حب في ازقة الموت

البارت - 8 -

حوراء المحمداوي ...❤️‍🔥

بقلمي رواية: « حب في ازقة الموت »
________________________

نِذرنالك تجي وندعيلك تعود
وعمّت سجينّه وشيب نِذرنا

:سلطانتي مو هيج الاتفاق من شوكت تخلين وحدة خاصة الاتباعنا

سلطانة: شنو قصدك

:ريم صارلها اشهر يم فهد ومتخلين غيرة يدخللها

سلطانة: غرت من فهد

:مو غيرة بس ما اتوقعت منج تنطين هيج وحدة لفهد حلوة وجديدة المفروض تنطيها مقابل صفقة الشركائج مو تملكيها الفهد

سلطانة: ما ملكتها بس خليتها يمه ايروضها واخذها منه ما اريدها اتسببلي مشاكل اكثر من السوتهن

:اعتقد مدة الترويض خلصت

سلطانة: عندك حق يلا سلام

:سلام

سلطانة: غلقت الخط وصحت على حارس ...
سرداار

سردار: نعم سلطانة

سلطانة: كول النغم تجهز ريم وتاخذها

سردار: امرج سلطانة

::: ريم ... ...

ريم: مرت اشهر على وجودي بهل مكان انتهت بي اخر نقطة امل عندي بأنقاذي وصلت مرحلة كرهت اهلي كد كرهي الفهد ...

تمددت بفراشي وعيني على سكف صافنه بذكرياتي مثل كل يوم فزيت على صوت فتح القفل شلت الماعون اليمي وخليته بوضع الهجوم نزلته من شفت نغم وياها بنت ثانية ...

نغم: كومي وياي

ريم: وين
كلبت عيونها بملل ونترت

نغم: كوميي

ريم: كمت بتجاهه باوعتلي صفح وطلعت قبلي رحت وراها وبصفي بنت ثانية وصلت للحمامة شمرت عليه فستان ...

نغم: كلشي موجود بالحمام نضفي نفسج زين ولبسي هذا انتظرج بغرفة التبديل

ريم: شمرته بوجه وصحت
مااا سملحكمم تكرررونهاااا
قربت عليه عصرت فكي بقوة قابلتها بنظرات باردة

نغم: عبالج تبقين الفهد بأحلاممج

ريم: دفعتني على حمام وصاحت

نغم: ربع ساعة الج لا اكثر اذا ماا لكيتج جاهزة وجايه بغرفة التبديل ادخل بناات ايسبحنج غصب

ريم:سديت الباب بقوة و دخلت سبحت ولأول مرة اتمنى فهد موجود نزلت دموعي بقهر : وينك مو كلت محد ايقرب الملك الفهد

مسحت دموعي وطلعت من الحمام شفت البنيه واكف منتظرتني رحت وياها الغرفة التبديل كعدت يم المراية انتظر نغم تخليلي مكياج باوعت عليها ابتسمتلي بشماته كل عقلها اتغار على فهد امفكرتني راغبته