حوراء المحمداوي ...❤️🔥
بقلمي رواية: « حب في ازقة الموت »
________________________
أمَا عَلِمْتَ بِأَنَّ الكَتْـم يَحْرِقُنا
فَهَل يَنَامُ الَّذي فِي جَوْفِهِ نَارُ
غسق: ما صدكت اتحسنت علاقتي بخالد
وبدا ايحبني ويشاركني تفاصيل يومي الى
ان اجه اليوم التصلو بي اتغير كلشي
رجع الطبعة المزعج و صمته و سوالفة المكسرة
كعدت الصبح ما لكيتة يمي طلعت للاستقبال
هم ماكو مراجع للبيت من البارحة
بديت اعزل بالبيت اشغل عقلي بس هيهات
يشغل عقلي غير خالد اتخذت قرار لو اخلي
يحجيلي شنو الغيرة عليها فجاة لو اتركة
ممجبورة اخلص عمري وي شخص محاسبلي
احساب ولا مهتم بيه قطع تفكير صوت
دكات الباب رحت افتحة وكل ظني خالد
فتحت بالباب شفت اخر شخص ممكن اتوقعة
من بعد كل هاي السنين ترجع ريم !!
ابداخلي شعور متناقض اشتياق و احتياج وكرة
وخوف سديت الباب بوجهاا ما اريد اشوفها
اجت ويا ريتها ما جايه الكلام الكالته ماكو عقل يستوعبة مستحيل اكون عايشة بكذبة كل هاي
السنين ريم مخطوفة و خالد مجرم وشيماء بايعتها وبابا مخطوف لا لا مستحيل ايكون كلامها صحيح
خليت ايدي على راسي وافتر بالبيت مثل المخبل
احجي شي ورد على نفسي عشت بتناقض بين
المصدك ريم وبين لا ، معقولة اني مزوجة مجرم
وريم الكرهوني بيهاا كانت مخطوفة ومنوو الخطفة خالد و شيماء ههه لا لا غسق لا تضحك عليج ريم
يمكن بعدها اتحب خالد !! اي اي اتحبه وسمعت
بي اتزوج واجت تخرب بيتي اتريدني اتركه
بس ريم مو هيج وشعرفهاا بسلطانة؟؟ شبيج غسق اكيد كانت امراقبته وعرفت سلطانة شنو يعني
اتزاحمت الاصوات ابراسي صوت ايكلي كان لازم
اتصدكين ريم وتخليها تحجيلج كلشي هاي اختج
وصوت لا ريم تكذب عليج ريم شردت وي شخص وبسببها مات ابوج ابسببها تركتي الدراسة ابسببها متكدرين اترفعين راسج بين الناس حتى خالد
اتزوجج وذلج بس لانك اختهاا
احس راسي حينفجر ماكدر اميز الحقيقة
بدون وعي شلت الكزاز اليمي وضربتة بالحياط
لكممممم كاااااافيييي سكتتتوووو كااااافييي
كورت نفسي وخليت ادي على اذاناتي واصيح
احس فقدت ماكدر اسيطر على نفسي ظلمت
الدنيا ابعيني ومدري بالباقي
ماعرف شكد مر وقت فتحت اعيوني بعدني
ابمكاني والكاع كلها كزاز سحبت نفسي لاحد
زواية الاستقبال لميت رجلي لصدري وبقيت
اباوع بالفراغ ...
أنت تقرأ
حب في ازقة الموت
Actionبقلمي: حوراء المحمداوي ✍️ مليءٌ بكلماتٍ لا أستطيع التفوّه بها حتى وإن وجدت من ألقيها أمامه تظل بداخلي ألغاز لا حل لها قلبي الذي قد هلك بما يكفي رغم نفحات السعادة اللحظية التي أمر بها ومازلت أرجو السكينة والهدوء لنفسي وقلبي لعلّني أنال ما أتمنى.. ...
