ဂယူဘင်း မျက်ရည်တွေနဲ့ အိမ်ထဲဝင်သွားတဲ့ ရစ်ခီကို ကြည့်ရင်း သက်ပြင်းချမိတယ် .. ရစ်ခီ့ကို သူက အရမ်းချစ်ပေးခဲ့ပြီးပြီလို့ တွေးခဲ့တာကြောင့် ကွာရှင်းဖို့ပြောတုန်းကဆို နောင်တရစိတ်တောင် မဖြစ်ခဲ့မိဘူး ...
အင်း ... ကုမ္ပဏီက ပစ္စည်းကြော်ငြာကိစ္စကြောင့် အီမီရာနဲ့ တွေ့ရင်း သဘောကျမိသွားတာလဲပါတာပေါ့ .. ဒါကြောင့်လဲ ရစ်ခီ့ကို ဆွဲမထားသင့်ဘူး သူတွေးလို့ ကွာရှင်းခဲ့တာဖြစ်တယ် ... ရစ်ခီကလဲ သူ့ကို မကွာရှင်းပါနဲ့ လို့ မဆွဲထားတော့ ရစ်ခီကလဲ သူ့အပေါ် စိတ်မရှိတော့ဘူးလို့ ထင်ခဲ့တာကြောင့် အဆင်ပြေသွားပြီလို့ပဲ သတ်မှတ်ခဲ့တာ...
အခုတော့ ဂယူဘင်း သူမှားသလို အနည်းငယ် ခံစားလိုက်ရပြီ ... ရစ်ခီ့မျက်ရည်တွေမြင်ရတာ / ရစ်ခီ့ လက်ဒဏ်ရာက သူ့ကြောင့်ဖြစ်တာ သိလိုက်ရတော့ သူအတော် စိတ်မကောင်းဖြစ်မိတယ် ...
ရစ်ခီ့အပေါ်ကို သူချစ်သေးလား မေးရင် သူမသိဘူး ... ဒါပေမယ့် အခုလို ရစ်ခီ့ကို တခြားတစ်ယောက်နဲ့ တွဲမြင်ရတာကိုလဲ လုံးဝမကြိုက်ဘူး ... သံယောဇဉ်ကြောင့်များလား?
_______________________________________
မနေ့ကလူပြောသွားတဲ့ မနက် ၁၀ နာရီ လာခေါ်မယ်ဆိုတာကို ဘယ်လောက်တောင် စိတ်ထဲ ထည့်နေမိလဲဆို ဂယူဘင်း ခြေထောက်တွေက automatic ဝရံတာဆီရောက်သွားပြီ...
တစ်ကယ်လဲ ဟိုဘဲက ၁၀ နာရီမထိုးခင် ၅ မိနစ်ထဲ ရောက်နေတယ်လေ .. သိပ်မကြာခင် ရစ်ခီ အိမ်ထဲက ထွက်လာတဲ့အချိန် ဂယူဘင်း မျက်မှောင်ကြုံ့သွားမိတယ် ..
တစ်ခါမှ ရစ်ခီ့ကို မိုးပြာရောင် အင်္ကျီနဲ့ မမြင်ဖူးခဲ့ဘူး .. အောက်က ဘောင်းဘီအဖြူနဲ့တွဲဝတ်ထားတဲ့ ရစ်ခီက အရှေ့က ကြည့်ရင် သိပ်လှနေတော့မှာပဲ!
သူတုန်းနဲ့ကျ အမဲ ၊ မီးခိုး နဲ့တင် ပြီးနေတာ .. အဖြူတောင် တစ်ခါတလေမှ ထုတ်ဝတ်တာကို ... ဘာ!! မိုးပြာရောင် !!
အရေးထဲမှာ ဟိုလူကလဲ အပြာရောင် တီရှပ်ဝတ်ထားတာ .. မသိရင် ရည်းစားတွေလို အရောင်ဆင်တူဝတ်တာကျနေရောပဲ ... ရစ်ခီ့ကို မြင်တော့ ပြုံးရင်း နှုတ်ဆက်ပြီး ဆံပင်တောင် သပ်ပေးလိုက်သေး .. ရစ်ခီကလဲ ဂယူဘင်းကိုကျ မင်းစိတ်နဲ့မနှိုင်းနဲ့ ဘာညာပြောပြီး ဘာလို့ အဲ့လို အလုပ်ခံနေတာလဲ??
