ثَروة فقير عاشق(كاملة)

39

🌋ثروة فقير عاشق 🌋
بقلم حنان فارس
ج؛ 39

كانت تتوجد لعشا مع خالتها.. تا سمعات دقان في الباب

فاطمة؛ سيري ابنتي حلي لباب ايكون حذيفة وصاحبو جاو

رحمة؛ كفاش وش جاو معاه ضياف كن زدنا من لعشا؟

فاطمة؛ غي محمد بحال ولدي

رحمة؛ اه وخا

مشاات بزرباا.. حلات لباب.. شافتوو. واقف قدامها. وموراه صاحبو

حذيفة ؛(شاف فيها) سلام

رحمة؛ (تجنبات شوفة فعينو) وعليكم السلام..

(وجهات نظرها لمحمد) سلام خويا مرحبا بك

محمد؛ ترحب بيك جنة.. نتي رحمة ياك

رحمة؛ اه

محمد؛ سمعت عليك بزاف

رحمة؛ اوا على الله لي ذكرني يكون ذكرني بلخير ههه يلاه دخلو

توجهوو لصالون. فحين هياا رجعات لكوزينا
محملاش توااجه معاه..ولا تشوف وجهو ..

.
......فجهة خرااا.........

. صوت ضحكتهم كان معبي لفيلا

صهيب؛ وليتو تبانو لي ربعة ربعة دخت بنعاس نمشيي ل دارنااا

تم نايض حتى وقفاتو حفصة

حفصه؛ فيك نعاس وباغي تسوق كلس تبات هنا بيت ضياف خاوي

صهيب؛ (حل عينو وسدها) ياربي دوز هاد لحلمة على خير.. خليتكم الخوت وليت تنتخايل شي حوايج لبصله سيسائيه ديالي متتقبلهومش

صفوان؛ صدمتيه مسكين.. انا انسوق غي تهناي
حفصه؛ صافي نتوما سيرو وخلي كترين معايا
كاثرين؛ بلييز خويا
صفوان؛ صافي بغيتي تكلسي كلسي.. يلاه نخليكم راه لكلب سبقني.. كنت نتمنا نتلاقا بكاميليا ولكن تعطلات
حفصه؛ ليوم عندها خدمة زايدا
صفوان؛ مرة اخرى .. باي

تم خاارج لقاا صهيب متكي على لوطو.. كيعاينو.. عينو بدات كتسد بنعاس.. جاا عندو بخطوات تقال وغوت لو فوذنو..

صهيب: واش باغي تموت تقبتيه لي

صفوان:واااااايليياااا
صهيب؛ طبل دَودني الكلب منين ناس خداو لعقل نتا خديتي الخرايا
صفوان؛ على داكشي تنتصاحب غي معا لخرايا
صهيب؛ مصاحبيش تنتصاحب غي مع لبنات ماشي كولشي مثلي بحالك
صفوان؛ شفت نعاس مشا لك
صهيب؛ لااااا مزال غازيد

يلاه جاو يطلعوو.. وهماا يشوف لوطو وقفا حداهم
صهيب؛ بفف مفيا لي يدابز.. (حل لوطو وذخل)

صفوان توجه لكامي.. لي كانت نازلا من لوطو وتوجهات لجهتو

كامي؛ اووووه شكووون هنااااااااا صفوان وانا كنقول مال لمغرب ليوم مضلام

صفوان؛ ههههه كامي متبدليش زعما يلاه جيت على لاقل رحبي بيا وخا غا تمتيل

كامي؛ نتا بضبط منقدرش نسا اش كونتي دير لياا ونرحب بيك
صفوان؛ وايلي مزال منسيتي
كامي؛ مزال فيا لطراس داخر ضربة
صفوان؛ وكنت صغير ونتي كونتي باسلا اصلا مبقيتش نضرب لبنات والله

كامي؛ على أساس دابا كبرتي

صفوان؛ هانتي تشوفي
كامي؛ ههههه صراحة كبرتي كن مكونتش نشوف تصاورك واخبار فليغيزو مكونتش نعرف
صفوان :سمعت اتزوجي بصاحبي مبروك
كامي؛ الله يبارك فيك.. داك صاحبك راه كيشخر سير وصلوو وانا خصني ندخل
صفوان؛ يلاه تصبحي على خير كراميل
كامي؛ سميتي كاميليا يااه عمرك تبدل
صفوان :مستحيل.. يلاه نتاقشعو غدا
كامي؛ على مزال مطول فلمغرب
صفوان؛ عوال ندوز رمضان فلمغرب
كامي؛ اواا صبر اربيي
صفوان؛ ههههه غي بلا مضيعي دعواتك عليا ستخدميهم فحاجة خرا اينفعوك.. يلاه كود باي

توجه لوطوو دياالوو.. بقاا مراقبها تا دخلات.. وتوجه لدارو

كانو كالسين على طبلا دلعشاا.. مجموعين كيهضرو ويضحكوو. وكيتصارعو مع احاسيسهم

محمد؛ لالا اخالتييي داب لمعمل مبقات فيه خدما..
واصلا انا ممهتمش بلخدمة فيه خدام منشط جمعوي حسن لي لمعمل غي محد ختي وولادها راهم معانا وخصني نتكلف بتكاليف إلى كتاب وتصالحو هي وراجلها انخرج والا لا انبقا

فاطمة؛ راجل ختك الله يعمر ليه دار ميسمحش فيها

محمد؛ ختي لسانها سريط خليه يربيها شويا

حذيفة؛ متهضرش على ختك بلخايب

فاطمة؛ ونتا اولدي كيف داير مع خدمتك

حذيفة؛ مزيان الميمة

محمد؛ كن كنت بلاصت مضيع سنين دلقراية فاقسام تحضيرية دلهندسة وعندي ديبلومي كن راني

حذيفة؛ كن رااك اش هاد ديبلوم ومنبعد تقدر تحل مكتب ديالك بوحدك وتولي مهندس معماري غي دراسك؟؟ عندك فلوس هادشي لاا!! يعني عندك حل واحد اتبقا دور على شركات دلمعمار ويرضوك.. إلى بقيت تابعهم انخلي عائلتي تموت بجوع

محمد؛ ولكن علاش مدفعش لمعهد لخاص دلمهندسين إلى تقبلتي اتدوز سطاج دشهرين وتخدم معاهم فشركات كبار.. لمعهد متأرسو سي بنجلون ونتا عارف الاطر ديالو كلهم من فرنسا

حذيفة؛ دفعت ومزال معيطو وتا إلى عيطو مغاديش نمشي ندوز لمبارات معنديش لوقت فين نكمل لقراية وحيت بكل بساطة هدا هوا واقعنا حنا
كانت تدور فلمعلة بلا متاكل.. تتسمع لهضرتهم ساكتاا.. شويا رضخاتها مع طبسيل

رحمة؛ (بلغوات) موااااقعنااااش موااااقعنااااش