ثَروة فقير عاشق(كاملة)

البارت19

🌋ثروة فقير عاشق 🌋
✏بقلم حنان فارس ✏
19ج
كامي شافت فيه من الفووق ل تحت و نطقات ..:نهااار من صبااحو نعرفوو كي غيدوووز .. مهم هاهوو تقااعد ديال داك شاارف ..
قاطعها حديفة .. مغمض عينيه .. محاول يكاالمي رااسو و ما ينفاحرش ليها في وجهها على صباح
حذيفة :هاداك سميتوو با حمد
كامي؛ متتهمنيش سميتوو نتمنا دابا يسد فموو داكشي لي بغا وصل لوو
حذيفة؛ مصدقتيش عليه هداك حقوو
كامي؛ (تنهداك) عارفا وراه داه

حديفة؛ على كل شكرا نتي راك كاع معرفاش قداش هاد تقاعد ايفرح با حمد
كامي؛ واجبي امستر محامي اجي وش باك؟
حذيفة؛ (ضحكاتو) ههههه لا غي سميتو هكدا احتراما له

ابتسماات ليه بغرور..
كامي؛ اه اوا سير لخدمتك (وتمات غادة)
في حين هو توجه ل خدمتو كيتسنى في با حمد يبان .. شمس حاارااا .. و هو ككل مرة كهز خناشي د سيمة فوق كتافوو ..
شويا بان ليه محمد داخل.. توجه نشان لحذيفة

حذيفة؛ العشيرر فين غاابر
محمد؛ نتا لي غبرتي جيت عندك لبارح فلعشية ملقيتكش
حذيفة؛ اه لعشية كنت مشغول. مهم خلينا من لخدمة عندي لك خبار زوينا.
محمد؛ تا انا عندي لك خبار خصك تعرفها مهم قول نتا لول

حذيفة؛ غي قول
محمد؛ لاا قول نتا حيت منين ااتسمع هضرتي اتنسا اش اتقول

حديفة؛ (هز لملف) واخيرا باا حمد عطااوه تقاعد ديالوو كنعاينو غي يبان نعلمو ونشوف لفرحة فعينيه

محمد بقااا واقف جاامد ودموع تحجروو فعينه.. كفكر كيفاش يزف عليه هاد صاعقة .. و كشوفوو فرحان ما عرفش كيقوولها ليه .. حذيفة شاف دموع في عينيه و استتغرب ..
حذيفة :مالك اساط شفتك تأثرتي كتر من لقياس نوغمالمون خصك تفرح ماشي تكمش كمارتك
محمد حدر عينيه .. و هزهم تاني كشوف في حذيفة .. سرط ريقو و نطق بصووت متقطع
محمد؛ هاد لفرحة لي باغي تشوف فعيون با حمد عمر اتشوفها اخويا حيت با حمد عطاك عمرو لبارح فلعشياا(حط يدوو على كتف حديفة) لبركة فراسك

.....

حذيفة؛ (شاف فيه مصدوم و نطق ب صوت متقطع ) كيفااااش .. اششش كتخووور ا محمد
محمد:هادي سنة لحياة اخويا
حذيفة؛ (شد محمد من كولو كيديه و جيبو )براااكة من طنرزز دياااالك ا محمددد .. رااجل عاد شفتووو الباااارح .. كيفااااش كتقووولي دابااا مااات
محمد؛ لمكتاب اخوووياا ..قدررر الله خاصنا نرضاو بيه
حذيفة طلق منو .. كحرك راسو بنفي راجع بلور .. و دموع محجررة ليه في عينيه .. با حمد كان كحسبوو باه .. كان ساكن حداهم في الحومة لي كانو فيها .. كان ديما كدافع عليه فاش كحكروه دراري .. كان ديما هو هاداك الحضن دافئ لي كلجئ ليه .. و كعاوضو على حنان الاب لي فتاقدو .. كان ديما كيعاونو في قراايتو و يحفضوو القرآن .. و ينصحوو حتى جعل منوو راجل .. قلبوو كحس بيه تهرس ل اشلاء .. و هو كشوف انه كفقد كاع ناس زوينين لي في حياتو ..

عطا ل محمد ب ضهر غادي .. ما عارفش فين .. مهم يبعد .. مهم ما يبقاش بين هاد ناس .. في هاد ضجيج .. باغي يمشي شي بلاصة بوحدووو .. يغوووت و يبكي .. و يخوووي كاع لي في قلبووو .. سمع صوت محمد من موراه ..
محمد : اليوم مور ضهر اندفنوه عنداك ما تجيش

خرج ل شارع غادي .. بالنسبة حذيفة كان اقل حاجة يديرها على قبل با حمد هي هاد تقاعد .. هز الملف قدام عينيه و ضحكة استهزاء ترسمات ليه .. كشوف في هاد الحياة شحال قدرة و مسخة .. في لوقت لي هو ريي لي عالم ب حالو .. كاين لي كي ضحك و فرحان .. علاش الحياة ماشي عادلة .. علاش الحياة ما عطاتوش قد ما خدات منوو .. كحس براسو من نهار تخلق و هو غي في تمارة و العذاب .. كان كتمنى يعطيه هاد الملف و يشووف الفرحة في عينيه .. نزلات من عينو دمعة حارة .. دمعة كي جمرة حرقات خدو .. شد داك الملف بين يديه و بدااا كقطع فيييه .. حتى طير رياح اشلاء للورق

حذيفة؛ (بتدمر ) مشيتي قبل منشوف لفرحة فعينيك

فلوقت لي كان حديفة فوسط شانطي كااانت جايااا سيارة بسرعة عالياا وموسيقى مجهدااااا..يلاااه هز عينووو وهواااا يلقااهااا قريبااا .. وتسمع صوووووت لفران مجهد