البارت1
🥀 ثروة فقير عاشق،🥀
✏ بقلم حنان فارس ✏
نسخة2021
فعز اشعة الشمس الحارقة المتعطشة إلى عرق الفقراء كانو كيهزو اكياس الاسمنت تقيلة ويدخلوها لقلب لمعمل . عرقانيين وعطشاانين كاين لي فيهم شاب وكاين لي فيهم شايب مي الحاجة دارتها متتحرم حد ومتتفرق بين حد
هادي هي حالت الفقيرر إلى مخدمش ومتعدبش مكين لي يحن عليه.. ..
فنفس جماعة كان هواا سالا الأكياس لي خصو يهز وكلس يمسح عرقوو..لي نازل من جبهتوو..وباين فصدرو..
اشعة شمش ضاربا فعيونو السودا لامعة..مصغرهم..بسبابه نورها.. شي لي زادو حدة من حدة الصرامة لي باينا على وجهو..
كان شاب ف فوسط العشرينات من عمرو.. شفايفو صغار كانو بينين مشقيقن ناشفين اكيد عطشان حيت نهار كولو وهوا خدام..مسح بيديه على لحيتو. لحيتو..لي مرسومة فوجهوو..
بشرة سمراء ..وزادت برونزاتو شمس
. لابس تيشورت بيض كولو مغبر بسيما ..وتقطع من جهة يدو.. بكترت متمدات عضالاتوو لي نازل منهم العرق نتيجة لحرارة
جسموو الطويل والعريض..والعضلات لي باينااا.. مرباهمش فلاصال انما فلخدمة من صغرو زاوج بين لخدمة ودراسة إلى ان هاد لاخيرة سمح فيها مؤخرا حيت مو مرضات كان خصوو يهز ميمتوو بحكم معندوش اب .. مكان قدامو غير يخرج يتحارب على قبل موو ويسمح فقرايتو وفحلمو دأنو يكمل قرايتو فمدرسة للمهندسين ويولي مهندس ناجح.. لكن ماماه كترو عليها مصارف لعلاج فملقااش سبيل غي يخدم وقتو كولو ويرمي حلمو فمزبلة لاحلام..
داار منين عيط ليه صاحبو
محمد؛ سااط ساليتي ؟
حرك راسو باه ونطق ببصوتو الغليظ الخشن.
ُحُدٓيفة؛ اه اصاحبي
محمد؛ اوا اش عوال دير
حديفة؛ غنمشي لدار نشوف لميمة ومنها ندوش ورتاح نتا عارف فليل عاود خدام فلقهوة
محمد؛ واحد بحالك لحية وطولا وتجريداا بلاصتك ماشي هناا اسااط خصك تكون شي موديل شيي لعيبة فلمجتمع
"ضحك بجهد"
حديفة؛ بشاااخ على موديل وش كنبان لك رطب ؟؟ فين هيا رجلة مستعد نموت وانا كنهز فلخناشي ولا لبس سروال مقطع ونصبغ شعري.ونكوز قدام العباد
محمد؛ وتا غير ضاحكين
حديفة؛ شفت با حمد مزال حاصل مع لخناشي نمشي نعاونو
محمد؛ وياك هزيتي معاه نص
حديفة؛( ضرب فكتفو) دير لخير تلقاه
محمد؛ غادي تجيبها غا فعضامك اشمن اتلقاه
حديفة؛ (ابتسم ليه) وسير سير
محمد؛ هاهوا غادي نتقاشعو غداا
حديفة؛ وخا .
مشا حديفة هز مع باحمد لخناشي سلاهم وعاود غسل وجهوو
با حمد؛ ولدي حديفة معرفتش اش نقول ليك
حديفة؛ بغينا غا دعيوا مع لميمة ابا حمد كافياني
باحمد؛ سير اولدي الله يحفضها لك ويشافيها لك ويحميك ليها ويخليها تشوفك كيف بغاتك
حديفة؛ ربي يحفضك با حمد وكنقولك متبقاش تهز هاد لمرض راك كبرتي عليهم
باحمد؛ اوا اش دير اولدي هادشي لي عطا الله
حديفة؛ مدير فبالك والو ابا حمد غير يجي سي بن جلول ولا وحد من لمسؤلين نهضر معاهم على ودك يعطيوك شي بوسط لداخل وجهك ماشي دهاد تمارة
باحمد؛سير اولديي بغيت اي حاجة بغاها قلبك تجي تا لعندك
حديفة مسح بيديه على وجهوو تخلص من قطرات لما لي علقات فشعروو..عنكش شعرو لي نازل على جبهتو
حديفة؛(تنهد ورسم ابتسامة سخرية على شفايفو.. ) زعما لي بغيناها تجي لعندنا؟ وش يقدر يوقع هكدا فهاد دنيا ..صعيبة ابا حمد
باأحمد؛ (ضرب فكتفوو) كولشي عند الله قريب
فجأة سمعو و صووت سياارة كتكلاكصوني على باب لمعمل.. مشا لحارس حل ليهاا لبااب بجراااا دخلات كيف ريييح... نزلاات منها بسرعة لبرق
(بنت بجسم انثوي صاارح.. فلعشرينااات من عمرها شعر ذهبي قصير. عيون زرقا كلون سما دايرا مكياج صاارخ....) .
عضات على شفايفها لمعكرين بلحمر .. كتسووط بجهد.. وكطير خصلات شعرها على وجهاا.. سدات لباب بجهد لدرجة تسد على صاكها..
كاان كيشووف فيهاا ساهي مرفوع كيشوفها كفاش كدابز باش تحيد صاكها من لباب دلوطوو بحال شي بنية صغيرة كتخربق فتعابير وجها زااد عندهاا وهوا مرفوع من حركتها طفولية
#يتبع
أنت تقرأ
ثَروة فقير عاشق(كاملة)
Tiểu Thuyết Chungلم يولد وفي فمه ملعقة من ذهب، لقد تعود أن يخوض حربا من أجل قطعة خبز بارد تاركا أحلامه وراء ظهره وغمس جسمه في غبار أعمال تستنزفه لآخر قطرة عرق. لم يكن يهتم، فعيناه على عقاقير أمه، لم يهتم يوما بالعلاقات فهو يعلم أنه ليس أهلا لذلك، فكل فتاة تحلم بر...
