66:🌋ثروة فقير عاشق 🌋
بقلم حنان فارس
وقفات جامدة بلا اي حركة.. حاسة بقلبها عند فمهاا.. ذاتها كولها بدات ترعد.. معرفاش راسها وش فواقع ولا تتحلم.. كفاش كيعيط عليهاا شنوو داباا وش سمعهااا.. استجمعات قوتهاا ودارت بشوياا شافت فيه ناااعس.. جبهتووو عرقانة.. كيعيط باسمها بهمس وهوا غارق فأحلاموو..عرفاتو غي كيهلوس.. زادت عندوو بخطوات تقال.. مسحات لعرق من جبهتوو. طبعات قبلة خفيفة..
رحمة؛ سمحلي حيت وليت كابوس بالنسبة ليك وقضيت تا على أحلامك زوينة
شداات على فمهاا.. مبغاش تخرج شهقتهاا.. خرجات تتجري... دورات عينهاا فدار.. شحال ضحكات وبكات هناا.. شحال من مرة.. كانت قريبة ليه.. ودابا اتبعد بمرة جراات لباليز... وصلات حدا باب لخروج.. دورات عينيها وكأنها كتودع مأوى حبيبهااا.. حلات لباب وخرجات.. لقات طاكسي حداا لباب.. ركبات وهي تتسمع لغوات خوها ولومو ليها حيت تعطلات.. تكات على زاجة دلوطو وخلات دموعهاا يسيلوو بصمت.. وانطلقات رحلتهاا ورحيلهاا.. معرفاش أشنو مزال كيعاينهاا ولكن شنوو مكان مغاديش يكون أسوء من حالتها دابااا
.. كيشوووفهاا كتبعد.. كيعيط عليهااا لكن مسمعاتش.. بعدات بمرة.. واختفت فضباب بمرة.. غوت وغوت مسمعاتش... غوت عليها بأعلى صوت ووو.. تهز من بلاصتوو.. فايق من حلمووو كيلهت
حذيفة؛(كيمسح عرقوو.. صدرو كيطلع ويهبط) رحمة... رحممممة
ناض من بلاصتووو تيجري... خرج توجه نيشان لبيتهاا.. خايف ليكون حلمووو واقع... يلاه جا يحل باب بيتها وهوا يتردد
حذيفة؛ حمااقيت اناا مفيهاااش(مسح على وجهوو) وزاد لدوش توضاا باش يصليي لفجر لي مبقا ليه والو ويؤدن
...
67:🌋ثروة فقير عاشق 🌋
بقلم حنان فارس
خرج من دووش تلاقا مع ماماه.. خارجة من بيت رحمة.. ملاميحها مبدلين
حذيفة ؛وش مبغاتش تفيق تصلي؟؟
فاطمة؛ لا هيا مغاديش تفيق
حذيفة ؛اواا صافي خليهاا.. وفيقي ذاك خونا
خلا موو وزاد لبيتووو.. حل لباب وهوا يسمع ماماه
فاطمة ؛ تاهوا مغاديش يصلي حيت هماا بجوج بيهم مشاو.. كان قاليي ايمشيي مع لفجر ولكن مشاو بكري
حذيفة؛ (برك على وحد لمصمار فلباب بأقصى جهدو) وش.. رحمة.. مشات
فاطمة؛ اه اولدي مشات مع خوهاا
حذيفة؛ (بحة حزن فصوتو) اوا الله يوصلهم على خيير
دخل لبيتووو وسدد لباب.. برك على يديه لي تجرحات وخلا قطرات دم نازلين منها.... بقااا واقف قدااام لمراية.. عيووونووو ولاااو حوومر محجرين بدمووع..هز يديه تا لسماا بغا ينزل على لمراية.. وقفهاا فاخر لحظة
حذيفة ؛متستاهليش وحدااا ختارت لفلوس عليااا مخصنيش نفكر فيهاااا.. صافييي من ليووووم نتييي ميتة بالنسبة لياااااا
*****بعد ساعات * **
كانت شادة يديه.. ناعسة وهيا كالساا.. ليل كولو وهيا معاااه كتعاينوو غير يفيق.. لكن نعسات وهوا مزال مفاق
أنت تقرأ
ثَروة فقير عاشق(كاملة)
Fiction généraleلم يولد وفي فمه ملعقة من ذهب، لقد تعود أن يخوض حربا من أجل قطعة خبز بارد تاركا أحلامه وراء ظهره وغمس جسمه في غبار أعمال تستنزفه لآخر قطرة عرق. لم يكن يهتم، فعيناه على عقاقير أمه، لم يهتم يوما بالعلاقات فهو يعلم أنه ليس أهلا لذلك، فكل فتاة تحلم بر...
