحاجات دى منين
عبير تبص لامها
زينب / سيبك سيبك انا هنزل ابص عالطباخ تحت ليكون محتاج حاجه انتوا عارفين الحنه بقى و المعازيم
زينب تنزل
هاله / انتى نسيتى المفاتيح يا بنت العبيطه
عبير / نسيت ايه مانا شيلاهم قدامك و حطيتهم فى الدرج و قفلت عليهم و لما جيت الصبح فتحت الدرج قدامك انتى هتجننينى و لا ايه
هاله / يابنت الكلب الوليه دى ايه مخاويه
عبير / خلاص طنشى هانت كلها بكره و بعده و اديها بالجزمه
هاله / واضح ياختى مين فيكوا اللى هتاخد بالجزمه فى البيت ده
عبير / يلا بينا عشان نلحق الناس قبل ميجولنا
............
عبير و هاله نازلين عالسلم يقابلوا رحمه
رحمه / ايه ده انا فكرتكوا مشيتوا من زمان
عبير / كنا ماشيين انتى هتيجى مش كدا
رحمه / باذن الله هحاول اخلع منهم و هجيلك
عبير / لو مجيتيش هزعل
رحمه / لا باذن الله هاجى
...............
فى فراشه فى الشارع و دى جاى و الناس بترقص و مفضين شقه فى الدور الاول و حاطين فيها كراسى و ترابيزات عشان الناس تاكل و فى اوضه فى الشقه الستات قاعدين فيها و عمالين يرقصوا
عفاف / كانت ايه لزمتها الحنه دى فرهده عالفاضى
حياه / يا ماما خلينا نفرح ربنا يكتر من افراحنا و بعدين الناس مبسوطه و بتاكل
عفاف / مهم هياكلوا فى الفرح
حياه / ياكلوا تانى و خلى الغلابه فى الشارع اللى مش هيعرفوا يجوا الفرح ينبسطوا
عفاف / عقبال رحيم و رحمه
حياه / يخليكى ليا يارب
رحيم يخبط عالباب و رحمه تطلعله
رحمه / ايه اخيرا
رحيم / خمسين رنه يا مفتريه
رحمه / اعمل ايه عبير هتزعل لو مروحتلهاش و البنات كلهم راحولها هناك
رحيم / يعنى هنسيب ضيوفنا و نروحلهم
رحمه / عشر دقايق يا رحيم هنسلم و نمشى
رحيم / انتى هتودينا فى داهيه
زينب تدخل
زينب / مالكوا بتتودودوا فى ايه
رحيم / مفيش
رحمه / اصل عبير عزمانى عالحنه بتاعتها و هتزعل لو مروحتش
رحيم / طب يعنى نسيب ضيوفنا و نمشى
زينب تسكت شويه
زينب / بس يعنى لو روحنا عشر دقايق مش هيحصل حاجه استنوا ثوانى
زينب تدخل الاوضه تشد حياه من ايدها و عفاف مستغربه و تسكت
حياه / فى ايه يا زينب بتشدينى كدا ليه
زينب / انا هروح انا و رحمه و رحيم مشوار ساعه زمن ضايفى انتى بقى الناس مكانى ماشى
حياه / مشوار ايه ده
زينب / الله عليكى يا حياه رغايه لما نيجى هتعرفى اوعى تكسفينى قدام الضيوف يلا يا رحيم لحسن نتاخر
رحيم / بس يا ماما
زينب / ايه بلاش ناخد تاكس يعنى يلا يا رحمه
رحيم / و على ايه يلا يا ماما عن اذنك يا ماما حياه
حياه / ربنا يستر يابنى
...............
فى حنه عبير
عبير / اتاخرتى خمس دقايق كمان و لو مكنتيش جيتى كنت هزعل
زينب / بقى ده اللى ربنا قدركوا عليه انا قولت هاجى الاقى الشارع كلو كهارب و العماره متغطيه بالنور
هاله / معلش احنا عاملينها عالديق على قدنا للحبايب بس
زينب / يعنى انا مش مالحبايب عشان كدا معزمتونيش
رحمه / يا طنط احنا جايين نسلم و نمشى عشان ضوفنا
عبير / تمشى دا ايه رحمه تعالى دا الدفعه كلها جوه
هاله / اخبار الحنه عندكوا ايه يا زوزه
زينب / حنه اكل و مزمار و خيول و دى جاى و فرح
هاله / شوف و انا اللى افتكرتك جايه عشان تتعشى عن اذنك ثوانى اجيبلك مناب
زينب / مناب ايه يا جعانين مين دى اللى جايه تاكل
رحمه تطلع مالاوضه تجرى
زينب / انا غلطانه اصلا انى سبت بيتى و ضيوفى و دخلت بيتكوا يلا يا رحمه
عبير / فى ايه بس يا ماما زوزه
زينب / بلا ماما زوزه بلا قرف انا ماشيه
روقيه تطلع مالاوضه
روقيه / فى ايه يا زوزو مدايقه ليه كدا
زينب / انتى هنا يا روقه كويس انى شوفتك
عبير / طب تعالى بس اهدى يا ماما دى حنه بنتك
زينب / و هو انا كنت جايه غير عشان كدا بس يلا امك فكرتنى ان خلفتى كلها رجاله سلام
...............
فى الحنه هناك عماد واقف بيتكلم فى التليفون
عماد / طب ايه اللى حصل ............ انا اصلا مش عارف هى مشيت امتى ............ حصل خير حصل خير هى اول متيجى هكلمها استنى استنى شكلهم جم اهم سلام هكلمك بعدين .... سلام بس سلام
عماد يقفل السكه و يجرى على عربيه رحيم
عماد / كنتوا فين يا جماعه قلبت عليكوا الدنيا
زينب / كنا عند مرات ابنى و امها الحربايه يلا انا عارفه انت وقعت الوقعه دى ازاى يابنى
عماد / وقعه ايه بس هو ايه اللى حصل يا جماعه
رحمه / والله معرف انا دخلت مع البنات خمس دقايق و سبت ماما و طنط هاله فى الصاله و طلعت على صوت طنط زينب بتزعق
رحيم / انا قولت مالاول منروحش استفدنا ايه بقى دا وقت مشاكل
زينب / ولا مشاكل ولا حاجه الناس بيتفرجوا علينا عدوا الليله
............
زينب تسيبهم و تمشى
عماد / انتوا ايه اللى وداكوا هناك انت مش عارف امك
رحيم / امك اللى صممت نروح
رحمه / هو عبير مقالتلكش ايه اللى حصل
عماد / لا متعرفش و بتسال امها بتقولها انها عزمت عليها تدوق الاكل اللى هما عاملينه فماما هاجت فيها و شتمتها و حماتى هى اللى زعلانه هناك
رحيم / وقت خناق ده
رحمه / كبر مخك انت يا عماد و طنش الحاجات دى وارد تحصل
عماد / حصل خير
...............
بعد الفرح تانى يوم
عماد و عروسته طالعين الشقه و هاله وراهم زينب تدوس على الفستان توقع عبير على وشها
زينب / يا حبيبتى يا بنتى قومى قومى
عبير / حصل خير انا شكلى اتكعبلت
هاله / جرا ايه يا عماد متشيل عروستك امال لو مكنتش خفيفه مش تقيله
عماد / بس كدا
عماد يشيل عبير و يطلع بيها فوق و عفاف تنزل من فوق هى و محمد
هاله / انا هاجى بكره اجيب الغدى
عفاف / وصل ست هاله يا محمد الوقت اتاخر
محمد / اتفضلى يا ست الكل
هاله و محمد يمشوا
زينب / ياكش تروح مترجع
عفاف / بتدعى على جده احفادك يا زينب يلا هقول ايه
زينب / اسكتى يا ماما انا مش طيقاها انتى متعرفيش عملت فيا ايه فى حنتهم
عفاف / بالرغم انى تعبانه مالفرح و مش قادره اقف هرد عليكى و اقولك ايه اللى سيبك حنتك ووداكى هناك ... متجاوبيش يا زينب انا و انتى عارفين الاجابه كويس ارحمى ابنك و و ارحمينى و خشى نامى و ارتاحى يا زينب ارتاحى و ريحى يا حبيبتى
.............
فى شقه عماد
عماد / سبع شهور و تلتاشر يوم
عبير / هههههههههههههه انت عاددهم باليوم
عماد / انا بقول قد ايه انا محظوظ قعدت اقر عالواد اخويا ده سنين
عبير / بتقر على رحيم ليه
عماد / عشان بيحب لكن النهرده انا واثق ان هو اللى بيقر عليا
عبير / ليه ربنا يخليله رحمه
عماد / اه بس هو لسه مجمعوش بيت بحبيبته بس انا و هى معدش فى بينا اى حواجز
عبير / بس انا خايفه يا عماد
عماد / خايفه منى يا بيرو
عبير / لا خايفه الدنيا تفرقنا
عماد يقرب من عبير و يلزق فيها و يمسك ايدها
عماد / مفيش حاجه فى الدنيا هتقدر تفرقنا احنا هنقوم بقى نتوضى كدا و نصلى ركعتين نبدا بيهم حياتى الحلوه معاكى عشان ربنا يملاها بركه و يرزقنا بشويه عيال عفاريت يطلعوا القديم و الجديد على جدتى اصلى افتريت كتير
عبير / هههههههههههههههه بس انا ليا شرط
عماد / اؤمرى
عبير / انا عاوزه واد حلو و شبهك كدا
عماد / عندك حق والله اصله لو جه شبهك هتقوم فيها حروب
عبير / ههههههههههههههههههههههه
0.............
فى اوضه رحمه
رحمه تمسك الموبايل و تبعت رساله ثوانى و تليفونها يرن
رحمه / الو صحيتك
رحيم / لا صاحى ازيك لسه منمتيش
رحمه / بفكر
رحيم / فى ايه
رحمه / فى يومنا يوم ميجمعنى بيك بيت
رحيم / هتموتى يا سوسو
رحمه / لا بجد
رحيم / ههههههههه لا خلاص بجد انتى اصلا متعرفيش انا مستنى اليوم ده قد ايه
رحمه / انا بحبك اوى يا رحيم
رحيم / يا سيدى يا سيدى
رحمه / بطل بقى
رحيم / و انا بموووووووووووووت فيكى
رحمه / بعد الشر عنك هو انا اقدر اعيش منغيرك
رحيم / تعرفى انا بحلم باليوم اللى ادخل فيه مالباب و الاقيكى بتجرى انتى و العيال المقاريض عيالنا عليا و تنطوا عليا و توقعونى و انا محتاس بالاكياس اللى جايبها و اطلع من جيبى ورده و اديها لاحلى ورده
رحمه / بس اعمل حسابك انا عاوزه واد طويل زيك و بنت قصيره زيى
رحيم / اعمل حسابى ازاى يعنى معلش لا مؤاخذه
رحمه / و انا مالى تركز
رحيم / اركز ؟؟؟حاضر هركز حاضر
رحمه / ههههههههههههههه
رحيم / انا بحبك يا اوزعتى
رحمه / انا مش اوزعه مكانوش تلاته و عشرين سنتى فرق بينا
رحيم / شويه فعلا
رحمه / هههههههههههههههههههههه
حياه تدخل
حياه / الدحكه دى تبقى اكيد بتكلمى رحيم
رحمه تهز راسها
حياه / طب سلميلى عليه انا داخله انام عاوزه حاجه
رحمه / تسلميلى انا كمان هنام خلاص
حياه / ربنا يسعدكوا و يبعد عنكوا ولاد الحرام
رحمه / امين
حياه تمشى و رحمه تكمل تليفون
رحمه / دى ماما
رحيم / سمعتها
رحمه / طب ايه مش ناوى تنام
رحيم / عاوز انام بس صعبان عليا اقفل معاكى
رحمه / ههههههههههه يخليك ليا
رحيم / و يخليكى ليا تصبحى على خير
رحمه / و انت من اهله
..............
بعد اسبوعين
رحيم / هو انتوا مش ناوين تحنوا علينا و تكتبوا الكتاب مش النتيجه بانت و البطوله اتاخدت مطلوب منى ايه اكتر من كدا
محمود / والله انت امرك غريب هيفرق معاك ايه كاتب الكتاب من مش كاتبه
رحيم / لا تفرق كتير اولا هقد مع رحمه براحتى مش هبقى ببص يمين و شمال لحسن حد يطب علينا و يعملنا بوليكا زى مانت فاهم
محمود / انا مش مرتاحلك يا وله
رحيم / ليه بس يا عموا هو انا لو نيتى وحشه كنت طلبت الحلال بس
محمود / طب سبنى افكر
رحيم / و لا تفكر و لا متفكرش انت واعدنى و انا عملت اللى طلبته مينفعش ترجع فى كلامك
محمود / خلاص يا رحيم سبنى بس اظبط الموضوع مع ابوك و هنشوف
رحيم / اخركوا اجازه نص السنه ماشى
محمود / ماشى يا رحيم ماشى
عفاف / رحيم انا عوزاك فى كلمتين على انفراد
رحيم / يا ساتر استر
عفاف / بقى كدا
رحيم / بهزر يا تيته يلا على غرفه الاجتماعات
.................
فى اوضه عفاف
عفاف / رحيم الكلام اللى هقوله ده معرفش صح انى اقوله دلوقت ليك و لا لا بس انا شايفه ان حقك تعرف
رحيم / تيته ايه الدخله دى
عفاف / بقولك ايه انت بتحب رحمه بجد
رحيم / اوى يا تيته انتى يعنى مش عارفه
عفاف / قد ايه يعنى ... يعنى مستعد تمشى معاها بجد لاخر المشوار و لا هتسيبها فى اول عقبه فى حياتكوا
رحيم / انتى بتسالى اساله غريبه اوى يا تيته انتى عارفه انى مقدرش اعيش منغيرها حتى رحمه دى حته منى و بحبها اكتر من اى حاجه تانيه فى الدنيا
عفاف / طب الكلام اللى هقوله ده سر بينى و بينك محدش يعرف الحوار ده غير انا و عمك محمود و انت دلوقت
رحيم /حوار ايه يا تيته قلقتينى
عفاف / انت عارف ان عمتك حياه كان عندها مشاكل و قعدت عشر سنين مبتخلفش
رحيم / اه و بعدين رحمه جت
عفاف / ايوه بس اللى محدش عارفه ان الدكتور اللى كانت حياه بتابع معاه كان عاوز ينزل رحمه فى الشهر التانى
رحيم / ليه
عفاف / منعرفش هو شاف ايه فى السونار و لا التحاليل الله اعلم هو ليه قال كدا بس هو كان خايف انها تيجى بنت
رحيم / اشمعن
عفاف / هو قال ان البيبى ده لو جه بنت مش هتخلف
رحيم / ايه الهبل ده على اى اساس يعنى عرف دى كلها ارزاق من عند ربنا
عفاف / رحيم رحمه متعرفش اى حاجه عن الموضوع ده و لا حتى حياه بس انا بقولك عشان تشوف هتقدر تكمل من دلوقت و لا لا
...............
فى الصاله
عماد و عبير يدخلوا
محمود / اهلا بالعرسان انتوا جيتوا امتى
عماد / لسه واصلين حالا ايه رايكوا فى المفاجاه دى بقى
محمود / والله مفاجاه جامده بس كنت قول عشان امك و ابوك يستنوك
عماد / هما فين صحيح
محمود / معرفش خرجوا يروحوا مشوار بس كلمهم فى الموبايل هيجوا طيران
عبير / امال تيته فين طيب اسلم عليها
محمود / جوه فى اوضتها خشيلها دى هتفرح اوى برجوعكوا
عبير / حاضر
..........
فى اوضه عفاف
رحيم / انتى بتقولى ايه يا تيته انتى بتعملى فيا مقلب صح عشان تعرفوا غلاوه رحمه عندى
عفاف تسكت
رحيم / يعنى عاوزه تقولى ان رحمه مبتخلفش
عفاف / احتمال محدش يعرف
رحيم / و المفروض انى اعمل ايه يعنى اختار
عفاف / اهدى يا رحيم
رحيم / المفروض انى اختار بين انى اكون مع رحمه و بين انى اكون اب صح
عفاف / انا شجعت الحب ده لانى عارفه انك عمرك مهتجرحها
رحيم / مفكرتيش فيا يا تيته مفكرتيش فى رحمه اى كان قرارى
عفاف / رحمه متعرفش
رحيم / مهو اكيد هتعرف مهو لو سبتها هتقولولها سابك ليه عشان هو عيل واطى و لا هتقوليلها ايه
عفاف / اهدى يا رحيم
.........
