((((((((مفيش رحمه ))))))))
#لولو_محمد
الحلقه الاخيره
زينب / عماد عماد جه و دخلها و فضل معاها جوه يجى ساعه و زياده و لا عامله اعتبار ان جوزها مش موجود
محمد/ ايه الكلام ده يا زينب
زينب / بص اخوها مش اخوها الحق حق مكنش يصح ابدا يتقفل عليهم باب الوقت ده كله
محمد / و عبير
زينب / لما عماد طلع من عند رحمه عبير بتعاتبه هاج فيها و حلف عليها يمين طلاق لو خرجت من بيتها مهى دخلاه تانى دى فره و ضربت فى البيت كله استر يارب من دى عيله اعمل ايه بس يا محمد انا تعبت والله تعبت
محمد / انا هروح اشوف ايه اللى حصل بنفسى
زينب / انا جايه معاك
محمد / خليكى هنا
......................
محمد يروح يخبط على رحمه متفتحش
محمد / افتحى يا رحمه انا عمك افتحى
رحمه مبتفتحش
زينب / هى ليها عين توريك وشها بعد اللى عملته
رحمه تقوم تفتح الباب ووشها كله احمر
رحمه / اتفضل يا عموا بيتك و مطرحك
محمد يدخل زينب تزق رحمه و تدخل هى كمان
رحمه / ليكى عين تدخلى بيت الست اللى شتمتيها
زينب / شايف يا محمد ربايه بت اخوك بتكرش حماتها من بيته دا بيت ابنى يا حبيبتى انتى فاهمه و لا لا
محمد / ارحمينى يا زينب انا قولتلك خليكى هناك انا عاوز اتكلم مع بنت اخويا لوحدنا لو سمحتى
زينب / و انا مش هسيبها تنزلك شويه دموع تماسيح من بتوعها و تكدب عليك
رحمه / متخافيش انا مش شاطره اوى فى الموضوع ده زيك
محمد / جرا ايه يا رحمه عيب كدا دى مهما كانت مرات عمك و حماتك احترميها شويه
رحمه / احترمها ازاى بعد مغلطت فى امى
زينب / اما صحيح اللى اختشوا ماتوا
رحمه / الله يرحمهم ماتوا كلهم زى مانتى شايفه
محمد / احكيلى انتى يا رحمه ايه اللى حصل
رحمه / بشرى كسرت كوبايه الميه و طنط كانت عاوزه تضربها و لما حوشتها عنها شتمتنى فرديت شدتنى من شعرى و ضربتنى
زينب / ايه الفيلم الهندى ده و هو انا هقدر عليكى انتى عشنا و شوفنا
رحمه / لو مش مصدقنى اسال بشرى هى البت الصغيره دى هتعرف تكدب
زينب / بشرى مين دانتى زمانك بقالك يجى ساعتين عماله تحفظيها الفيلم اللى انتى مالفاه ده
رحمه / خلاص اسال عماد و عبير حفظتهم دول كمان
محمد / انا مش عارف اقول ايه
رحمه / متقولش انا مش مستنيه اسمع حاجه انا حقى هاخده لما رحيم يجى
زينب / شوفت يا محمد اهى بانت على حقيقتها اهى عاوزه توقع بينى و بين ابنى
محمد / اسمعى يا رحمه انا هتكلم مع عماد و لو ليكى حق انا اول واحد هجيبهولك
رحمه / كتر خيرك يا عموا كلها كام يوم و جوزى يجى هو مش هيحكم عليا قبل ميسمعنى و يتصل بيا يهزانى
محمد / و دا يديكى الحق تقفلى السكه فوشى
رحمه / حقك عليا بس انا خلاص طاقتى خلصت و معدش عندى استعداد استحمل اى حاجه خلاص تعبت
محمد / انتى كبيره و عارفه الصح مالغلط و على رايك جوزه كلها كام يوم و يجى و من هنا لحد ميوصل انا متاكد ان حقك هيكون رجعلك يا بنت اخويا
رحمه / الله يرحمه لو كان عايش مكنش حاجه من دى حصلت
محمد ياخد زينب من ايدها و يمشوا و رحمه تقفل الباب و تعيط فى الارض
...............
فى المعرض
عماد / اقولك ايه يا بابا ان ماما كدابه و انى طلعت سحبت رحمه من تحت رجليها و هى بتضربها كانها عدوتها
محمد / انا مش عارف اعمل ايه بس يا عماد
عماد / يا بابا مش اول مره نكلمك فى الموضوع ده طول محضرتك سايب البيت ماما هتفترى اكتر و اكتر و الفتره اللى فاتت من يوم مرحيم سلم نفسه و هى مزوداها اوى
محمد / يعنى اطلقها بعد العمر دا كلو يقولوا ايه ابوك رما امك
عماد / انا مقولتش كدا بس عقلها احكمها خدها معاك على الاقل
محمد / افهمهالك ازاى انا و امك منفصلين لولا الناس كان زمانى طلقتها بس ساعتها هتعيش دور الضحيه و تفضحنا وسط الناس اكتر ماحنا مفضوحين
عماد / يا بابا طب انا اعمل ايه رحيم لما هيجى البيت هيولع اكتر مهو والع و اول ميتصل برحمه فى التليفون هتحكيله كل حاجه
محمد / رحمه اعقل من كدا
عماد / انا و انت عارفين الحقيقه كويس لو رحمه بعد كل اللى حصل ده عرفت الحقيقه دى هتقلب المعبد علينا كلنا لازم نلم ماما عنها انا متاكد اننا لو قولنا لماما الحقيقه مش هتقول لرحمه
محمد / و ايه اللى مخليك متاكد اوى كدا ان امك متعرفش
عماد / قصدك ايه ماما عارفه
محمد / اه عارفه من زمان
عماد / امال بتعمل كدا ليه
محمد / هى بتقول بتحمى ابنها ان رحمه تركبه
عماد/ فى اى منطق ده
محمد / فى منطق امك لو رحمه لقتها مكسروه قدامها هتفهم انها مفيهاش حاجه و تفترى على رحيم
عماد / و انت هتسكت على كدا هتسكت على اللى بيحصل فى بنت اخوك رحمه لو عرفت عمرها هتسكت عمرها مهتسامح رحيم و لا هتسامحنا هنقول ايه لعموا محمود اننا افترينا على بنته كلنا
محمد / متعملش عليا ملاك انت اللى اقترحت مالاول اننا نكدب و انت اللى زورت التحاليل و كلنا بنغطى على عملتك
عماد / اه بس معرفش ان ماما عارفه معرفش انها تعمل ده قاصده
محمد / هتعمل ايه هتطلع تقول لرحمه الحقيقه روح هد المعبد على دماغ اخوك و دماغنا خليها توقع عيله الصياد كلها انت عارف كويس ايه اللى هيحصل
عماد / اعمل ايه بس يا بابا اعمل ايه بس
محمد / انا هاخد امك اسكندريه و انت تطيب خاطرها و انا متاكد انها مش هتقول لرحيم حاجه و الموضوع كان لم يكن و بعدين انت مش قايلى ان رحيم بيستجيب للعلاج
عماد / ايوه كل مره تحاليله بتبقى احسن من اللى قبلها
محمد / خلاص صبرنا كتير و هانت انا طالع اتكلم مع امك و انت روح لرحمه و فهمها انك قولتلى الحقيقه و انى عاقبت امك و خدتها اسكندريه بعيد عنها و حقها عليا و انا هبقى اكلمها و اكمل على كلامك
عماد/ ربنا يستر
.............
بعد كام يوم
رحيم يدخل مع عماد يلاقى رحمه يشيلها و يلف بيها ثوانى و بشرى تطلع تجرى مالاوضه ياخدها فى حضنه
رحيم / وحشتونى موووووت ايه مفيش مره تيجوا زياره مصدقتوا بعتونى كدا
رحمه / معلش والله على عينى
رحيم / مالك
رحمه / مفيش انت بس واحشنى موت
رحيم / انتى زعلانه عشان العمليه
رحمه تبرق
رحيم / عماد قالى
رحمه تبتسم بابتسامه مكسوره
رحيم / متزعليش نفسك المره الجايه باذن الله تنجح و بعدين لعله خير على الاقل ابقى جنبك اخد بالى منك خصوصا بعد ماما سافرت مع بابا
رحمه تبصله و تبتسم من تحت الدرس
رحيم / بس تصدق ياد يا عماد ابوك و امك دول مفقود فيهم الرجا تخيل يا اخى اغيب كل الفتره دى و ارجع ملاقيهومش دانا هكلمهم فى التليفون بص هتشوف انا قولت هلاقيهم اول ناس فى استقبالى
عماد / ياعم هما مكنوش عارفين انك جاى النهرده انت كلمهم بس و قولهم انك جيت و هما هيجوا جرى طبعا
رحمه / انا هدخل احطلك الاكل زمانك جعان
رحيم / على رايك واقع الاكل هناك مكنش ولا بد بطنى نشفت والله
رحمه تبتسم و تدخل المطبخ
عماد / بقولك ايه انا هنزل المعرض بقى
رحيم / تنزل فين خلى عندك دم دول خمسه و اربعين يوم
عماد / عاوز ايه يعنى
رحيم / ساعتين بس وزع بشرى
عماد / ههههههههههههه يا راجل
رحيم / خلى عندك دم هاتلها ايسكريم و لا اى حاجه ابوس ايدك اخوك واقع
عماد / افتكر الجمايل ...... بشرى بقولك ايه تاكلى ايسكريم
بشرى تجرى على عماد
عماد / يلا ننزل نلعب فى المعرض شويه
بشرى/ ماشى
بشرى و عماد ينزلوا رحيم يدخل لرحمه المطبخ يلاقيها بتحمر بانيه يحضنها من ورا
رحيم / وحشتينى
رحمه / و انت اكتر
رحيم / طب ايه انا وزعت بشرى مع عمها
رحمه / طب البانيه عالنار هطفى عليه بس
رحيم / يولع البانيه و ادى البوتجاز
رحيم يطفى العين
رحمه / انت مش جعان يابنى
رحيم / مانا هاكل هاكلك انتى
رحيم يشيلها و يدخل اوضته
....................
فى اوضه رحمه
رحيم حاضن رحمه و هى سرحانه
رحيم / بزمتك ده شكل واحده شافت جوزها بعد خمسه و اربعين يوم دانا قولت هتطيرى مالفرحه
رحمه تبتسم / طب مانا فرحانه اوى فعلا
رحيم / امال فى ايه بس يا بنتى لو على العمليه عادى انتى داخلاها و عارفه مالاول ان نسبه نجاحها متزيدش عن تلاتين فى الميه صح و لا لا
رحمه / رحيم غير السيره ابوس ايدك
رحيم / ايه بشرى تعبتك فغيابى
رحمه / بشرى ؟؟؟ دا هى اللى هونت عليا لولاها كان زمانى لوحدى خالص
رحيم / ليه ماما مكنتش بتسال عليكى
.....................
رحمه / انت واحشنى اوى يا رحيم
رحمه تحط راسها فى حضن رحيم و تعيط
رحيم / مالك يا بت
رحمه / عشان خاطرى يا رحيم متسبنيش لوحدى تانى انا مبعرفش اعيش منغيرك
رحيم / طب بطلى عياط فى ايه
رحمه / مفيش بس انت واحشنى و بجد مش هقدر عالبعاد ده كل شويه
رحيم / هانت يا حبيبتى خلاص و بعدين معلش نستحمل بس غصب عنى والله اعمل ايه
رحمه / متعملش حاجه زمانك جعان و زمان بشرى تعبت عماد تحت
رحمه تقوم تدخل المطبخ و رحيم عينه عليها و على وشه علامات تجهم
...............
بالليل
محمد / حمدالله عالسلامه يا بطل
رحيم / الله يسلمك يا بابا انا زعلان منكوا اوى دى عمله تعملوها
محمد يبص لزينب
زينب / عمله ايه يا حبيبى
رحيم / بقى انا اجى ملاقيكوش
محمد / والله اول معرفنا انك جيت جينا بالهدمه اللى علينا مستنيناش نوضب شنطه حتى
رحيم / المهم انتوا وحشتونى اوى
زينب / امال فين شوشو دى وحشتنى اوى
رحيم / بشرى بشرى
بشرى تطلع مالاوضه
رحيم / ايه يا بيبو مش تيجى تسلمى على تيته انتى وحشاها موت
بشرى / لا انا زعلانه منها ضربت ماما و خلتها تعيط
بشرى تجرى على جوه و رحيم يقوم يقف
عماد / ايه يا عم فى ايه دى عيله انت هتاخد على كلامها
رحيم يبص لامه و يبص لرحمه رحمه تقوم تجرى على جوه رحيم يبص لابوه ابوه يضير وشه
رحيم / هى حصلت لكدا امال لو مكنتش سايبهالك امانه
زينب / هو فى ايه انت هتصدق تلاقيها هى اللى محفظه البت الكلمتين دول و عامله التمثيليه دى عليك
رحيم / بشرى مبتكدبش بشرى متربيه
زينب / خلاص يبقى امك اللى مش متربيه امك اللى بتكدب يا متربى انا الحق عليا انى جيت على ملا وشى اسال عليك خليها تنفعك خليها تركبك و تدلدل رجليها
محمد / زينب
زينب / ايه يا محمد سبنى بقى دانا مبقوقه هو فى ايه ياوله هى سحرالك عملالك عمل فى ايه متجمد كدا و تشكمها اكسر للبت ضلع يطلعلها اربعه و عشرين
رحيم / و انتى انكسرلك كام ضلع يا ماما
زينب / ليه و هو انا عمرى اتمرعت على ابوك و لا حتى فكرت اقف لامه دانا كنت حطاها على راسى بس عديمه الربايه مراتك بت الغندوره حياه .......
رحمه تطلع مالاوضه
رحمه / بصى للمره المليون قولتلك متجيبيش اسم امى على لسانك
زينب / شايف يابن بطنى شايف مراتك و هى بترد على امك
رحيم / ايه اللى حصل ماما دربتك فعلا
زينب / ايوه ضربتها عشان قليله الادب و بترد عليا ايه مش من حقى اربيها
رحيم / لا مش من حقك مش من حق حد يحط ايده على مراتى ولا حتى انا مين اداكى الحق ده رحمه متربيه كويس
زينب / فيها ايه يعنى لما قولتلها انى عاوزه حفيد فيها ايه فاكره نفسها ايه
رحيم / يعنى الموضوع كدا طب خدى عندك انا مبخلفش العيب منى
زينب / متبطل بقى الجمله اللى كل متتزنق تقولها دى بطلنا نصدق معرفنا انك بتقول كدا عشان تشيل عنها
رحيم / لا المرادى دى الحقيقه رحمه مش هتشيل ذنبى تانى لو سمحت يا عماد هات التحاليل مالمكتب تحت
عماد / تحاليل ايه
رحيم / مش وقت استعباط خلاص انا مش هكدب تانى خلاص
رحمه / انت بتعمل كدا ليه
رحيم / عشان دى الحقيقه انا عندى ضعف فى عدد الحيوانات المنويه انا اسف انى كدبت عليكى بس كان غصب عنى خفت تسيبينى بس مش قادر اشوفك بتتهانى بسببى مش قادر احس بعجزى نحيتك اكتر من كدا انا اسف والله كان غصب عنى
رحمه / انت بتكدب صح قول انك بتكدب
محمد / لا بيقول الحقيقه
رحمه / و انت عارف يا عموا كلكوا عارفين الا انا
رحيم / انا عملت كدا عشان خفت تسبينى انا اتحسنت كتير والله و الدكتور طمنى اوى
رحمه / انت كدبت عليا طول الفتره دى بتدحك عليا
رحيم / اسمعينى انا كنت خايف
رحمه / مصعبتش عليك هنت عليك
رحيم / انا اسف بس وقتها كنت خايف كنت فاكرك هتسبينى
رحمه / مانا هسيبك يا رحيم و مش عشان عندك مشكله لا عشان كدبت عليا عشان خدعتنى
رحيم / اسمعى يا رحمه انا مجبتش الغلط عليكى و بعدين مانا قولت قبل كدا الحقيقه و انتى مصدقتيش و قولتلك ان العيب منى اكتر من مره
رحمه / تعرف لو كنت قولتلى كنت صبرت عليك و صبرت على الكلام اللى كان بيتقالى و مش بس كدا كنت هجيب العيب فيا و ادارى عنك عشان انت جوزى و انا ستر و غطا عليك لكن انت عملت العكس انت هربت من انك تواجهنى الناس كلها عارفه و بتدحك عليا و انت اولهم
رحيم / لا يا رحمه مش كدا انا قولتلك اكتر من مره قولتلك انك لو اتجوزتى غيرى هتخلفى
رحمه / و انا مش عاوزه اخلف يا رحيم لا منك و لا منغيرك طلقنى يا رحيم طلقنى بالزوق بدل قسما عظما تشوف وش منى عمرك مشوفته عشان انا كفرانه الصراحه
زينب / اهى بانت على اصلها انا قولت مالاول الاشكال دى مينفعش معاها المداديه دى تاخد على دماغها تمشى عدل
رحمه / بره بيتى كلكوا
بشرى تطلع مالاوضه
رحيم / انا اسف يا رحمه
رحمه / اطلع بره وورقه طلاقى توصلنى انت فاهم
رحيم / انا هسيبك تهدى و بعدين نتكلم
رحمه تسيبه و تدخل جوه رحيم يوطى على بشرى
رحيم / قوليلها ان انا اسف خليها تسامحنى قوليلها اللى بيحب بيسامح و انا كنت خايف قوليلها بابا رحيم بيحبك اوى
بشرى / هو انت زعلت ماما
رحيم / اه زعلتها اوى
الكل يمشى و بشرى تدخل لرحمه تلاقيها بتحضر شنطتها و بتتكلم فى التليفون
رحمه / شكرا يا مصطفى انا فى انتظارك
بشرى / بابا بيقولك انه بيحبك اوى و انه كان خايف
رحمه / انتى لسه صغيره عالكلام ده
بشرى / هو انتى زعلتى عشان مش عارفه تجيبى بيبى زى طنط عبير
رحمه تقعد فى الارض و تعيط بشرى تروح تقف جنبها و تطبطب عليها رحمه تحضنها و تعيط
بشرى / انتى بتحبينى صح
رحمه / طبعا بحبك ليه بتقولى كدا
بشرى / طب بتحبى بابا رحيم
رحمه تقوم تقف
رحمه / انا هاخدك عند طنط منه نقعد عندها يومين نغير جو لحد معموا رحيم يسافر
بشرى / اسمه بابا رحيم مش عموا
رحمه / براحتك
..............
فى بيت زينب
زينب / فى ستين داهيه هى فاكره نفسها بنت بارم ديله
رحيم / استفدتى ايه قوليلى بس كسبتى ايه
زينب / انت زعلان عليها بكره اجوزك ست ستها
رحيم /فضلتى تفترى و تفترى سودتى عيشه الكل و انا اللى دفعت التمن فضلتى تعايرى ماما حياه و تعذبيها مسكتى رحمه و سلختيها حكمتى عليها انها مبتخلفش من قبل حتى متعرفى الدكتور هيقول ايه
زينب / انت بتحاسبنى
رحيم / انتى امى مقدرش احاسبك بس بصيلى بصيلى و ملى عينك عشان انا ابنك بدفع التمن من عاب ابتلى بس ربنا ابتلاكى فيا حسى بوجعى بقى حسى يعنى ايه ابنك يكون عاجز
زينب / مين اللى قال كدا بكره اجوزك ست ستها و تشوف ان هى اللى قدمها فقر
رحيم / انتى بجد مش فاهمه اللى بتقوليه انا مبخلفش انا عاجز انا المعيوب انا بدفع تمن كل اللى اذيتيهم فى حياتك مرحمتيش حد و لا حتى ولادك بس للاسف مليش اختيار انتى امى و ملكيش عندى غير الطاعه
زينب / اسكت
رحيم / انا فعلا هسكت لانى معدش عندى سبب اتكلم عشانه انا معنديش اصلا اللى اعيش عشانه
عماد / اهدى يا رحيم هتتصلح كلو هيتصلح
زينب / انا عملت كل ده عشانكوا
رحيم / عشانى عذبتيها و ضربتيها و هنتيها عشانى
زينب / كنت خايفه تعرف تتنطت عليك
رحيم / يعنى كنتى عارفه
زينب / مكنش قدامى حل
رحيم / غير انك تكفريها فى عيشتها و تكرهيها فى اليوم اللى حبتنى فيه عشان اول متلاقى مبرر تبعد تهج مش كدا كان ممكن تحتويها كان ممكن تخليها تحبك
زينب / و هى من امتى حبتنى من امتى حد حبنى اصلا
رحيم / معاكى حق بس عمرك مفكرتى العيب فى مين
زينب / العيب فيا انا الوحشه انا الشريره ارتحت
رحيم/ لا مرتحتش
زينب / طب اعملك ايه اولعلك فى نفسى عشان ترتاح اروح اوطى على رجليها عشان ترتاح قولى اعملك ايه اعمل ايه يا رحيم
رحيم / انا مش عاوزك تعملى انا عاوزك تبطلى عمايل اتغيرى لنفسك قبل ولادك حاولى و احنا معاكى
محمد / خلاص يا رحيم الكلام معدش يفيد
عماد / لا يا بابا كلنا لازم نتغير كل واحد فيه عيب هو اكتر واحد عارفه كلنا لازم نصلح اخطائنا عشان نعرف نكمل
زينب / دا بدل متدافع عنى
عماد / ازاى ادافع و انا كمان مشترك معاكى من النهرده كلنا لازم نتغير كلنا لازم نبدا بنفسنا لو بجد عاوزين البيت ده يستمر
..........................
فى بيت منه
منه / طب بطلى عياط و فهمينى ايه اللى حصل
رحمه /مفيش لو سمحت يا مصطفى انا عاوزه منك خدمه شوفلى شقه بعيد عنهم و مشترى لنصيبى انا مش عاوزه اى حاجه تربطنى بعيله الصياد
ابراهيم / و هتغيرى اسمك كمان
رحمه تبصله و تعيط
ابراهيم / ايه بس يابنتى اللى حصل لكل ده
منه / طنط زينب دايقتك تانى بسبب موضوع الخلفه
رحمه تعيط اوى
ابراهيم / انا هتكلم مع عمك و اشوف ايه الموضوع
رحمه / متتعبش نفسك انا مليش اعمام انا والله لو كان ليا حد غيركوا مكنتش دايقتكوا بس انا مليش حد
ابراهيم / اهو ده الكلام اللى يزعل يابت دانتى زيك زى منه بالظبط و بعدين حماتك زعلتك رحيم حبيبك ذنبه ايه بس عاوزه تطلقى منه ليه هو انتى ليكى غيره يا بنتى
رحمه / معلش يا عموا عشان خاطرى متضغطش عليا اكتر من كدا
ابراهيم / براحتك يا بنتى البيت بيتك خدى راحتك بس متاخديش اى قرار و انتى فى الحاله دى ادى لنفسك كام يوم تراجعى نفسك و بعدها قررى
رحمه / هبقى بضيع وقت انا خلاص خدت قرارى
ابراهيم / برده فكرى تانى
مصطفى / اه صحيح رحمه انتى لو اطلقتى من رحيم بشرى هترجع الدار لازم تفكرى فيها كويس
رحمه تبص لمصطفى و تفتح فى العياط
منه / بس بقى يا مصطفى هى نقصاك انت كمان
رحمه / انا تعبت اوى تعبت و مش قادره استحمل اكتر من كدا خلاص تعبت اوى
منه تاخد رحمه فى حضنها و تحضنها
...............
فى بيت زينب
زينب / ايه الاباحه دى يعنى ايه مصطفى يجى ياخدها يعنى ايه فاكراها سايبه انت تروح بكره تطلبها فى بيت الطاعه دى ناشز و لازم تتربى
رحيم ساكت
عماد / لو سمحتى يا ماما مهياش ناقصه
محمد / ابراهيم قالى انها مصره عالطلاق و عاوزه تبيع نصيبها فى كل حاجه و مبطلتش عياط
عماد / عشان كدا مالاول قولت مينفعش رحمه تعرف
رحيم ياخد بعضه و يمشى
عماد / انت رايح فين يابنى انت يابنى استنى
محمد / اللحقه ليعمل مصيبه دا مجنون و انا عارفه
...................
فى بيت ابراهيم
مصطفى / هى نايمه
منه / نامت بعد متفلقت مالعياط
رحيم / ممكن ادخلها
منه / اديها شويه وقت تهدى يا رحيم
رحيم / معلش اخر محاوله ممكن
مصطفى / اتفضل احنا هنا
رحيم يدخل لرحمه يلاقيها نايمه يحضنها اوى رحمه تفوق و تفضل تزق فيه و هو يحضنها اوى
رحمه / ابعد عنى انا بكرهك
رحيم / انا عمرى مهسيبك انا بحبك و مقدرش اعيش منغيرك
رحمه / يبقى تموت احسن عشان انا عمرى مهسامحك ابدا
......................
رحيم / انا بحبك يا رحمه انا غلطت سامحينى انا بحبك والله مقدرش اعيش منغيرك سامحينى يا رحمه سامحى حبيبك رحيم
رحمه تزقه و تقوم تقف بعيد
رحمه / اروح فين طيب مليش مكان تانى اطلع بره يا رحيم ورحمه تيته تطلع بره
رحيم / انا وعدت تيته انى عمرى مهبعد عنك
رحمه / و هتقول لتيته ايه على اللى عملته معايا انا كان ممكن استحمل ان الكل يجرحنى انا كان ممكن استحمل اى حاجه من اى حد طول مانت جنبى لكن انت تعمل معايا كدا انت اللى تجرحنى ليه يا رحيم عملت فيك ايه تعمل فيا كدا ليه يا رحيم
رحيم / انا خفت غلطت و استاهل الشنق بس انا كنت تايه مكنتش عارف اعمل ايه حقك عليا والله مهعملها تانى بس متسبينيش و غلاوه بشرى و رحمه تيته و رحمه عموا محمود و ماما حياه و حياه اغلى حاجه عندك فى الدنيا يا رحمه متسبينى
رحمه / اغلى حاجه عندى فى الدنيا هى اللى جرحتنى
رحيم / و هو اللى جاى ينزل تحت رجليكى يترجاكى تسامحيه انا ممكن اعمل اى حاجه اى حاجه يا رحمه لو طلبتى منى اموت نفسى هموت نفسى بس سامحينى انا مقدرش اعيش منغيرك
رحمه/ اطلع بره يا رحيم سبنى فى حالى
رحيم / انا بصالحك اهو يا رحمه انا غلطان و بعتزر
رحمه / اخرج من حياتى يا رحيم و المرادى خروجه ملهاش رجوع
رحيم / انا مش هطلقك يا رحمه
رحمه / يبقى هخلعك يا رحيم
رحيم يبصلها و يبص فى الارض و يمشى
................
بعد فتره
مصطفى / انا جبتلك شقه فى العماره اللى جنبنا
رحمه / شكرا
ابراهيم / اسمعى يا رحمه مش معنى ان مصطفى سمع كلامك و جابلك الشقه يبقى هتمشى من هنا انتى بنتى و مش هسمحلك تعيشى لوحدك
رحمه / سبها لله معلش يا مصطفى انت لسه ملقيتش محامى كويس
مصطفى يبص لابراهيم
ابراهيم / اصبرى شويه يا بنتى فكرى تانى و صلى استخاره الخلع بتلت طلقات و لازمله محلل مبيبقاش بالساهل كدا
رحمه / انا خدت قرارى خلاص
منه / يابنتى اهدى و اديله فرصه الراجل جه و اعتزر و بيتصل كل يوم بالتليفون يطمن عليكى
ابراهيم / الواد عالحدود و ممكن ميرجعش و اديكى شايفه الظروف هترتاحى لو جراله حاجه و هو تعبان كدا بعيد عنك
رحمه تسيبهم و تقوم
مصطفى / متخليش شيطانك ياذيكى يا رحمه احنا اهلك و بننصحك بالصح
رحمه تضيرلهم / و هو كان رحمنى و لا فكر فيا عشان افكر فيه انا داخله ابص على بشرى و اشوف عملت ايه فى الواجب
......................
فى المعرض
ابراهيم / و جالك قلب تعمل كدا فى البت يا محمد ليها حق تقول عليا و على اعدائى مهو معدلهاش عندكوا حبيب
محمد / مكنش قدامى حل انا عرفت بعد معملوا العمله دى بكتير
ابراهيم / و عملت ايه لما عرفت غميت عنيك و عملت نفسك معرفتش و سافرت هربت زى مبتعمل من يوم مخوك مات هربان من مسؤليتك ابنك كان محتاجك جنبه توجهه و لما عرفت بدل متشجعه و تقول خلاص الفاس وقعت فى الراس كنتوا صلحتوا الوضع
محمد / مانا كنت فاكر انى لما هقول لزينب هترحم البت و تبطل تدايقها و تتقى ربنا مكنتش اعرف انها هتزود الطين بله و تهد المعبد على دماغنا
ابراهيم / اتارى البت منهاره مالعياط داحنا كنا فاكرين ان الموضوع تافه و انها مش عاوزه تحكى لكن اقول ايه بس ياخى هتقول ايه لخوك هتقول ايه لامك
محمد / متقلبش عليا الدنيا بقى انا حكيتلك عشان تساعدنى انت عمرك مكنت غريب انت اخونا التالت من زمان
ابراهيم / والله احنا هنستنى لما رحيم ينزل الاجازه الجايه و نشوف هنحاول نصالح بينهم
محمد / تصالح مين دى دماغها انشف مالحجر عمرها مهتلين دى بقالها شهر عالوضع ده و كل مبيروحلها الوضع بيبقى اسوء
ابراهيم / نحاول احنا مورناش حاجه غير اننا نحاول
..................
بعد فتره عند ابراهيم
منه / رحمه ممكن ادخل
رحمه / طبعا تعالى
منه / مالك من امبارح و انتى قافله على نفسك الباب على فكره عموا محمد حكالنا اللى حصل
رحمه / قالكوا عملوا ايه
منه / ايوه كلهم غلطانين و كلهم زعلانين جدا ماللى عملوه و مستعدين يعملوا اى حاجه عشان يراضوكى
رحمه / يريحوا نفسهم
منه / بصى هما لو سمعتيهم هتعرفى انهم عملوا ده بحسن نيه يعنى رحيم من كتر حبه بيكى عمل كدا عشان كان خايف يخسرك هو كان ممكن يزور التحليل بتاعك و يقول ان العيب فيكى بس هو مرضاش يجيب اللوم عليكى كان نفسه يكسب شويه وقت لحد ميحل مشكلته
رحمه / و حلها الحمد لله ربنا يباركله بقى مع حد تانى
منه / انتى اللى بتقولى كدا عليا انا برده يا بت دانتى بتموتى فيه طب عينى فعينك كدا
رحمه تبصلها و عنيها كلها دموع
منه / بتحبيه انتى عارفه انك بتحبيه حطى نفسك مكانه و اعزريه هو عمل اللى عليه متشيليهوش ذنب امه هو كان بيرد عنك هو كان بيعمل كل اللى يقدر عليه عشانك انتى عارفه انتى ياما قولتى و حكيتى هو دلوقت محتاجك رحيم بيحبك و انتى بتحبيه
رحمه / رحيم دبحنى يا منه
منه / رحيم غلط مش هقول لا بس هو محتاجك رحيم جاى بكره اجازه اسمعيه اديله فرصه هو بيحبك اديله فرصه و لو عمل اى غلطه تانيه ابقى ساعتها ليكى حق و احنا كلنا هنقف جنبك
رحمه / يا منه ارحمينى بقى
منه / انا هقوم و اسيبك ترتاحى بس فكرى فكلامى كويس
................
بعد فتره فى شقه زينب
زينب قاعده بتعيط فى اوضتها و هى بتطبق الغسيل رحيم يدخل عليها تمسح دموعها
رحيم / انا خارجت عاوزه حاجه
زينب / لا كتر خيرك
رحيم / انتى بتعيطى و لا ايه
زينب / لا انا بس منمتش كويس
رحيم / طب ارتاحى
زينب / وهو الواحد ممكن يشوف راحه تانى
رحيم ساكت
زينب / ستك كانت دايما تقول و انت قوى اعمل حساب يوم ضعفك خليلك عزوه تتسند عليها و انا عمرى مفهمتها كنت فرحانه بصحتى و شبابى كنت فرحانه بالواد اللى جبته قال يعنى جبته بمجهودى مش رزق من ربنا اتامرت عالغلبانه اللى ربنا مرزقهاش مكنتش اعرف انها احسن منى يوم مماتت الكل عيط من قلبه الكل زعل و اتقهر بجد لكن انا يوم مهموت محدش هيزعل عليا الكل هيفرح
رحيم / متقوليش كدا يا ماما
زينب / لو كان ربنا ردهالى فيا مكنش هيهمنى لكن انت اللى اتاذيت
رحيم / كلو هيتصلح
زينب / روحلها يابنى روحلها و صالحها خليها تسامحك و تسامحنى روحلها قبل متسافر خليها ترجع والله مهزعلها تانى والله هشيلها فى عنيا هكفر عن كل اللى عملته بس تخليها ترجع
رحيم / على الله ادعيلى
زينب / انا ممكن اجى معاك ممكن اجى ابوس رجليها لو عاوز بس تسامحنى
رحيم / و انا مرضهالكيش يا امى
زينب / انا رضياها انا اللى غلطت انا اللى افتريت
رحيم / متخافيش رحمه بتحبنى انا عارف انها هتسامح
زينب / طول عمرها بنت اصول ربايه الامره هتسامح انا عارفه انها هتسامح
رحيم / ادعيلى انا هروحلها
...................
فى بيت منه
رحيم / انا هروح اسلم نفسى بكره ارحمينى بقى اعمل ايه اكتر من كدا انا كل يوم باجى و اراضيكى و مفيش فايده فى ايه يا رحمه جبتى منين القسوه دى
رحمه / عادى هى جت عليا و من امتى كان حد رحمنى من امتى حد حس بيا او فكر فيا
رحيم / فاكره لما زعلنا من بعض زمان قولتيلى انا غلطت تقتلنى قولتيلى انى قسيت عليكى لحد مجيتى و اعتزرتى و انى كدا كسرتك فاكره
رحمه / انت بتقارن ايه بايه
رحيم / كنا صغيرين و بنعاند نفسنا يوميها انا مكسرتكيش انا كسرت نفسى من يومها و انا خايف اخسرك تانى خايف احس باللى حسيت بيه و انتى بعيد عنى خفت اشوفك مع غيرى كنت مصدوم و تايه و معنديش حد اخد رايه مكنش فى وقت انا ربنا حطنى فى اصعب اختبار ممكن شاب فى سنى يعيشه و اه اتصرفت غلط بس مينفعش تكملى عليا انا اكيد عملت و لو حاجه واحده حلوه تفتكريهالى انا اكيد استاهل فرصه تانيه رحمه انا محتاجك جنبى دلوقت اكتر من اى وقت تانى
رحمه / و المطلوب
رحيم / سامحينى و هصلح كل حاجه اوعدك انى هعيش اللى باقى من عمرى بحاول اعوضك اوعدك انا حتى جهزت ورقه اعتزار و خليت الكتيبه كلها تمضى شهود عليها
رحمه تبتسم
رحيم / ياااااااه يا شيخه ايوه بقى اسمعى اقر انا رحيم محمد الصياد و انا بكامل قوايا العقليه انى كنت حيوان و متخلف و مستاهلش احلى و اجمل و ارق
رحمه تبصله و رحيم يكمل
رحيم / طبق شعريه بلبن
رحمه تضير وشها رحيم يدحك و يكمل
رحيم / معمول من ايدين احلى بنت خلقها ربنا و انى هعيش باقى عمرى ادلع فيها لو بس قبلت تسامحنى بصى ادى كل التوقيعات اهى دا كان فاضل ختم النسر يا شيخه
رحمه تبصله
رحيم / اعمل ايه كمان قوليلى اقدر اعمل ايه عشان تسامحينى
رحمه / انا حامل
رحيم / مين ؟؟؟ ايه ؟؟؟
رحمه / عملت اختبار الحمل الصبح و طلع ايجابى
رحيم / بتتكلمى جد و لا بتنتقمى منى
رحمه / بجد هو الحاجات دى فيها هزار
رحيم / يا فرج الله
رحيم يسجد فى الارض و رحمه تدمع و يقوم يحضن رحمه
رحيم / انا بحبك اوى
رحمه / عشان كدا بس سمعتك يا رحيم عشان ابننا
رحيم / انا راضى و اوعدك انك مش هتندمى
رحمه / انا كنت هقف جنبك على فكره لو كنت صارحتنى
رحيم / عارف انا غبى خلاص بقى ميبقاش قلبك اسوك
رحمه / و اه على فكره انا حتى لو كنت حامل و انت مصالحتنيش بزمه مكنتش هعبرك برضه
رحيم / طب الحمد لله انى جيت جاهز
رحيم يقوم يقعد لازق فيها و يبصلها شويه و بعدين يحضنها اوى
رحمه / انا بحبك يا رحيم
رحيم يبوسها من خدها
رحمه / ايه انت اتجننت حد يدخل و يشوفك يقولوا ايه
رحيم / يقولوا واحد بيصالح مراته حبيبته ام بنته
رحمه / بنته ؟؟؟
رحيم / اه بنته اللى حلوه و شبه امها بالظبط و هنسميها حياه على اسم الست اللى جابت و ربت احلى و اجمل ملاك فى الدنيا رحمه انا اسف انا اسف على كل دمعه نزلت من عينك بسببى انا اسف على كل كلمه وحشه سمعتيها بسببى انا اسف والله و مش هعمل كدا تانى
رحمه / خلاص بقى هتخلينى اعيط
رحيم يحضنها اوى
رحيم / قومى بقى روحى معايا انا بكره ماشى خلينى المرادى ارجع مبسوط
رحمه / ماشى هقوم اللم هدومى
رحيم يشد الشنطه من فوق الدولاب و يبدا يعبى الهدوم جواها باقصى سرعه و رحمه تساعده
رحيم / بسرعه
رحيم يشيل الشنطه و يطلعوا بره يلاقوا منه و مصطفى و ابراهيم بره
منه / كنت متاكده انه هيقدر يقنعك المرادى
رحمه / ابقى تعالى زورينى هو مسافر الصبح
منه / اكيد هاجى اطمن عليكى ههههههههههههههههه
....................
فى البيت
رحيم يفتح باب الشقه و يدخل و رحمه تدخل تايد النور تلاقى يفطه مكتوب عليها منوره بيتك يا احلى عروسه رحمه تبص لرحيم
رحمه / كنت عارف انى هرجع معاك
رحيم / كنت بدعى ربنا ليل نهار انك ترجعيلى و كنت عارف انه مش هيرجعنى خايب
رحمه / امال بشرى فين
رحيم / هتبات النهرده مع عمها
رحمه تبتسم ووشها يحمر و رحيم يزق باب الشقه برجله يترزع
...............
البدايه
