🌋ثروة فقير عاشق 🌋
بقلم حنان فارس
ج؛ 40
رحمة؛(خفضات صوتها) مواقعناش مخصكش تخضع خصك تحارب.. إلى كنتي عارف ان شي بلاصه تستاهلها فحارب على قبلها متكونش دغيا كتستسلم لحاجة لي ديالك ومن حقك متخليش غيرك ياخدها...
فاطمة؛ ابنتي اشمن حرب وش حنا فلحرب ياربي السلامة بسم الله عليك
رحمة؛ لا اخالتي هوا ايفهم ههههه يلاه نخليكم انمشي لبيتي منين يساليو عيطيلي اخالتي نهز
فاطمة؛ مكين لاش سيري تنعسي من صباح ونتي فلكوزينا واقفا
رحمة؛ لا مفياش نعاس غي عيطي لي
فاطمة؛ اوا إلى مفيكش نعاس اجي كلسي معانا
رحمة؛ خصني ندوز ابل لماما
حذيفة؛ صافي خليها اماما
ابتاسمات ليهم ومشاات
فاطمة؛ هاد لبنت ليوم معجباتنيش كانت تنقز كيف لوريدة وتضحك وضحكنا ودابا معرفت مالها
محمد؛ عادي سطريس دلقرايا.. ولكن عندها لحق حارب على بلاصتك اخويا راك عارف فلمغرب الا محيدتيش لقمة من فم سبع برب لاعشتيي
حذيفة؛ قلت لك نسا لموضوع.. ساليتي
محمد؛ اه
حذيفة؛ نوض نجمعو مع لميمة بلا منخرجو لبنت
محمد؛ اهااا ليوم اخالتي لخدمة دياالنا يلاه نوووض
فاطمة؛ اوا انا انوض نعس
حذيفة؛ احقا شربتي دواك
فاطمة؛ عطاتوو لي رحمة.. وراه جاب لي نعاس تصبحو على خير
توجهات لبيتهااا. فحين هما جمعو على طبلة.. غسلوهم وهما ضاحكين وشادين فبعض..
محمد؛ يلاه تلاح خصني نمشي نعس دخت
حذيفة؛ كلس تبات لبغيتي
محمد؛ لا منخليش لعيالات بوحدهم فدار
حذيفة؛ يلاه تهلا
وصلوو لباب.. محمد تم غادي وهوا يرجع
محمد؛ اجي متنساش تفكر فهضرتنا إلى عيطو ليك سير
حذيفة؛ بفف سيرر تركد..
محمد؛ احقا ميبقاش فيك لحال من جيهت رحمة بنت ضريفا وزوينااا اكيد اتلقا غيرك
حذيفة؛ (تم راجع) سيييير تنعس (زير عليها)
محمد؛ شفتك بحال إلى تقلقتي
حذيفة؛ تصبح على خير
دخل وردخ لباب
..
محمد؛ هداا مالو اوا الله يستر بغيت نخفف عليه صدقت مصعبها
تم داخل.. توجه لبيتوو.. تلاقا معاها خارجة من بيتها
حذيفة؛ غي رجعي راه تغسلو
رحمة؛ أك
حذيفة؛ خالتي بيخير
رحمة؛ اه بيخير
تماات غادة لبيتهااا.. وهوا يشدها من يدها
حذيفة؛ اش واقع شفتك بحالا تتهربي مني؟
رحمة؛ لا ماشي بحال انا بصح تنتهرب منك.
حذيفة؛ نتي لي بغيتي هادشي الوغ واجهي داكشي لي ختاريتي
رحمة؛ اه انا لبغيت.. (تغرغرو عينها بدموع)
أنت تقرأ
ثَروة فقير عاشق(كاملة)
Genel Kurguلم يولد وفي فمه ملعقة من ذهب، لقد تعود أن يخوض حربا من أجل قطعة خبز بارد تاركا أحلامه وراء ظهره وغمس جسمه في غبار أعمال تستنزفه لآخر قطرة عرق. لم يكن يهتم، فعيناه على عقاقير أمه، لم يهتم يوما بالعلاقات فهو يعلم أنه ليس أهلا لذلك، فكل فتاة تحلم بر...
