حوراء المحمداوي ...❤️🔥
بقلمي رواية: « حب في ازقة الموت »
________________________
كل الأشياء أضاءت لي إشارة الحذر
لكن قلبي لا يُريد أن يخافك
فهد: مريم
ريم: شبيها
فهد: بعد يومين العرسها
ريم:ابتعدت عنه وباوعتله بنظرات مبهمه ما مستوعبه كلامه ...
فهد :شو صفنتي
ريم: يا مريم !!
: الطلبتي مني انقذها ورجعها الحبيبها
- وانت بعتها للتجار
:جؤ مابعتها رجعتها الاهلها وشرحتلهم الصار وياها
-مفهمت شي
رجع احتضن خصري بأيد والايد الثانية
بعد خصلات شعري وتابع كلامة بهدوء...
: نفذت طلبج
-شلون سويت هيج واني بعيني شفت
تقرير تحويلها للتجار وستلمت ارباحها؟
:سبق وكتلج اذا تسوين شي لازم يكون
عندج دليل عليه وهذا السويته وي مريم
طلب من الدكتورة تكتبلي تقرير يثبت ان
حالتها الصحية ماتسمحلها بالعمل هنا ولا
بالفرع الثاني وبهل حالة ماعدنا غير نحيلها
للتاجر وقعت على تقرير ودزيت النغم
تسلمة الج حتى يكون كلشي مقنع
-ما فكرت بالتجار شلون اذا وصلو خبر
للسلطانة ما وصللهم شي ؟
:منو كلج التجار يدرون راح يوصللهم شي ؟
اساسا محد يدري غير اني والدكتورة انطيتها كم فلس رادت تبيع روحها مو بس تزورلي التقرير ذول دينهم ودنيتهم الفلوس ما يختلفون على سلطانة الكل همها يوصللها نسبة من الارباح
- وين وديتها ؟
: اخذتها وطلعت البيت اهلها حجيتلهم
الموضوع انو انخطفن لغرض التسول
ماكتلهم بهيج مكان ماقبلو اطلع اله يجي
خطيبها واهله طبعا مثل مكلتي الولد يحبها
اول مشافها ركض عليها ماهمه احد عكس
اهلها الطلبو يفصخ كلشي لان شكو انها مو بنت
-دخلت بيتهم بصفتك شنو ! ودرو انك خاطفها؟
: لا طبعا اتفقت وي مريم تكول اني جيت
وياها من مركز الشرطة وما تركها الا اتأكد
انها بأمان
- اي وبعدين اشصار ؟
: احتضنت وجهه بكفوف ادي وبتسمت
الحب انتصر وكف خطيبها بوجه الكل كال
هاي زوجتي ومستحيل اتخلى عنها مهما صار
وياها اعترضو اهلها وتعالت اصواتهم بين
الرافض والمؤيد الى ان ادخلت مريم وكفت
ابنصهم وكالت:
اذا سبب رفضكم الهذا الزواج شكم
بعذريتي تكدرون تاخذون الأي دكتورة
وتتاكدون بنفسكم
أنت تقرأ
حب في ازقة الموت
Actionبقلمي: حوراء المحمداوي ✍️ مليءٌ بكلماتٍ لا أستطيع التفوّه بها حتى وإن وجدت من ألقيها أمامه تظل بداخلي ألغاز لا حل لها قلبي الذي قد هلك بما يكفي رغم نفحات السعادة اللحظية التي أمر بها ومازلت أرجو السكينة والهدوء لنفسي وقلبي لعلّني أنال ما أتمنى.. ...
