((((((((مفيش رحمه )))))))))
#لولو_محمد
الحلقه ٤٩
زياد و ابوه الدكتور محمود و زوجته عالسفره بيتعشوا تليفون زياد يرن يكنسل يرن تانى يكنسل
والدته / مين يا حبيبى
زياد / دى طالبه فى المشروع تلاقيها بتتصل تسال عن حاجه
محمود / طب رد عليها يمكن محتاجه حاجه فعلا
زياد / عن اذنكوا
...........................
زياد يقوم يدخل اوضته و يرد
زياد / ايه ايه كنسلت مره و اتنين مفيش فايده مفيش مخ
روقيه / اسفه حقك عليا
زياد / خير عاوزه ايه
روقيه / انا بتصل بيك عشان اعتزرلك
زياد / تعتزرى
روقيه / ايوه لازم اعتزر على كل اللى فات انا اسفه يا زياد و مبروك عليك سمر بنت حلوه و كويسه و بنت دكتور ربنا يتمملكوا على خير
زياد / شكرا حاجه تانى
روقيه / لا مفيش انا بس كنت بنهيها بشكل يليق بكرامتى
زياد / بصى يا روقيه انا عارف انك
روقيه / لا متشغلش بالك خلاص كلها كام يوم و اتخرج و ميبقاش فى اى حاجه تربطنا غير اننا هنبقى زمايل فى مهنه واحده و لازم ميبقاش جوانا اى حاجه وحشه ناحيه بعض
زياد / شكرا
روقيه / سلام
زياد يقفل السكه و يطلع لاسرته
..............
بعد فتره طويله فى بيت رحيم
رحيم / ياااااه اخيرا الواحد اتخرج
رحمه / الحمد لله بعد 21 سنه مزاكره خلاص مش همسك قلم تانى
رحيم / خلصنا من الكليه فاضل الجيش
رحمه / صحيح نسيت خالص بس متنساش ان فى احتمال تاخد اعفا
رحيم / لا مفتكرش المهم احنا عاوزين نحدد معاد و نشوف الدكتور هيقول ايه عن معاد العمليه
رحمه / باذن الله
..................
فى البيت
عماد / الف مبروك ياسى رحيم ولا نقول يا دكتور رحيم
رحيم/ دكتور ايه يابنى لسه بدرى اوى
عماد / بس هو فى احلى من كدا تتعين انت و المدام فى مكان واحد و قسم واحد يلهوى عيال ملزقه
عبير / هههههههههههه سبحان الله اول مره يعينوا اتنين مره واحده و ياخدوكوا انتوا
عماد / اتولدوا فيوم واحد و عاشوا حياتهم سوا و هيشتغلوا سوا منتهى الملل
عبير / ههههههههههههههههه سيبك انت فين الحلاوه
رحيم / بس كدا انتوا شوفوا عاوزين تتفسحوا فين و انا عازمكم
عبير / صحيح هو صحيح انتوا هتروحوا المستشفى الاسبوع الجاى عشان العمليه
رحيم / باذن الله رحمه بقالها فتره عالعلاج و ربنا يسهل دعواتكم
عبير / تحبوا اجى معاكم
رحيم / مفيش لزوم انا هحتاجك فى حوار اهم هسيبلك بشرى امانه
عبير / دى صحبتى يارحيم بس متاكد انكوا مش عاوزينى معاكوا
رحيم / كتير خيرك انا هنزل بقى شوفوا لو هتخرجوا اللبسوا
.....................
فى بيت سمر بعد فتره
زياد / انا مش فاهم ايه اللى جد
سمر تطلع ظرف من شنطتها
سمر / ده اللى جد رسايلك و كلامك مع اللى اسمها روقيه دى
زياد / افندم روقيه مين
سمر / اسال نفسك الحاجات دى جاتلى فى الميل امبارح و ده سجل مكالمات من تليفونها كنت بتقعد ترغى معاها فى التليفون بالاربع ساعات فمتفهمنيش بقى انك متعرفهاش
زياد / لا اعرفها بس انا علاقتى بيها انتهت من قبل مخطبك حتى
سمر / بطل كدب بقى يا اخى
اسماعيل يدخل
اسماعيل / هو فى ايه
سمر / بص يا بابا انا مش هقدر اكمل فى الجوازه دى خصوصا مع واحد كان بيعرف واحده تانيه عليا انا اسفه اوى
زياد / على الاقل اسمعينى
سمر / تواريخ الرسايل و الشات بينكوا و المكالمات كلها فى الظرف مفتكرش ابدا انى محتاجه اسمع اى حاجه و شكرا عن اذنكوا انا داخله انام
سمر تدخل
اسماعيل / نورت يا زياد
زياد يمشى
.......................
فى المستشفى
منه و عماد قاعدين جنب بعض فى الاستقبال و كل واحد عمال يبص الناحيه التانيه عشان ميتكلموش
عماد / فطرتى
منه / اها الحمد لله
عماد / و انا كمان
منه / كويس
عماد / اجيبلك شاى
منه / لا شكرا
عماد / طيب ....... صحيح يا منه ........
منه / الا ايه اخبار محمود عسول اوى ما شاء الله ربنا يخليهولك
عماد / اه محمود كويس الحمد لله شقى مطلع عين امه
منه / كويس ربنا يباركلك فيه و عقبال متجبله اخت حلوه كدا تكون شبه مامته
عماد / وصلت ..... بس ممكن على الاقل تسمعينى
منه / اسمع يا عماد انا عارفه هتقول ايه بس ياريت انت الاول تسمعنى
عماد يبصلها و يسكت
منه / انت غالى عندى اوى يا عماد و اصعب حاجه عملتها فى حياتى انى بعدت عنك بس والله دا لمصلحتنا كلنا عشانك و عشان محمود ابنك انا عمرى مكنت اقبل انى اكون السبب انك تكون تعيس
عماد / و هو بعدك عنى هيسعدنى
منه / ايوه هيسعدك و يساعدك تنسى انت زوج و اب دورك انت تحافظ عالمسؤليه دى
عماد / مين فى الدنيا مبيغلطش انا غلطت و من حقى فرصه تانيه
منه / ربنا اداك فرصه تانيه اداك نعمه اديك شايف اخوك و اختك بيعانوا ازاى جوه عشان يبقوا فيها اديك شايف رحمه و اللى بتعانيه خد بالك من ابنك هو محتاجك و محتاج امه اكتر بكتير مانت محتاجنى
عماد / بس انتى مش فاهمه
منه / لا انت اللى مش فاهم انا و انت مستحيل نكون اكتر من اخوات ارجوك يا عماد بلاش نخسر ده كمان
عماد / ماشى حقك برضه
منه / متزعلش منى يا عماد بكره هتعرف انى كنت صح بكره تشكرنى انى مشجعتكش عالغلط ده بكره تشكرنى صدقنى
عماد / شكرا
منه / العفو
...................
بعد كام يوم
رحيم / ممكن اعرف بتعيطى ليه
رحمه / انت مش هتروح الجيش هعد خمسه و اربعين يوم مشوفكش فيهم
رحيم / ياربى عالافوره مش قولنا هتبقى تيجى اجازات
رحمه / خد بالك من نفسك ماشى
رحيم / سيبك انتى منى خدى انتى بالك من نفسك على عينى والله اسيبك الفتره دى لكن بقولك ايه ابوس ايدك تركزى لا تعملى مجهود و لا تشيلى تقيل لحد منطمن
رحمه تتنهد
رحيم / ليه كدا بقى
رحمه / بص سبها لله خلاص و خد بالك من نفسك
رحيم / متقلقيش هبقى اكلمك
رحمه / ازاى هو مش ممنوع الموبايل
رحيم / لا مانا واخد الشريحه انا سالت كذا حد كلهم عاملين كدا
رحمه / ربنا يسهل
................
بعد فتره
رحمه / منوره يا بشمهندسه اللهام بجد احلى مفاجاه فى الدنيا
اللهام / انا كنت فاكره انك يوم مهتتخرجى هتيجى المكتب علاطول و دكتور اسماعيل كان ماكدلى ايه اللى جد يا بنتى
رحمه / اعمل ايه بس رحيم راح الجيش و انا باخد بالى من بشرى و البيت و كمان اتعينت فى الكليه الصبح فهيبقى صعب اجى كمان المكتب بالليل
اللهام/ ربنا يوفقك انا بس قولت اطمن عليكى
رحمه / ميرسى اوى لزوقك
الباب يخبط
رحمه / عن اذنك ثانيه
رحمه تقوم تفتح تلاقى عبير شايله محمود على ايدها
عبير / بقولك ايه انا نازله اشترى شويه حاجاه تخليش محمود معاكى ساعه زمن
رحمه / اوى اوى يا سلام
عبير / ايه ده انتى عندك ضيوف
عبير تدخل تلاقى اللهام
عبير / اهلا اهلا
اللهام / ازيك يا عبير
عبير / زى مانتى شايفه مفيش احسن من كدا
اللهام / طب انا اطمنت عليكى يا رحمه استاذن انا بقى
عبير / نورتى متقطعيش الجوابات
اللهام / لا ازاى دى رحمه اختى الصغيره
عبير / طبعا طبعا تعالى اوصلك فى طريقى
اللهام / ملوش لزوم متتعبيش نفسك
عبير / لا ازاى اتفضلى
..........
فى المدخل
عبير / سبحان الله بس انتى الجواز بان عليكى اوى يا اللهام
اللهام / مش اكتر منك يا حبيبتى
عبير / ازاى بس طب دانا خسيت كل الوزن اللى زدته فى الحمل و اكتر و ربنا يخليلى عماد بيخلينى اروح الكوافير مرتين فى الشهر ادلع فيهم و عاملى اشتراك سنوى فى الجيم و الاسبا
اللهام / كويس و الله امال مش باين عليكى يعنى
عبير / نورتى يا اللهام
اللهام / تعرفى يا عبير انتى عمرك مهتتغيرى هتفضلى طول عمرك بغل و عينك على اللى فى ايد غيرك يعنى شوفى انتى عايشه فين و ازاى و برده بتبصى على اللى فى ايدى
عبير / ههههههههههههه دا رايك لا يا ماما فوقى لانتى و لا اللى عندك تيجوا حاجه فى اللى عندى انا بس بحمد ربنا كل مبشوفك على ان ربنا نجانى مالمصيبه اللى كنت هقع فيها لولاكى
اللهام / لو كان مصيبه و لو كان اللى عندك احسن ليه مش قادره تنسى ليه بتحاولى تثبتيلى بكل قوتك انك احسن عشان انتى بالرغم من كل اللى عندك مش كفايه عليكى مبتشبعيش بس عالعموم ربنا يعينك اصل اللى زيك مبيملاش عينهم الا التراب
عبير / اطلعى بره بيتى
اللهام / احنا وافقين فى الشارع يا عبير
عماد يدخل
عماد / اهلا بشمهندسه اللهام ايه المفاجاه الحلوه دى
عبير / كانت بتزور رحمه و ماشيه
عماد / تحبى اوصلك
اللهام / لا ميرسى هاخد تاكس متتعبش نفسك
عماد / ازاى بس تعبك راحه دا كفايه تعب بشمهندس على معايا فى اسكندريه والله شخصيه محترمه جدا
عبير / على يدى
اللهام / عن اذنكوا عشان كدا هتاخر
عماد / طب اتفضلى هوصلك يلا يا عبير
عبير / مرزقه من يومها يلا يا حبيبى
.................
بعد فتره
رحمه قاعده بتعيط الباب يخبط رحمه تمسح دموعها و تقوم تفتح
زينب / ازيك يا رحمه عندك خل لحد معماد يجيبلى
رحمه / اه ثوانى اتفضلى
رحمه تدخل المطبخ و تجيب ازازه الخل تلاقى زينب قاعده عالكنبه
زينب / امال بشرى فين
رحمه / طلعت تلعب عند عبير مع محمود الصغير
زينب / و ماله بقولك ايه كلمتى رحيم
رحمه / اه اتصل بيا امبارح
زينب / و ياترى بشرتيه و لا غمتيه فى سفره ياعينى
رحمه تبصلها و تسكت
زينب / انا قولت كدا برضه مفيش فايده بصى انا صبرت عليكى بما فيه الكفايه و بيتهيالى انا كدا عدانى العيب و ازح بصى يا بت حياه انا هروح بكره اخطب لرحيم واحده تانيه مانا مش هعيش العمر كله انا من حقى اشيل احفادى و لو انتى مش عارفه تجيبى حته عيل يبقى لزمتك ايه فى الدنيا
رحمه / اللى تشوفيه
زينب / جادعه انا عوزاكى لما رحيم يجى تبقى شاطره كدا برضه بلاش تلبسيله وش الضحيه عشان انتى عارفه كويس ان ابنى هو الضحيه معاكى يا ساتر بت تقيله
زينب تاخد ازازه الخل و ترزع الباب وراها و رحمه بتعيط
............
بعد فتره
فى شقه زينب رحمه واقفه فى المطبخ و بتساعد فى الاكل مع عبير
زينب / ايه يا بنات لقمه مش عارفين تخلصوها انجزوا شويه
بشرى تدخل
بشرى / ماما رحمه انا عطشانه
زينب / صحيح القرعه تتباهى بشعر بنت اختها
رحمه تملا كوبايه ميه و تديها لبشرى تاخدها و تطلع بره و ثوانى و يسمعوا صوت ازاز بيتكسر
زينب / بت الكلب كسرت الكوبايه
الكل يجرى عالصاله رحمه تجرى تشيل بشرى
رحمه / الحمد لله يا حبيبتى انك متعورتيش ايه مش تاخدى بالك
زينب / يخربيتك كدا السجاده بلتيها ايه عميتى
زينب تحاول تجيب بشرى من شعرها رحمه تشدها بعيد عن ايدها
رحمه / دى عيله و غصب عنها و انا هنضف كل حاجه
زينب / لا يا شيخه نقصاكى انا عشان تجيبى عيله مالشارع تكمل عليا
رحمه / مكفايه بقى يا شيخه اتقى الله هو عشان بسكت مترحمينا بقى انتى ايه مبتتعابيش
زينب / انتى كمان بتردى عليا يا بت حياه
زينب تجيب رحمه من شعرها فى الارض و تضربها و بشرى تجرى تنادى لعماد من المعرض يطلع يبعد امه عن رحمه
رحمه / لو كان بابا عايش مكنتيش اتجاراتى تمدى ايدك عليا مكنتيش اتجراتى تعاملينى كدا اصلا
زينب / شايف يا عماد البت و قله ادبها
رحمه / هانت كلها خمس ايام و يرجع
زينب / انتى بتهددينى يا بت طب قسما عظما مانتى بايته فى البيت
عماد / انهى بيت اللى بتكرشيها منه
زينب / يانا يابت الجزمه دى فى البيت ده و هنشوف يا بت حياه انا و لا انتى
رحمه / الجزمه دى تبقى ست ستك و مش هتيجى انتى على اخر الزمن تغلطى فيها منك لله يا شيخه منك لله
عماد يشد رحمه يدخلها بيتها هى و بشرى و يقفل الباب و رحمه تقعد عالكنبه بتعيط
رحمه / انا فعلا مينفعش اعيش هنا و رحيم مش موجود
عماد يقعد جنبها
عماد / حقك عليا انا
رحمه / انا كرهت عيشتى كرهت نفسى يا اخى هو فى ايه الله يعينك يا ماما عشر سنين فى الهم ده جبتى الصبر منين
عماد / مانتى برضه رديتى عليها و اهو لما رحيم يجى هتعمله فيلم اسمعى يا رحمه عشان خاطرى رحيم هينزل اجازه كام يوم مينفعش تغميه
رحمه / هو فى اكتر ماللى هيعرفه غم العمليه فشلت يا عماد انا مقولتلوش
عماد / بصى الكام يوم دول روحى عند منه هدى اعصابك و ابعدى عن الجو ده
رحمه / اسفه انا مش هسيب بيتى ده بيتى شقه ابويا و امى و مش على اخر الزمن هروح انام عند الغرب
عماد / اللى يريحك محدش يقدر يجبرك على حاجه
رحمه / بس والله مهسكت يلا عليا و على الكل بقى انا تعبت هو فى ايه دانا بشر لحم و دم
عماد / و هتكسبى ايه
رحمه / انا انضربت يا عماد امك ضربتنى يعنى مش كفايه مستحمله زلها فيا طول الوقت كمان بتمد ايدها فاضل ايه يا عماد فاضل ايه خدنى يارب بقى انا تعبت
عماد / بعد الشر
رحمه / لو كان رحيم هنا كانت عملت كدا رحيم كان سكت
عماد / لا مكنش هيسكت
رحمه / امال انت ليه ساكت مش انا اختك ليه مبتدافعش عنى
عماد / قدام مين امى اولعها اكتر مهى والعه اخربها و اقعد على تلها
رحمه / خلاص يبقى تبعد انت بقى و انا هكلم عموا محمد و احكيله على اللى حصل
تليفون يرن
رحمه / اهو عموا محمد اهو سبحان الله ......الو ايوه يا عموا
محمد / انتى تعملى كدا يا رحمه هى حصلت انا كنت فاكرك اعقل من كدا
رحمه / ايه ؟؟؟؟
محمد / انا مكنتش اتصور ابدا ان بنت محمود الصياد تضرب مرات عمها و تشتمها ايه اللى جرالك يا بت انا بجد مصدوم فيكى
رحمه تعيط اوى و تقفل السكه
عماد / فى ايه
رحمه / متشغلش بالك ممكن تسبنى لوحدى
عماد / انا هتصل بمنه تيجى تقعد معاكى
رحمه تعيط على اخرها
عماد / حقك عليا انا يا رحمه انا عارف انك شلتى كتير بس
رحمه / عادى يا عماد بجمله هى بشرى فين ..... بشرى بشرى
بشرى تطلع من اوضتها خايفه رحمه تجرى عليها تحضنها
رحمه / متخافيش يا حبيبتى متخافيش
عماد / عن اذنكوا
عماد يروح الشقه التانيه
زينب / انا نفسى اهم الجبله ده نوعه ايه ايه يا عماد هو مفيش دم تروح معاها و تسيب امك
عماد / اللى بيحصل فى البيت ده كله ذنبك انتى يا ماما و عمرنا مهيتصلح حالنا و انتى بتظلمى البت دى رحيم كلها خمس تيام و راجع و اكيد هتحكيله لو هى محكتش بشرى هتحكى
زينب / ابوك زمانه جاى و هيربيها
عماد / شتمتيها و ضربتيها و كمان بتتبلى عليها ايه يا ماما نسيتى ان ربنا موجود لو كدبتى على بابا هتكدبى على ربنا
زينب / شوفتى يا عبير غسلتله مخه بت حياه
عماد / طنط حياه عمرها مكانت هتعمل معانا كدا لو كان الوضع معكوس عمرها مكانت هتيجى علينا او تظلمنا
زينب / انت بتصدق دى كانت حربايه على كل لون
عماد / اه صح انا نازل المعرض ياريت يا عبير لما بابا يجى متدخليش خالص تاخدى الواد و تقفلى عليكى شقتك
زينب / هو ايه انت هتحبسها و لا ايه دى معايا و فى حمايتى و مفيش مخلوق هيكلمها
عماد / لو شهدتى شهاده زور يا عبير ملكيش عيش معايا و اه لما بابا يجى متتوقعيش انى هقول غير اللى شوفته و سمعته بودانى انا عندى ابن صغير و مش حمل دعوه واحده مظلومه عليا كفايه اللى عملته فيها كفايه اوى انها صابره لحد دلوقت ربنا يعينها
زينب / ياخويا متغور فى ستين داهيه هى ايه اللى جابرها و بكره اجيب مكانها ست ستها
عماد يبصلها و يسكت و يمشى
....................
بعد شويه كتير
محمد يوصل يدخل على زينب تعمل نفسها بتعيط
زينب / انا عيله زى دى تعمل فيا كدا والله لو مكنش رحيم مسافر كنت روحت عملت فيها محضر فى القسم و بيتها فيه و عرفتها ان الله حق
محمد / انا مش مصدق ان رحمه تعمل كدا انا اتصل بيها تقفل السكه فوشى هى ايه اللى جرالها البت دى
زينب / البت اتجنت خلاص لما عرفت ان العمليه فشلت و انها محملتش قولتلها ترحم الواد و تخليه يتجوز هبت فيا و قامت شتيمه و زعيق اهدى يا رحمه اتلمى يا رحمه عيب كدا يا رحمه مفيش فايده ابدا و رزعت الكوبايه كسرتها فى الارض و غرقت السجاده و اتهجمت عليا و قعدت تدعى عليا
محمد / مستحيل
زينب / بقولك اتجننت و سحبت بشرى و دخلت شقتها و قفلت عليهم الباب
محمد / امال عماد فين بكلمه مبيردش
زينب / عماد عماد جه و دخلها و فضل معاها جوه يجى ساعه و زياده و لا عامله اعتبار ان جوزها مش موجود
محمد/ ايه الكلام ده يا زينب
زينب / بص اخوها مش اخوها الحق حق مكنش يصح ابدا يتقفل عليهم باب الوقت ده كله
محمد / و عبير
زينب / لما عماد طلع من عند رحمه عبير بتعاتبه هاج فيها و حلف عليها يمين طلاق لو خرجت من بيتها مهى دخلاه تانى دى فره و ضربت فى البيت كله استر يارب من دى عيله اعمل ايه بس يا محمد انا تعبت والله تعبت
محمد / انا هروح اشوف ايه اللى حصل بنفسى
زينب / انا جايه معاك
محمد / خليكى هنا
......................
