حوراء المحمداوي ...❤️🔥
بقلمي رواية: « حب في ازقة الموت »
________________________
إنما حياة الأنسان
على الارض جهاد ف أستمر
ريم: باحد ايام الصيف الحارقة كعدت كدام المبردة بعدت خصلات شعري القصيرة بأنزعاج اللتفتت على غسق ومحمد يلعبون بالالعاب زفرت بملل وتقربت على المبردة استنشق هواها البارد …
غسق: خل نلعب برا
ريم: ماما متقبل
غسق:بحزن
بس فاطمة تكول يوميا اطلع العب برا محد يحجي
ريم:انخاف عليج من جهال المنطقة وكحين انتظري من يبدا الدوام العبي وي صديقاتج
غسق: سندت ادي على خدودي واردفت بملل
بعد هواي للدوام
ريم:لعبي وي محمد شوفي شلون يفرح من نلعب ويا
غسق: ايي بس انتِ هم تلعبين ويانا
ريم: اي تعاي
شيماء: رييم ولج رييم
ريم: باوعت الغسق وطلعت من الاستقبال
ها ماما
شيماء:حضري ملابسج ترحين الامي وبليل اجي اخذج
ريم: يمه حبابه خليني هناا والله حارة ماكدر اطلع
شيماء :اذا مترحين ادز غسق
ريم: لا لا اني اروح عوفي غسق
شيماء: يلا روحي بسرعة
ريم: تنهدت بتعب ورحت احضر ملابسي اجت وراي غسق جلبت بطرف ارداني …
غسق: لا ترحين البيبي
ريم: ليش
غسق: من ترحين ماما شيماء تخليني اشتغل مثلج
ريم: كعدتها يمي مسحت دموعها وحجيت بهدوء
حاجيتها كالت بعد ما خليها تشتغل …
غسق: لا جذابه البارحة هم كلتلج هيج بس طلعتي خلتني اغسل المواعين ومن كسرت ماعون كتلتني
ريم: حضنته وامسد على شعرها
احساس العجز موجع لا اكدر اسكت ولا اكدر اشكي البابا اول تالي راح يلتحق اسبوع ونبقى وحدنا وياها
شيماء: ولج اليشوفج ايكول دازتج للحرب مو الامي كومي فضيني خل اسد الباب وراج
ريم: اي رايحه
بست محمد او غسق وطلعت من بيتنا بعز الحر … تمشيت بخطوات سريعة وايدي فوك عيوني احجب اشعة الشمس باوعت كدامي شفت سيارة طابكة يم بيتهم استغربت من وجودها يمكن مو الها للجوارين دفعت الباب و دخلت للاستقبال لكيتها متمددة من شافتني كعدت وفتحتلي اديها …
أنت تقرأ
حب في ازقة الموت
Aksiبقلمي: حوراء المحمداوي ✍️ مليءٌ بكلماتٍ لا أستطيع التفوّه بها حتى وإن وجدت من ألقيها أمامه تظل بداخلي ألغاز لا حل لها قلبي الذي قد هلك بما يكفي رغم نفحات السعادة اللحظية التي أمر بها ومازلت أرجو السكينة والهدوء لنفسي وقلبي لعلّني أنال ما أتمنى.. ...
